اسلام آباد (جیوڈیسک) اسلام آباد پولیس نے ملزم سکندر ضیا کو میڈیا کے سامنے پیش کر دیا۔ ملزم نے اعتراف جرم کرتے ہوئے بتایا کہ اس نے ایک مطلقہ خاتون سے منگنی کی تھی۔ اس کا خالو مقتول عامر اللہ خان اس رشتے کے خلاف تھا۔
ملزم نے بتایا کہ اس کے سسرالیوں کی جانب سے اسلام آباد میں ایک مکان لے کر دیئے جانے کا بھی مطالبہ کیا گیا تو اس نے خالوعامر اللہ اور اس کے اہل خانہ کو قتل کرکے ان کی جائیداد پر قبضہ کرنے کا منصوبہ بنایا۔ اس نے قتل کے لئے پشاور سے کرائے کے قاتل حاصل کئے۔
واردات کے روز وہ شام چار بجے عامر اللہ کے گھر میں داخل ہوئے۔ تمام اہل خانہ کو باندھ کر گلے میں پھندا ڈال کر قتل کیا۔ ملزم نے بتایا کہ ملازم اصغر بھی واردات میں شامل تھا جسے راز افشا ہونے کے خوف سے قتل کیا۔
تحریک انصاف کی شیخ رشید احمد کو قومی اسمبلی میں اپوزیشن لیڈر بنانے کی تیاری
جلالپور بھٹیاں: اغوا برائے تاوان اور بھتہ خوری میں ملوث ملزم گرفتار
