اسلام آباد کی خبریں 07.09.2013
Posted on September 8, 2013 By Tahir Webmaster اسلام آباد
صدر آصف علی زرداری ملک کی سیاسی تاریخ میں پہلے جمہوری صدرہوں گے جو گارڈ آف آنر لے کر ایوان صدر سے رخصت ہوں گے
اسلام آباد ( این این اے) صدر آصف علی زرداری ملک کی سیاسی تاریخ میں پہلے جمہوری صدر ہوں گے جو گارڈ آف آنر لے کر ایوان صدر سے رخصت ہوں گے۔ سابق صدر پرویز مشرف کے بعد آصف زرداری پانچ سال کے بعد اقتدار کے اعلیٰ ایوان کو خیر آباد کہہ دیں گے یہ بھی اتفاق ہے کہ صدر آصف علی زرداری کی جگہ حلف اٹھانے والے صدر ممنون حسین کا تعلق بھی صوبہ سندھ سے ہے۔ آصف زرداری اس بات پر کافی خوش نظر آ رہے ہیں کہ انہیں پانچ سالہ مدت پوری ہونے کے بعد ایوان صدر سے باعزت رخصت کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی دارالحکومت اسلام آباد کے ترقیاتی ادارے سی ڈی اے کو نجی شعبے کے حوالے کرنے پر غور کیا جا رہا ہے
اسلام آباد (این این اے)وفاقی دارالحکومت اسلام آباد کے ترقیاتی ادارے سی ڈی اے کو نجی شعبے کے حوالے کرنے پر غور کیا جا رہا ہے۔ سابق ادوار میں سی ڈی اے کے انتظامی ڈھانچے کو نقصان پہنچایا گیاجس کی وجہ سے اس کی کار کردگی متاثر ہوئی۔ وزیر اعظم میاں محمد نواز شریف نے وفاقی وزیر داخلہ چوہدری نثار علی خان سے مشاورت میں اس بات پر اتفاق کیا ہے کہ سی ڈی اے کے انتظامی ڈھانچے کو بہتر کرنے کے لیے اسے نجی شعبہ کے حوالے کیا جائے اور پبلک پرائیویٹ پارٹنرشپ کے اصولوں کے تحت اس ادارے کو ہنگامی طور پر اس میں انقلابی تبدیلیاں کی جائیں گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی دارالحکومت اسلام آباد میں قانون نافذ کرنے والے اداروں نے اسلام آباد میں دہشت گردی کی ایک بڑی واردات ناکام بنا دی
اسلام آباد (این این اے) وفاقی دارالحکومت اسلام آباد میں قانون نافذ کرنے والے اداروں نے اسلام آباد میں دہشت گردی کی ایک بڑی واردات ناکام بنا دی بارود سے بھری گاڑی اور ریموٹ کنڑول جہاز قبضہ میں لے لیا ۔ دہشت گرد 6ستمبر اور نئے صدر کی آمد سے قبل بڑی کاروائی کرنا چاہتے تھے جسے مکمل طور پر ناکام بنا دیا گیا ۔ وزارت داخلہ کے ذرائع کے مطابق قانون نافذ کرنے والے اداروں کی بروقت حکمت عملی سے اتنی بڑی کامیابی ملی ہے۔ گرفتار ہونے والے دہشت گردوں کو نا معلوم مقام پر منتقل کر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر آصف زرداری کی ایوان صدر روانگی سے قبل ہی پیپلز پارٹی کے جیالوں نے واپسی کی راہ اختیار کی لی ہے
اسلام آباد (این این اے) صدر آصف زرداری کی ایوان صدر روانگی سے قبل ہی پیپلز پارٹی کے جیالوں نے واپسی کی راہ اختیار کی لی ہے، مختلف اداروں میں تعینات پیپلز پارٹی کے وفاداروں نے اپنے پرانے ٹھکانوں کا رخ کر لیا ہے ۔ وزارت اطلات و نشریات کے زیر کنٹرول پی ٹی وی میں تعینات کیپٹن واصف اور نذیر ڈھوکی نے پیپلز پارٹی اور میڈیا سیل مساوات بلڈنگ میں ڈیرے جمالیے ہیں ۔ اسی طرح ایوان صدر میں پانچ سال تک مقیم رہنے والے ڈاکٹر قیوم سومرو نے دبئی جانے کے پروگرام کو حتمی شکل دے دی ہے جب کہ پیپلز پارٹی کے بعض اہم رہنماوں نے کراچی کو اپنا مسکن بنا لیا ہے تاکہ صوبہ سندھ میں پارٹی کی حکومت کا فائدہ اٹھاتے ہوئے وہ اپنی ساکھ کو بحال رکھ سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی حکومت نے اپنے اخراجات کو کم کرنے کے لیے مختلف محکموں میں بھرتی ہونے والے ملازمین کو سرپلس میں بھیجنے کا فیصلہ کیا
اسلام آباد (این این اے)وفاقی حکومت نے اپنے اخراجات کو کم کرنے کے لیے مختلف محکموں میں بھرتی ہونے والے ملازمین کو سرپلس میں بھیجنے کا فیصلہ کیا ہے ابتدائی طور پر وزیر اعظم سیکرٹریٹ میں چھوٹے ملازمین کا انٹری ٹیسٹ لیا جا رہا ہے اوراس ٹیسٹ میں کامیاب ہونے والے ہی وزیر اعظم نواز شریف کی ٹیم کے ساتھ چل سکیں گے اور ناکام ہونے والوں کو کڈے لائین لگا دیا جائے گا۔
آئینی مدت پوری کرنے والے پہلے جمہوری صدر کا قصر میں آخری دن
اے پی سی کیلئے امین فہیم کو دعوت نہیں دی گئی،پیپلز پارٹی کا اظہار تشویش
