اسلام آباد (جیوڈیسک) اسلام آباد میں پاک فوج کے قیام کی مدت میں ایک بار پھر تین ماہ کی توسیع کر دی گئی، پاک فوج کے جوان اب پندرہ ستمبر تک ریڈ زون میں واقع اہم اور حساس عمارتوں کی سیکورٹی کی ذمہ داری ادا کریں گے۔
اگست میں تحریک انصاف اور عوامی تحریک کے لانگ مارچ اور دھرنوں کے باعث سیکورٹی خدشات کے پیش نظر حکومت نے آرٹیکل 245 کے تحت اسلام آباد میں پاک فوج کو طلب کیا۔ ریڈ زون میں واقع پارلیمنٹ، ایوان صدر ،وزیر اعظم ہائوس سمیت اہم سرکاری اور حساس عمارتوں کی سیکورٹی پاک فوج کے حوالے کر دی گئی۔
پاک فوج ابتدائی طور پر تین ماہ کے لیے بلائی گئی تھی تاہم دھرنے کی طوالت اور دہشت گردی کے خطرات کے باعث پاک فوج کے قیام کی مدت بڑھائی جاتی رہی ۔ پندرہ جولائی کو ختم ہونے والی مدت میں اب حکومت کی جانب سے پندرہ ستمبر تک مزید توسیع کر دی گئی ہے۔
کوئٹہ میں 4 سالہ بچے میں پولیو وائرس کی تصدیق
ایاز صادق نے قومی اسمبلی میں ڈرافٹنگ کونسل تشکیل دینے کی منظوری دیدی
