پاناما لیکس کے بعد دنیا کا دوسرا بڑا مالیاتی اسکینڈل ”بہاماس لیکس” سامنے آگیا اسلام آباد (سید توقیر زیدی) پاناما لیکس کے بعد دنیا کا دوسرا بڑا مالیاتی اسکینڈل”بہاماس لیکس” سامنے آگیا، جن میں 69 کمپنیوں کے150 مالکان اور ڈائریکٹر پاکستانی ہیں۔ جرمن جریدے کے مطابق بہاماس جزیرے میں200 ممالک 50 ہزارافراد کی پونے 2 لاکھ آف شور کمپنیوں میں 223 ارب ڈالر چھپائے گئے جن میں 69 کمپنیوں کے150 مالکان اور ڈائریکٹر پاکستانی ہیں۔ نجی ٹی وی کے مطابق یہ نام ان پاکستانیوں کے ناموں کے علاوہ ہیں جو پاناما لیکس میں آئے ہیں۔ پرویزمشرف دور کے وفاقی وزیر صحت محمد نصیرخان کے بیٹے جبران خان کی بھی بہاماس میں آف شور کمپنی ہے، بہاماس لیکس میں دہشت گردی کی سرمایہ کاری کے سلسلے میں2 کیس بھی سامنے آگئے۔ ایک کمپنی عبید الطاف خانانی کی اوردوسری عقیدہ اسلامک بینک ہے۔ عبید الطاف کے والد الطاف خانانی دہشت گردوں کو سرمائے کی فراہمی کے الزام میں امریکا میں قید ہیں۔ جماعت اسلامی کے سابق سینیٹر پروفیسر خورشید احمد ایک ایسے بینک کے ڈائریکٹرکے طور پر سامنے آئے ہیں، جس پر نائن الیون کے بعد پابندیاں لگائی گئیں۔ عقیدہ اسلامک بینک بہاماس میں آف شور کمپنی کی حیثیت سے رجسٹرڈ ہے۔ پروفیسر خورشید احمد نے کہاکہ میںبینک کا ڈائریکٹر تورہا مگر میرا بینک میں کوئی مالیاتی شیئر نہیں۔ عقیدہ اسلامک بینک کے سربراہ احمد ادریس نصرالدین میرے پرانے دوست ہیں جنھوںنے عقیدہ بینک کو مشاورت کی کبھی فیس نہیں لی۔ نائن الیون کے بعد عقیدہ بینک پرامریکا نے پابندیاں لگائیں مگر 2007 میں اٹھالیں۔ تہمینہ درانی کی والدہ ثمینہ درانی کی بھی بہاماس میں ایک آف شور کمپنی ہے۔ کراچی کے معروف بلڈر محسن ابوبکر شیخانی کی بھی بہاماز میں ایک آف شورکمپنی ہے، جن دیگر پاکستانیوں کے نام سامنے آئے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اسحاق ڈار کا بہاماس لیکس میں شامل پاکستانیوں کیخلاف تحقیقات کا حکم اسلام آباد (سیدتوقیرزیدی) بہاماس لیکس پر وفاقی حکومت ایکشن میں آگئی ، وزیر خزانہ اسحاق ڈار نے بہاماس لیکس میں شامل پاکستانیوں کے خلاف تحقیقات کا حکم دے دیا۔ وفاقی وزیر خزانہ اسحاق ڈار نے وزیر اعظم کی ہدایت پر بہاماس لیکس انکشافات میں شامل پاکستانی شہریوں اور کمپنیوں کے خلاف بلا امتیازاور فوری تحقیقات کا حکم دیدیا ہے۔ اسحاق ڈار نے ایف بی آر ، سٹیٹ بینک اور ایس ای سی پی کو بہاماس لیکس میں شامل پاکستانیوں کے خلاف بلا امتیاز کارروائی کا حکم دیتے ہوئے کہا ہے کہ تحقیقات میں کسی کسی کیساتھ کوئی رعایت نہ برتی جائے۔ اسحاق ڈار کی جانب سے ہدایت کی گئی ہے کہ ملوث افراد کے خلاف کارروائی کے دوران تمام قانونی تقاضے پورے کیے جائیں اور فوری طور پر تحقیقات کا آغاز کیا جائے۔ واضح رہے کہ جرمنی کے سب سے بڑے اخبار زیدوئچے سائتونگ نے ایک بار پھر بڑے لوگوں کی آف شور کمپنیوں کا بھانڈہ پھوڑ دیا۔ اس بار آف شور کمپنیوں کا مقام پاناما نہیں بلکہ جزیرہ بہاماس ہے۔ اخبار میں شائع ہونیوالی رپورٹ میں بہاماس میں ایک لاکھ پچھہتر ہزار آف شور کمپنیوں کی تفصیلات جاری کی گئی ہیں۔ ان میں دو سو ممالک کے پانچ لاکھ سے زائد افراد کے نام شامل ہیں۔ ان میں سے69 کمپنیاں پاکستانیوں کی ہیں۔ غیرملکی کرنسی کا کاروبار کرنیوالی کمپنی خانانی اینڈ کالیا کے الطاف خانانی کے بیٹے عبید خانانی کی آف شورکمپنی سامنے آئی ہے۔ جماعت اسلامی کے پروفیسر خورشید بہاماس میں رجسٹر ایک بینک کے ڈائریکٹر ہیں۔ سابق صدر پرویز مشرف دور کے وفاقی وزیر نصیر خان کے بیٹے جبران خان بھی آف شور کمپنی کے مالک ہیں۔ تہمینہ درانی کی والدہ ثمینہ درانی کے نام پر بھی ایک آف شورکمپنی سامنے آئی ہے۔ فہرست میں کراچی کے معروف بلڈر محسن ابوبکرشیخانی کا نام بھی شامل ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھارت کا مقصدپاکستان سے جنگ نہیں بلکہ سی پیک منصوبے کو نقصان پہنچانا ہے۔چیئرمین آئی پی سی آئی ایچ اعجاز علی چھجڑو اسلام آباد (سیدتوقیرزیدی) بھارت کا مقصد پاکستان سے جنگ نہیں بلکہ سی پیک منصوبے کو نقصان پہنچانا ہے، بھارتی قیادت کوبخوبی علم ہے کہ جنگ کی صورت میں بھار ت کے اندر اقتصادی و سیاسی خلفشار پیدا ہوگا، بھارت میں صرف بائیس فیصد عوام وزیر اعظم مودی کی پالیسیوں کے حامی ہیں باقی اکثریتی عوام ان سے نالاں ہے،ان خیالات کا اظہار عالمی مجلس امن برائے بین المذاہب ہم آہنگی کے چیئرمین اعجاز علی چھجڑو نے اسلام آباد میں امن کانفرنس کے بعد میڈیا سے گفتگو کرتے ہوئے انہوں نے کہا کہ کشمیریوں کی منزل صرف پاکستان ہے، ہمارے پاس اس کے سوا کوئی اور راستہ نہیں، اس لئے تحریک آزادی کشمیر کیلئے مستحکم طاقتور جمہوری پاکستان چاہتے ہیں، مقبوضہ وادی کے ہر گلی کو چے میں پاکستان کے پر چم لہرائے جارہے ہیں، تحریک آزادی عروج پر ہے لیکن بھارتی افواج نے ظلم و بربریت کی انتہا کر دی ہے جو انسانیت اور قانون و آئین کیلئے باعث شرم ہے۔ انہوں نے کہا کہ بھارت پاکستان میں بد امنی پیدا کر کے اسے اقتصادی ترقی کی را ہ سے ہٹانے کا خواہاں ہے ، چیئرمین آئی پی سی آئی ایچ اعجاز علی چھجڑوکا کہنا تھا کہ بھارت دنیا کی توجہ ہٹانے کیلئے کبھی ممبئی اورکبھی پٹھان کوٹ جیسے خود ساختہ واقعات پیدا کرکے مذاکرات سے فرار چاہتا ہے،اب بھارت ڈیموں کی تعمیر کے ذریعے آبی ذخائر پر قبضہ کرنا چاہتا ہے، پاکستان کی ترقی کیلئے آبی ذخائر کا ہونا ازحد ضروری ہیں اس کے لئے اقدامات کی ضرورت ہے۔انہوں نے کہا کہ کشمیری عوام پاک بھارت جنگ نہیں چا ہتے کیونکہ جنگوں سے مسائل حل نہیں بلکہ پیدا ہوتے ہیں ،جنگ تباہی لاتی ہے اور یہ کسی کے حق میں بھی بہتر نہیں ، انہوں نے کہا کہ وزیراعظم پاکستان محمد نواز شریف نے عالمی دنیا کے سامنے کشمیر کا مسئلہ احسن طریقے سے اُٹھایا اور امن کی بات کی جس سے کشمیریوں کی جدو جہد کو تقویت ملی ہے، ہم چاہتے ہیں کہ دنیا کے معروضی حالات میںمسئلہ کشمیر کے حل کیلئے پاکستان کے اندر سیاسی مفاہمت اور یکجہتی ہو، پاکستان مضبوط ہو گا تو ہم مضبوط ہونگے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرکاری ملازمین ڈیوٹی کرینگے ورنہ فارغ ہونگے ۔ہم سب پاکستانی کشتی کے سوار ہیں ملکر مسائل کا حل نکالیں گے ۔غیر قانونی حرکات کرنے والے سیدھے جیل جائیں گے ۔ ڈپٹی کمشنر ڈیرہ اسماعیل خان معتصم باللہ شاہ ڈیرہ اسماعیل خان(بیورورپورٹ) سرکاری ملازمین ڈیوٹی کرینگے ورنہ فارغ ہونگے ۔ہم سب پاکستانی کشتی کے سوار ہیں ملکر مسائل کا حل نکالیں گے ۔غیر قانونی حرکات کرنے والے سیدھے جیل جائیں گے ۔ ان خیالا ت کا اظہار ڈپٹی کمشنر ڈیرہ اسماعیل خان معتصم باللہ شاہ نے ضلع کونسل ہال میں ضلعی انتظامیہ اور آواز ڈسٹرکٹ فورم ایس پی او کے زیر اہتمام مشترکہ کھلی کچہری سے خطاب کرتے ہوئے کیا۔انہوں نے کہا کہ شہری و دیہی علاقاجات کے عوامی و سماجی مسائل ان کی دہلیز پر حل کئے جائیں گے ۔انہوں نے کہا کہ ہمارے دروازے سب کیلئے شب روز کھلے ہیں عوام پورٹل سسٹم کے پی کے ذریعے اپنی شکایات براہ راست ارسال کرسکتے ہیں ہم فوری طور پر ازالہ کریں گے ۔ انہوں نے کہا کہ صوبائی حکومت صحت کے شعبے پر خصوصی توجہ دے رہی ہے اور جلد ہی شہریوں کو اس شعبہ میں بہتری نظر آئے گی ۔ہر وارڈ میں صفائی کو یقینی بنایا جائے گا ۔ تاجر برادری بازاروں میں ڈسٹ بین رکھ کر کوڑا کرکٹ لفافوں میں بند کرکے ڈسٹ بین میں ڈالیں ۔ ایس پی او کے ریجنل ہیڈ شفیع اللہ بلوچ نے کہا کہ کھلی کچہریوں کا انعقاد جاری رہے گا ۔ تاکہ حکومت و عوام ملکر مسائل کا حل نکالیں اور ترقی و خوشحالی کی راہ پر گامزن ہوسکیں ۔کھلی کچہری میں اسسٹنٹ کمشنر ڈیرہ زاہد پرویز وڑائچ ،ڈی ایس پی سٹی عالم زیب خان ، ڈی ای او محکمہ تعلیم نذیر خٹک ، ٹی ایم او ڈیرہ عمر خان کنڈی ،ڈی ایس او امیر زاہد شاہ ، ایس ڈی او پیسکو عمرحیات محسود ،محمد عمران گنڈہ پور،وٹرنر ی آفیسر ڈاکٹر محمد افضل وزیر ، ڈی ایچ او کے کوارٹنیٹر ڈاکٹر عنایت اللہ خان میانخیل سمیت دیگر افسران موجود تھے ۔لوگوں نے اس موقع پر اپنے مسائل کھل کر بیان کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مدت ملازمت پوری نہ ہونے اور قبل از وقت ریٹائر منٹ کی درخواست دینے والے سب رجسٹرار ڈیرہ محمد اسلم نے بوگس و جعلی رجسٹری کر ڈالی ۔ متاثرہ شخص اینٹی کرپشن جاپہنچا ڈیرہ اسماعیل خان(بیورورپورٹ)مدت ملازمت پوری نہ ہونے اور قبل از وقت ریٹائر منٹ کی درخواست دینے والے سب رجسٹرار ڈیرہ محمد اسلم نے بوگس و جعلی رجسٹری کر ڈالی ۔ متاثرہ شخص اینٹی کرپشن جاپہنچا ۔ ڈپٹی کمشنر ڈیرہ نے تحقیقاتی اداروں سے این او سی نہ لانے پر رجسٹرار کی پنشن و دیگر مراعات روک دیں ۔ قیصر محمود نامی شخص نے اسٹنٹ ڈائریکٹر اینٹی کرپشن ڈیرہ کو تحریری درخواست دی ہے کہ اندرون شہر کی رہائش خاتون بیوہ رحمت بی بی نے مکان کا 1/2حصہ برائے و ثیقہ 492بہی نمبر1 جلد نمبر 931بتاریخ 2مارچ 2010کو میری زوجہ مسماة (ک)بی بی کو دیا تھا اور بقایا 1/2حصہ ھبہ اقر ارزبانی دیا ۔ اسی طرح سب رجسٹرار تحصیل ڈیرہ محمد اسلم نے ملزمان کے ہمراہ ملی بھگت سازباز سے رحمت بی بی کی جگہ دوسری جعلی خاتون پیش کرکے جعلی بوگس رجسٹری تیار کرلی ہے ۔اینٹی کرپشن نے کاروائی شروع کردی ہے ۔ اسی طرح ڈپٹی کمشنر ڈیرہ معتصم بااللہ شاہ نے سب رجسٹر ار محمد اسلم کو قبل ازوقت ریٹائر منٹ لینے اور نیب اینٹی کرپشن احتساب کمیشن سمیت دیگر اداروں سے این او سی نہ لینے پر پنشن سمیت دیگر مراعات روک دی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایمپلائز سوشل سیکورٹی انسٹی ٹیوٹ (ESSI)ڈیرہ سے وابستہ مزدوروں کو ادویات کی فراہمی 6ماہ کے 28لاکھ روپے کی عدم ادائیگی پر متعلقہ میڈیکل سٹور نے بند کردیں ۔ ضلعی ہسپتال کے بالمقابل میڈیکل سٹور کے سامنے مزدوروں کا شدید احتجاج ۔ ڈیرہ اسماعیل خان(سیدتوقیرزیدی) ایمپلائز سوشل سیکورٹی انسٹی ٹیوٹ (ESSI)ڈیرہ سے وابستہ مزدوروں کو ادویات کی فراہمی 6ماہ کے 28لاکھ روپے کی عدم ادائیگی پر متعلقہ میڈیکل سٹور نے بند کردیں ۔ ضلعی ہسپتال کے بالمقابل میڈیکل سٹور کے سامنے مزدوروں کا شدید احتجاج ، سوشل سیکورٹی آفیسر ڈیرہ کی زبانی یقین دہانی پر 10روز کی مہلت دینے کے بعد احتجاج موخر کردیا گیا ۔تفصیلات کے مطابق (ESSI)ڈیرہ سے رجسٹرڈ تمام مزدوروں کو دامان میڈیکل سٹور وہ ادویات فراہم کرتا ہے ۔جو سوشل سیکورٹی ڈسپنسری پر نہیں ہوتی ہے ۔ سوشل سیکورٹی خیبر پختونخواہ گذشتہ 6ماہ سے مذکورہ سٹور کو رقوم نہیں دے رہے ہیں ۔ جسکی وجہ سے مذکورہ بل28لاکھ روپے سے تجاوز کر گیا ہے ۔ آفیسران کی بار بار یقین رہانی کے باوجود رقوم نہ ملنے پر میڈیکل سٹور نے ادویات کی فراہمی بند کردی ہے ۔ جس پر مزدورں نے شدید احتجاج کیا ۔ سوشل سیکورٹی آفیسر مظفر یاسین کی یقین دہانی پر احتجاج ختم کردیا تاہم مسئلہ حل نہ ہونے کی صورت میں10روز کی مہلت کے بعد دوبارہ احتجاج کی دھمکی ہے اور احتجاج کا دائرہ کار سیکرٹری لیبرکے پی کے کے آفس تک بڑھا دیا جائیگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ورکنگ فوکس سکول خیبر پختونخواہ کے ملازمین کو ادارے سے بے دخل کرنا ملک و ملت کو اندھیروں کی طرف دھکیلنے کے مترادف ہے ۔ طلبہ کا روشن مستقبل ہی ملک و ملت کی ترقی کا ضامن ہے ڈیرہ اسماعیل خان (بیورورپورٹ) ورکنگ فوکس سکول خیبر پختونخواہ کے ملازمین کو ادارے سے بے دخل کرنا ملک و ملت کو اندھیروں کی طرف دھکیلنے کے مترادف ہے ۔ طلبہ کا روشن مستقبل ہی ملک و ملت کی ترقی کا ضامن ہے ۔ ورکنگ فوکس ملازمین کی ہر معاذ اور پھر سطح پر حمایت کرینگے ۔ ان خیالات کا اظہار آل گورنمنٹ ایمپلائز کورڈنیشن کونسل کے ڈویژنل چیئر مین محمد نواز خان گنڈہ پور، صدر فدا حسین بلوچ ،جنرل سیکرٹریرضا ء اللہ ظفری، حاجی عبدالرئوف، اکرام خان مروت ، خلیل احمد فاروقی ، محمد بشیر ، احمد نواز اور دیگر نے ورکنگ فوکس ملازمین کی تحریک کی حمایت میں کہا کہ ملازمین کی تنخواہوں کی بندش سے ملازمین کے چولہے ٹھنڈے پڑ گئے ہیں۔ انہوں نے کہا کہ ادارے سے کثیر ملازمین کی بے دخلی ملازمین کا معاشی قتل اور ادارے کی راہ میں رکائوٹ ہے ۔ انہوں نے کہا کہ ہم کسی بھی وجہ سے ملازمین کو ادارے سے بے دخل نہیں ہونے دینگے ۔ ہم اس تحریک کا ہر اول مورچے میں بیٹھ کر ان کے روز گار کا دفاع کرینگے ۔ انہوں نے کہا کہ سینکڑوں ملازمین کی ادارے سے بے دخلی کے اقدامات پر وزیراعظم ، وزیراعلی خیبر پختونخواہ کو فوری نوٹس لینا چاہئے اور ملازمین کی عرصہ دراز سے بند تنخواہ کی بحالی کا اعلان کرنا چاہئے ۔ انہوں نے کہا کہ ملازمین ادارے کا سرمایہ ہیں ۔ ہائیڈرو لیبر یونین پاکستان کی دوسری لیبر یونینز سے بھی بہت جلد رابطہ کرکے مثبت لائحہ عمل طے کرئیگی۔
صوبائی وزیر کھیل سردار محمد بخش مہر کا قومی فٹ بال ٹیم کے سابق کپتان اللہ بخش کی عیادت
پیپلز فٹ بال اسٹیڈیم لیاری کو عالمی اسٹینڈرڈز گرائونڈز بنایا جائیگا۔ سردار محمد بخش مہر
