اسلام آباد (جیوڈیسک) آسمان سے گرتی بوندوں اور ٹھنڈی ہواؤں نے جاتی ہوئی سردیوں کا راستہ روک لیا۔ اسلام آباد اور روالپنڈی میں وقفے وقفے سے موسلا دھار بارش نے جل تھل ایک کر دیا۔
بارش سے شہر اقتدار کا موسم حسین ہو گیا، پتہ پتہ ڈالی ڈالی نکھر گئی۔ ٹھنڈی ہوا نے دلفریب موسم کا لطف دوبالا کر دیا۔ لاہور میں رات گئے بوندا بوندا سے خنکی بڑھ گئی، آسمان کو بادلوں نے گھیرے میں لے رکھا ہے۔
دن کے اوقات میں سورج اور بادلوں میں آنکھ مچولی کا سلسلہ جاری رہے گا، کہیں کہیں ہلکی بارش بھی متوقع ہے۔ پشاور میں بھی گزشتہ شب ہونے والی بارش سے سردی کی شدت میں اضافہ ہو گیا۔ شہر کی فضاؤں پر بادلوں کا راج ہے۔
محکمہ موسمیات نے رواں ہفتے وقفے وقفے سے بارشوں کا سلسلہ جاری رہنے کی پیشگوئی کی ہے۔ ملتان میں بھی آسمان پر کالے بادل چھائے ہیں۔
شام کے اوقات میں ہلکی بارش کا امکان ہے۔ محکمہ موسمیات نے پیشگوئی کی ہے کہ بارشوں کا حالیہ سلسلہ اتوار تک جاری رہے گا۔
جنرل ہسپتال میں پانچویں سائنٹیفک سمپوزیم کی افتتاحی تقریب
سانحہ ماڈل ٹاؤن پنجاب حکومت نے عدالتوں کو مزاق سمجھ رکھا ہے: ہائیکورٹ
