اسلام آباد (جیوڈیسک) ہومک ٹاؤن میں ٹیوشن سینٹر کی چھت گرنے سے ٹیچر سمیت 5 طالب علم زخمی ہوگئے۔ اسلام آباد کے ہومک ٹاؤن میں تیز ہوائیں چلنے کے باعث دیوار گرنے سے ٹیوشن سینٹر کی چھت منہدم ہوگئی جس کے باعث سکینہ نامی ٹیچر اور 5 طالب علم زین، علی، تیمور، اجالا اور سنبل زخمی ہوگئے۔ اہل علاقہ کے مطابق جس وقت چھت گری اس دوران ٹیوشن سینٹر میں 30 سے 35 طالب علم موجود تھے۔
ٹیوشن سینٹر کی چھت گرنے کےبعد ریسکیو 1122 اور مقامی لوگوں نے ملبے تلے دبے 5 طالب علموں کو نکال کر ڈسٹرکٹ اسپتال راولپنڈی منتقل کردیا جہاں 2 بچوں کی حالت تشویش ناک بتائی جارہی ہے جب کہ خاتون ٹیچر کی ٹانگوں میں بھی شدید زخم آئے ہیں۔
امن وامان کا قیام اورعوام کے جان و مال کا تحفظ اولین ترجیح ہے، گورنر سندھ
ترقیاتی منصوبوں کو فنڈز جاری کرنے سے وفاق کا انکار ، قائم علی شاہ ناراض
