بااثر افراد کا غریب محنت کش خاندان پر ظلم کی انتہا مکان گراڈالا سامان توڑ پھوڑڈالا
پیرمحل ( نامہ نگار ) بااثر افراد کا غریب محنت کش خاندان پر ظلم کی انتہا مکان گراڈالا سامان توڑ پھوڑڈالا ایک بچی کو اغواکرنے کے بعد دوبچیوں کو زبردستی اغواکرنے کے درپے پولیس ملزمان کے ساتھ ساز باز وزیراعلیٰ پنجاب ہمیں ظالمو ں کے ظلم سے بچائے متاثرہ خاندان کابااثر افراد کے خلاف احتجاج تفصیل کے مطابق چک نمبر759گ ب کی رہائشی خاتون کنیزاں بی بی زوجہ مرید حسین بھٹی درکھان کے مکان کو بااثر افراد جن میں مجید ،سلیم ،منظور ، رمضان ، امجد ، سرور، ممتاز ، اقوام واہگے وغیرہ نے زبردستی گراکر گھریلو سامان کو توڑپھوڑڈالا اور اہل خانہ کوتشدکانشانہ بنایا وجہ عناد ملزمان نے کنیزاں بی بی کی بیٹی نازیہ بی بی کو زبردستی اغواکرکے اپنی تحویل میں رکھا ہوا ہے اور جبکہ کنیزاں بی بی کو کسی بھی قسم کی ممکنہ قانونی کاروائی سے روکنے کے لیے کنیزاں بی بی کے گھر پر حملہ آور ہوکر دوبیٹیوں کواغواکرنے کی کوشش کی ناکامی پر کنیزاں بی بی کا مکان مسمار کرڈالا اور سامان توڑ پھوڑڈالا متاثرہ خاندان نے تھانہ اروتی پولیس کو اپنے تحفظ کے لیے درخواست دی مگر تھانہ اروتی پولیس نے کسی بھی قسم کی کاروائی سے انکار کرتے ہوئے ملزمان سے سازبا زہوگئی تفتیشی اللہ یار درسانہ اے ایس آئی تھانہ اروتی کا کہنا ہے کہ پارٹیوں کو متعددبار بلایا لیکن پارٹیاں بار بار بلانے کے باوجود نہیںآرہی ہم کیا کرسکتے ہیں متاثرہ خاندان کنیزاں بی بی اور اس کے اہل خانہ نے بااثر ملزمان کے خلاف شدید احتجاج کرتے ہوئے وزیر اعلیٰ پنجاب میاںشہبازشریف ، آئی جی پنجاب ، ڈی پی اوٹوبہ ٹیک سنگھ سے انصاف کی اپیل کی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نوکس افراد نے گھر میں داخل ہوکر اہل خانہ کو تشددکانشانہ بناڈالا تفصیل
پیرمحل ( نامہ نگار ) نوکس افراد نے گھر میں داخل ہوکر اہل خانہ کو تشددکانشانہ بناڈالا تفصیل کے مطابق چک نمبر723گ ب کے رہائشی غلام شبیر ولد بہادر علی قوم کاٹھیہ کے گھر ملزمان قیصر عباس ، ولد شاہرے خاں ، خالد عرف کالی ولد شاہرے خاں ، طارق ، پانچ کس نامعلوم دیواریں پھلانگ کر گھر میں داخل ہوکر گھر میں موجودہ اہل خانہ کو یرغمال بناکر تشددکانشانہ بناڈالاگھر میں موجود غلام سرور ، بہادر علی ، کو بندوق اور پسٹل کے وار کرکے زخمی کرڈالا لوگوں کے آنے پر قریبی جنگل میں فرارہوگئے تھانہ صدر پولیس نے ملزمان کے خلاف مقدمہ درج کرلیا لڑائی کے دوسرے واقعہ میں چک نمبر717گ ب کے محمد طارق کے گھر عبدالمجید ،محمد وحید پسران رجب علی ، اشرف پسران حق نواز ، آصف ولد سرفراز وغیرہ نے مسلح ہائے آتشیں مسمی فلک شیر ولد احمد کو تشددکرکے زخمی کرڈالا تھانہ صدر پولیس نے ملزمان کے خلاف مقدمہ درج کرلیا پیرمحل ( نامہ نگار ) ملک پاکستان لازوال قربانیوں کے نتیجے میں حاصل کیاگیا۔ آج ملک شدید اندرونی او ربیرونی خطرات سے دوچار ہے ۔ ضرورت اس امر کی ہے کہ قوم ملک کے دفاع سلامتی او رترقی واستحکام او رملک دشمن قوتوں کے خلاف سیسہ پلائی دیوار بن کر کھڑی ہو جائے زندہ قومیں جشن آزادی پوری شان وشوکت او رملی جذبے کے تحت مناتی ہیںان خیالات کا اظہارعبدالشفیق میو صوبائی ممبر پاکستان مسلم لیگ ن پنجاب نے وزیر اعلیٰ پنجاب کے وژن کے تحت جشن آزادی تقریبا ت کا آغاز پریس کلب پیرمحل سے کرتے کرتے ہوئے کیا۔انہوں نے کہا کہ پاکستان کا معرض وجود میں آنا اللہٰ کا قوم پر خاص انعام اور عظیم نعمت ہے، ہمیں چاہیے کہ ہم اس کی قدر کریں اور اس کی حفاظت کیلئے آپس میں بھائی چارہ کا ماحول بحال رکھیں انہوںنے کہا آج نئی نسل کو تحریک آزادی او راس میں آنے والی قربانیوں سے روشناس کرانے کی ضرورت ہے تمام پاکستانی قوم کو چاہئے کہ اپنے فرائض منصبی نہایت ہی تندہی اور محنت سے انجام دیتے ہوئے آزادی اگست کے پورے مہینے جاری رکھنا ہوگا تاکہ ملک دشمن قوتوںکو پاکستان سے محبت کرنے والوں اور پاکستان توڑنے والوں کا واضح طورپر معلوم ہوسکے اس موقع پر نوید پرنس ، اسدالرحمن قادری ، رانامحمدا شرف ، حبیب الرحمن شاہد ، سمیت کثیر تعداد میں صحافیوںنے شرکت کی باقاعدہ پرچم کشائی کی گئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ علامہ اقبال اوپن یونیورسٹی اسلام آباد میں یکم اگست 2014سے داخلے شروع ہو گئے ہیں پیرمحل ( نامہ نگار ) علامہ اقبال اوپن یونیورسٹی اسلام آباد میں یکم اگست 2014سے داخلے شروع ہو گئے ہیں۔ ریجنل ڈائریکٹر میاں عارف سلیم عارف نے کہا ہے کہ میٹرک ، ایف اے، بی اے ، بی ایڈ ، ایم اے اور ایم ایڈ, ایم فل ، پی ایچ ڈی کے داخلے یکم اگست سے 5ستمبر تک جار ی رہیں گے۔تمام ریجنل کوآرڈینٹر آفس اور ڈائریکٹ میں پراسپیکٹس پہنچ گئے ہیں۔ خواہش مند طلبا فوری طور پر اپنے علاقے کے ریجنل کوآرڈینٹر آفس سے پراسپکٹس حاصل کر سکتے ہیں۔ انہوں نے کہاکہ لاہور ہائی کورٹ کے فیصلے اور ہائر ایجوکیشن کمیشن کے نوٹیفکیشن کے مطابق ایم فل اور پی ایچ ڈی پروگرامز میں داخلوں کے لیے گیٹ(GAT)ٹیسٹ پاس کرنے کی شرط ختم کردی گئی ہے اور یکم اگست سے شروع ہونے والے سمسٹر خزاں 2014سے ایم فل اور پی ایچ ڈی پروگراموں میں داخلہ حاصل کرنے کے خواہشمند امیدوار این ٹی ایس کا گیٹ ( جنرل اور سبجیکٹ ) ٹیسٹ پاس کئے بغیر داخلہ حاصل کرنے کے لیے فارم جمع کراسکیں گے ان پروگراموں میں داخلہ حاصل کرنے والے امیدواروں سے یونیورسٹی کے متعلقہ شعبے انٹری ٹیسٹ لیں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اسرائیل کی معصوم فلسطینیوں پر وحشیانہ بمباری کا سلسلہ تاحال جاری ہے پیرمحل ( نامہ نگار ) اسرائیل کی معصوم فلسطینیوں پر وحشیانہ بمباری کا سلسلہ تاحال جاری ہے جس کے نتیجہ میں اب تک 1600سے زائد معصوم فلسطینی بچے خواتین اور نوجوان جام شہادت نوش کر چکے ہیں فلسطینیوں کا بہنے والا خون عالم اسلام کے امریکہ کے حاشیہ بردار حکمرانوں کو چیخ چیخ کر دہائی دے رہا ہے مگر دنیا بھر کے 52اسلامی ممالک اور اوآئی سی کی فلسطین میں قتل وغار ت گری پر خاموشی جنگ عظیم کو آواز دے رہی ہے ان خیالات کا اظہار چوہدری دلشاداحمد صدر اہلسنت والجماعت نے پرہجوم پریس کانفرنس میں کیا انہوںنے کہا غزہ میں نہتے فلسطینیوں معصوم بچوں پربمباری بدترین دہشت گردی ہے اس ظلم وبربریت سے اسرائیل اور امریکا کے بھیانک چہرے ایک بار پھر بے نقاب ہو گئے ہیںافسوس امت مسلمہ کے حکمرانوں نے اسرائیلی جارحیت کور وکنے کی بجائے چپ سادھ رکھی ہے ان کے دل مردہ ہوچکے ہیں انہوں نے دنیا بھر کے مسلمانوں سے اپیل کی کہ وہ یہودی کمپنیوں کی بنائی گئی تمام پراڈکٹس کا بائیکاٹ کرتے ہوئے اپنے ظالم حکمرانوں کے خلاف اٹھ کھڑے ہوں اور نیک اور جرات مند قیادت کو آگے لائے جو امریکہ اور اسرائیل کی آنکھوں میں آنکھیں ڈال کر بات کرسکے انہوں نے کہا کہ بے گناہ فلسطینیوں پر اسرائیلی جارحیت رکوانے کے لیے مسلم ممالک کو اتحاد ویکجہتی کا مظاہرہ کرنا ہوگاکٹھن اور تکلیف کے اس دور میںعالم اسلام اوربالخصوص اہل پاکستان کی ہمدردیاںاہل فلسطین کے ساتھ ہیں انہوں نے مسلم ممالک ،اوآئی سی، اقوام متحدہ اوردنیا بھر کی انسانی حقوق کی تنطیموںسے اپناکردار ادا کرنے کی اپیل کی۔
لاہور کی خبریں 3/8/2014
پاکستان مسلم لیگ ن کے رہنما علی المرتضی اعوان وفاقی وزیر ریلوے خواجہ سعد رفیق کا کھاریاں پہنچنے پر استقبال کر رہے ہیں
