استنبول (جیوڈیسک) ترک وزیراعظم رجب طیب ایردوآن نے الزام عائد کیا ہے کہ مصر کے معزول صدر محمد مرسی کے اقتدار کے خاتمہ کے پیچھے اسرائیل کا ہاتھ تھا۔ غیر ملکی خبر رساں ادارے کے مطابق ترکی کے وزیراعظم رجب طیب ایردوآن نے الزام عائد کیا ہے کہ مصر میں فوج کے ہاتھوں معزول صدر محمد مرسی کے اقتدار کے خاتمے کے پیچھے اسرائیل کا ہاتھ ہے۔
ایردوآن کا اپنی جماعت جسٹس اینڈ ڈویلپمنٹ پارٹی کی ایک میٹنگ میں کہنا تھا کہ ہمارے پاس اس بات کے ثبوت ہیں۔ ان کی جماعت کی طرف سے محمد مرسی کی حکومت کے خاتمے کو فوجی بغاوت قرار دیا گیا تھا۔
ایردوآن نے ایک اسرائیلی جسٹس منسٹر کی طرف سے 2011 میں فرانس میں ہونے والے ایک فورم کے دوران دیے جانے والے بیان کا حوالہ دیا جس میں انہوں نے مبینہ طور پر کہا تھا کہ اگر اخوان المسلمون انتخابات جیت بھی گئی تو اقتدار میں نہیں رہ پائے گی۔
انڈونیشیا : کار اور بس میں تصادم، سے اٹھارہ افراد ہلاک
من موہن سنگھ بھارتی افواج کو پاک بھارت سرحد کیخلاف ورزی سے روکیں
