غزہ (جیوڈیسک) غزہ پراسرائیل کی زمینی اور فضائی کارروائیاں جاری ہیں اور جاں بحق ہونے والے فلسطینیوں کی تعداد چار سو تک جا پہنچی ہے۔ ہزاروں افراد نے ضلع شجاعیہ کے مشرقی علاقے سےنقل مکانی شروع کر دی ہے۔
اسرائیل فلسطین میں 13 روز سے آگ اور خون کی ہولی کھیل رہا ہے۔آسمان، زمین اور سمندر سے گولہ باری بھی جاری ہے اور میزائل بھی داغے جارہے ہیں۔ لوگوں کی بڑی تعداد شجاعیہ سے نقل مکانی کررہی ہے۔
کیونکہ وہاں بھی اسرائیلی درندگی پوری طرح اپنے رنگ دکھا رہی ہےاور نقل مکانی کرنے والوں پر بے کس اور بے گھر عورتوں اور بچوں پر اندھا دھند بمباری کی جارہی ہے۔گھر،گلیاں بازار قبرستان بن گئے ہیں۔ ہر طرف آہ وبکا ، اور تباہی کا منظر ہے۔
نہتے شہری، معصوم بچے اور خواتین زندگی کی دہائیاں دے رہے ہیں۔ اسرائیلی حملوں میں زخمی ہونے والوں کی تعداد دو ہزار سے تجاوز کرچکی ہے، جبکہ اسرائیلی بمباری اتنی شدید ہے کہ ایمبولینسوں کا زخمیوں تک پہنچنا بھی مشکل بنا دیا گیا ہے۔
اسرائیلی فوج نے دھمکی دی ہے کہ وہ غزہ میں اپنی زمینی کارروائی میں توسیع کریں گے۔ اضافی فورس نے غزہ کی سرحدی پٹی پر پوزیشن سنبھال لی ہے۔ ادھر اسرائیلی حکام نے دعویٰ کیا ہے۔
کہ حماس کےجوابی حملوں میں 7 اسرائیلی فوجی اور 2 شہری مارےگئے ہیں۔ فلسطین معاملے پر مصر، قطر، فرانس اور اقوام متحدہ کی جنگ بندی کی کوششیں ناکام ہوتی نظر آرہی ہیں۔ قطر میں فلسطینی صدر محمود عباس اور اقوام متحدہ کے سیکرٹری جنرل بان کی مون آج ملاقات کریں گے۔
روسی نواز باغی طیارے تک رسائی نہیں دے رہے ، شواہد مٹا رہے ہیں : یوکرائن
جرمن میوزیم میں شاندار لائٹ شو
