کراچی : معروف دینی ادارے جامعہ بنوریہ عالمیہ کے تحت امسال بھی اجتماعی قربانی کاہتمام کرلیا گیاہے، جس کیلئے جید مفتیان کرام کی زیرنگرانی اجتماعی قربانی سے آگاہی شہر کے مختلف مقامات پر مراکز قائم کردیئے گئے ہیں ،اس سال اجتماعی قربانی میں گائے کا فی حصہ 8000 روپے جبکہ فی بکرہ 13000 سے15000 تک مقرر کیاگیا، بیرون ممالک میں رہنے والی پاکستانیو ں کے لیے آن لائن قربانی کی سہو لت بھی فراہم کی جائے گی ۔ جامعہ بنوریہ عالمیہ کے ترجمان کے مطابق جامعہ بنوریہ عالمیہ نے ملک میں سب سے پہلے اجتماعی قربانی کے نظام کو متعارف کرایا ، ہر سال کی طرح اس سل بھی جید مفتیان کرام زیر نگرانی اجتماعی قربانی کی جائے گی۔
اس سلسلے میں شہر کے مختلف مقامات پر مراکز قائم کردیئے گئے ہیں جو عوام الناس کو قربانی کے مسائل سے آگہی فراہم کریں گے۔ منگل کو جامعہ بنوریہ عالمیہ میں مہتمم وشیخ الحدیث مفتی محمد نعیم کی زیر صدارت اساتذہ کرام کا اجلاس ہوامیں اجتماعی قربانی کیلئے جانوروں کی خریداری انتظامات کیلئے کمیٹیاں تشکیل دینے کے ساتھ ساتھ گزشتہ سال اجتماعی قربانی کے حوالے سے رپورٹ بھی پیش کی گئی ۔ اجلاس میں ناظم تعلیمات شیخ الحدیث مولانا عبدالحمید خان غوری، ایڈمسٹریٹر جامعہ بنوریہ عالمیہ مولانا غلام رسول،مولانا نعمان نعیم ، مولانا فرحان نعیم ،مولاناحماداللہ شاہ، مولانا انصر محمود سمیت دیگر اساتذہ کرام نے شرکت کی۔
اجتماعی قربانی میں حصہ لینے قربانی کے حوالے سے کسی بھی قسم کی معلومات لینے والے حضرات درجہ ذیل مراکز پر رابطہ کرسکتے ہیں ۔-1-جامعہ بنوریہ عالمیہ نزدسائٹ پولیس سٹیشن ،-2جامع مسجد سبحان اللہ تاشقند کالونی مسان روڈ ،-3جامع مسجد نور جوبلی ،-4جامع مسجدالصفا شریف آباد بلاک 1 فیڈرل بی ایریا ،-5جامع مسجد غزالی حسن اسکوائر گلشن اقبال G-9،6 ۔احمد کمفرٹس بلاک 17، گلستان جوہر نزد جوہر چورنگی.،-7جامع مسجد اقصی نعمان کمپلیکس حسن اسکوائر گلشن -8بنوریہ ویلفیئر ٹرسٹ نزد الغنی کیٹرنگ بلاک F نارتھ ناظم آباد-9النشیط گرامر اسکول SC-14 بلاک H نارتھ ناظم آباد پیر بخش ،-10جامع مسجد رحمانیہ بلاک C نارتھ ناظم آباد مولانا محمد عارف اور بھائی ندیم،-11جامع مسجد طیبہ میڑووِل بلاک 3 مولانا شفیق الرحمن،-12مدرسہ و مسجد عثمانیہ بلاک M نارتھ ناظم آباد مولانا بشیر نقشبندی ،-13جامعہ مسجد طیبہ گلشن اقبال بلاک 10 نزد عثمانیہ اسکول سمیت شہر کے مختلف علاقوں میں مراکز قائم کردیئے گئے ہیں ۔جبکہ اس کے علاوہ مزید کسی بھی قسم کی معلومات کیلئے 021-2560400 اور 021-32560300 پر رابطہ کیاجاسکتاہے ۔علاوہ آن لائن قربانی والے حضرات جامعہ بنوریہ عالمیہ کی ویب سائٹ پر جاکر فارم حاصل کرکے سب میٹ کرسکتے ہیں۔
لیہ کی خبریں 16/8/2016
جامعہ بنوریہ عالمیہ میں ہپاٹائٹس سے متعلق آگہی کیمپ
