سری نگر (جیوڈیسک) مقبوضہ کشمیر میں پاکستان سے محبت ناقابل معافی جرم بن گیا۔ کرکٹ میچ سے پہلے پاکستان کا قومی ترانہ بجانے پر چار کھلاڑیوں کو جیل بھیج دیا گیا۔
کشمیریوں کی پاکستان سے والہانہ محبت کسی سے ڈھکی چھپی نہیں لیکن غاصب بھارت کشمیریوں کے دل سے یہ محبت بہ زور قوت مٹانے کے درپے ہے۔ بندی پورہ میں کرکٹ میچ سے پہلے پاکستان کا قومی ترانہ بجانے پر 4 کھلاڑیوں کو گرفتار کر لیا گیا۔
کرکٹ ٹورنامنٹ کے فائنل میچ سے پہلے پاک سرزمین شاد باد کی آواز گونجی تو کھلاڑی سر جھکائے، ہاتھ باندھے مؤدب کھڑے رہے۔ فائنل کھیلنے والی ایک ٹیم پاکستان قومی کرکٹ ٹیم کی کٹ میں ملبوس تھی۔
قابض فوج نے کھسیانی بلی کھمبا نوچے کے مصداق 4 کھلاڑیوں کو تو دھر لیا لیکن ان کے دلوں میں مؤجزن آزادی اور پاکستان سے محبت کو شاید کبھی نہ نکال سکیں۔
پیٹ کی ڈیڈ لائن ختم، طاہر القادری نے مشاورت کیلئے اہم رہنماؤں کو بلا لیا
تحریک عدم اعتماد کا معاملہ، ارکان کی تعداد 40 سے بڑھ جائیگی: پرنس احمد علی
