ٹوکیو (جیوڈیسک) یک نہ شد دو شد، جاپان کے زلزلے سے تباہی کا شکار علاقے میں شدید بارش نے تباہی مچا دی، نوے ہزار افراد تاحال عارضی شیلٹرز میں پناہ لینے پر مجبور ہیں۔
مغربی جاپان میں زلزلے سے تباہ حال علاقے میں بارش نے صورتحال مزید خراب کر دی، بارش کی وجہ سے میامیاسو میں ملبے تلے دبے لاپتہ افراد کی تلاش روکنا پڑی۔
حکام نے لینڈ سلائیڈنگ کی وارننگ جاری کرتے ہوئے دو لاکھ نوے ہزار افراد کو محفوظ مقام پر منتقل ہونے کی ہدایت کی ہیں۔ کوماموتو میں زلزلے سے تباہ ہونے والے گھروں کی نوے ہزار مکین عارضی شیلٹرز میں مقیم ہیں۔
واضح رہے کہ جاپان میں حال ہی میں آنے والے دو زلزلوں میں اڑتالیس افراد ہلاک اور پندرہ سو سے زائد زخمی ہوئے ہیں۔
بھارت : گہرے کنویں سے پانی بھرتے ہوئے گیارہ سالہ بچہ ڈوب کر ہلاک
امریکی صدر کا برطانیہ کو یورپی یونین کا حصہ رہنے پر زور
