پاکستان تحریک انصاف کے رہنما مخدوم جاوید ہاشمی نے نواز شریف سے متعلق پارلیمنٹ میں دیا بیان واپس لے لیا ہے۔ ان کا کہنا ہے کہ بیان واپس لینے کیلئے پارٹی سے زیادہ اہلخانہ کا دبا تھا۔ یہ وہ بیان تھا جس پر تحریک انصاف کے صدر مخدوم جاوید ہاشمی کو ہر جگہ وضاحت دینی پڑی۔ تحریک انصاف کے سربراہ عمران خان نے بھی نوٹس لیا۔ نواز شریف کو اپنا لیڈر کہنا مہنگا پڑا اور جاوید ہاشمی کو تحریک انصاف کے کارکنوں کے آگے سر بھی جھکانا پڑا۔
جاوید ہاشمی کی وضاحت پر ن لیگ کے رہنما اور سرحدی امور کے وزیر عبدالقادر بلوچ کا کہنا تھا کہ وہ جاوید ہاشمی کی مجبوریاں جانتے ہیں۔ جاوید ہاشمی نے ن لیگ کی حکومت کو ایک صوبے کی حکومت قرار دیا اور یہ بھی کہہ دیا کہ حکومت میں صرف پنجاب کو نمائندگی ملی ہے۔ اس پر سرحدی امور کے وزیر عبدالقادر بلوچ کا کہنا تھا کہ کابینہ میں سندھ سے تعلق رکھنے والے تین وزرا بھی شامل ہیں۔ اب دیکھنا ہے کہ ان کی وضاحتوں کو تحریک انصاف کے کارکن قبول کرتے ہیں یا مسترد۔
صاحبزادہ فضل کریم کی رسم چہلم آج ادا کی جائے گی
سپریم کورٹ: لوڈ شیڈنگ اور رینٹل پاور کیس کی سماعت آج ہوگی
