کولمبو (جیوڈیسک) سری لنکن کرکٹ ٹیم کے سابق کپتان اور مایہ ناز بلے باز مہیلا جے وردھنے نے کہا ہے کہ وہ انگلینڈ کیخلاف سیریز میں اپنی کارکردگی کا جائزہ لینے کے بعد ٹیسٹ کیریئر کا تعین کریں گے۔
جب تک فٹ ہیں ملک کیلئے کھیلتے رہیں گے ۔ 37 سالہ جے وردھنے ان دنوں دورہ انگلینڈ پر ہیں۔ اپنے ایک انٹرویو میں انہوں نے کہا کہ یہ دورہ ہو سکتا ہے ان کے کیریئر کا آخری دورہ ہو۔
انگلینڈ کے خلاف سیریز میرے لئے بہت اہمیت کی حامل ہے ، سیریز میں وہ اپنی فٹنس اور کارکردگی کا جائزہ لیں گے ، میرے لئے سب سے اہم بات یہ ہے کہ آیا کہ میں ملک کیلئے مزید کھیل سکتا ہوں یا نہیں۔ سری لنکن بلے بازجے وردھنے نے کہا کہ جب آپ کیریئر کے اس حصے میں ہوں تو آپ کو صحیح وقت پر صحیح فیصلہ کرنا پڑتا ہے۔
ون ڈے قوانین پر پھر تبدیلیوں کے سائے لہرانے لگے
نئے جنوبی افریقی ٹیسٹ کپتان کے لئے ہاشم آملہ اور ڈی ویلیئرز کے درمیان مقابلہ
