JDC جعفریہ ڈیزائسٹر سیل ویلفیئر آرگنائزیشن کا اجلاس مرکزی دفتر میں منعقد ہوا
Posted on October 7, 2013 By Tahir Webmaster کراچی
کراچی : JDC جعفریہ ڈیزائسٹر سیل ویلفیئر آرگنائزیشن کا اجلاس مرکزی دفتر میں منعقد ہوا اجلاس کی صدارت چیئرمین JDC مولانا شہنشاہ حسین نقوی نے کی۔ اجلاس میں JDC کے تحت جاری تعلیمی، فلاحی اور اصلاحی کاموں کا تفصیلی جائزہ لیا گیا اور ان کاموں کی بہتری کے لئے تجاویز پیش کی گئیں۔ اجلاس میں عادل نقوی، ظفر عباس، وسیم تقوی، علی رضا، وسیم نقوی، مرتضیٰ نقوی، عاصم نقوی، شجاع قزلباش، مولانا محمد حسن اور دیگر علاقوںسے آئے ہوئے ذمہ داروں نے شرکت کی اجلاس میں عیدِقربان کے موقع پر مستحقین کے لئے قربانی کرنا اور قربانی کی کھالیں جمع کرنے کے لئے واضع حکمت عملی پر غور کیا گیا۔
انشاء اللہ سالِ گزشتہ کی طرح اس سال بھی کثیر تعداد میں جانوروں کی قربانی کی جائے گی اور اس کا گوشت مستحق خاندانوں میں تقسیم کیا جائے گا۔ اس کے علاوہ شہر کے مختلف علاقوں خصوصاً ملیر، جعفرطیار سوسائٹی، شاہ فیصل کالونی، رضویہ سوسائٹی، فیڈرل بی ایریا انچولی، عباس ٹائون، اسٹیل ٹائون اور شہر کے دیگر علاقوں میں بھی مرکز قائم کئے جائیں گے جہاں عوام قربانی کی کھالیں جمع کرائیں گے۔
بجلی کی قیمتوں پر نظر ثانی کا عمل ایک ہفتے میں مکمل کر لیں گے، خواجہ نعیم
کراچی: منگھو پیر میں فائرنگ سے ایک شخص ہلاک، ایک زخمی
