ممبئی (جیوڈیسک) بالی ووڈ اداکارہ اور پروڈیو سر اور کاروباری شخصیت شلپا شیٹھی نے کہا ہے کہ میں زیورات خصوصاً گلے میں کچھ پہنے بغیر نہیں رہ سکتی۔ بھارتی خبر رساں ادارے سے گفتگو کرتے ہوئے شلپا نے کہا کہ زیورات سے مجھے بے پناہ محبت ہے۔
اور میں جیولری میں سے کوئی ایک چیز پہنے بغیر ایک قدم بھی باہر نہیں نکال سکتی، جیولری اگرچہ ہلکی ہی ہو لیکن مجھے پہننا پسند ہے، اس سے کوئی فرق نہیں پڑتا کہ زیورات انڈین ہیں یا کہ مغربی، ہیروں سے جڑا ہار اور ساتھ بالیاں پہننا بہت اچھا لگتا ہے۔ ان خیالات کا اظہار وہ گزشتہ دنوں ایک جیولری اسٹور کے افتتاح کے موقع پر کیا۔
کاروباری شخصیت راج کندر کی اہلیہ اور دو بچوں کی والدہ اداکارہ شلپا شیٹی آج بھی اپنے انتہائی دلکش فگرز، یوگا اور دلکش مسکراہٹ کی بدولت وہ ایک مشہور شخصیت جانی جاتی ہیں۔
شلپا نے محفلوں کے سیزن میں مختلف تقاریب میں جانے کے لیے خواتین کو زیورات سے متعلق تجاویز بھی دیں اور کہا کہ زیورات پہنتے وقت اس بات کا یقین کرلیا جائے کہ جو زیور آپ پہن رہی ہیں وہ زیادہ بھاری نہ ہو لیکن وقت کے مطابق جدید ڈیزائن کا اور دلکش ہونا چاہیے جو کہ آپ کے جسم پر خوب جچتا ہو۔
ساشا آغا نئی فلم ’’دیسی کٹے‘‘ میں دیہاتی لڑکی کے روپ میں نظر آئیں گی
ریتھک روشن نے مائیکل جیکسن کو اپنا گانا ٹریبیوٹ کر دیا
