جھنگ (ڈسٹرکٹ رپورٹر) جھنگ میں محکمہ تحفظ ماحول پنجاب کی جانب سے این او سی حاصل کے بغیر شہری علاقوں میںسینکڑوں پاور لومز فیکٹریاں قائم صوتی آلودگی سے شہریوںکو پریشانی کا سامنا ۔جھنگ کے شہری فیصل منظور کی جانب سے پنجاب شفافیت و معلومات تک رسائی کے قانون2013 کے تحت محکمہ تحفظ ماحول پنجاب کو دی گئی درخواست میں پوچھا گیا کہ محلہ حسنانہ،جھنگ سٹی،سیٹلائٹ ٹائون،کوٹ سائی سنگھ سمیت دیگر شہری علاقوں میں کل کتنی پاور لومز فیکٹریاں کام کر رہی ہیں اور کیا ان کو محکمہ کی جانب سےNOCجاری کیا گیا ہے اور اگر بغیر اجازت یہ فیکٹریاں کام کر رہی ہیں تو محکمہ کی جانب سے اب تک کیا کاروائی عمل میں لائی گئی ہے۔محکمہ کی جانب سے فراہم کردہ معلومات کے مطابق مذکورہ بالا شہری علاقوںمیں 100سے زائد پاور لومز فیکٹریاں کام کر رہی ہیں اور کسی بھی فیکٹری کو محکمہ تحفظ ماحول پنجاب کی جانب سے NOCجاری نہیں کیا گیا جبکہ صرف20فیکٹریاں ایسی ہیں جنہیں NOCکی ضرورت ہے کیونکہ وہ تحفظ ماحول پنجاب کے ایکٹ1997ترمیم شدہ2012کی دفعہ12کے دائرہ اختیار میں آتی ہیں جبکہ80دیگر پاورلومز فیکٹر یوںپریہ قانون لاگوہی نہیں ہوتاکیو نکہ یہ فیکٹریاں اس قانون کے بننے سے قبل تعمیر کی گئیں۔ محکمہ کے مطابق ان20فیکٹری مالکان کیخلاف کاروائی کی جارہی ہے اور ڈی سی او جھنگ کو ان فیکٹری مالکان کیخلاف کاروائی کرنے بارے لکھ دیا گیا ہے۔۔مزید معلومات کیلئے جب ڈی سی او جھنگ کے نام مورخہ9مئی2016کوارسال کردہ درخواست میں یہ پوچھا گیا آیا کہ ان20پاورلومز فیکٹریز میں سے کسی کو ابھی تکNOCجاری کیا گیا ہے یا نہیں تو ڈسٹرکٹ آفیسر محکمہ تحفظ ماحول جھنگ کی چٹھی نمبرDOE/EPA/JNG/344بتاریخ19.05.2016کے مطابق ابھی تک ان20پاور لومز فیکٹریز میں سے کسی کو بھیNOCجاری نہیں کیا گیا۔جس سے یہ ثابت ہوتا ہے کہ یہ20 فیکٹریاں NOCحاصل کیے بغیر چلائی جارہی ہیں اور کاروائیاں صرف فائلوں تک محدود ہیں۔ ڈسٹرکٹ آفیسر ماحولیات محمد نواز خان کے مطابق تحفظ ماحول کا قانون1997ء میں بنایا گیا تھا لیکن شہر میں قائم80سے زائد پاورلومز پر اس کااطلاق نہیں ہو سکتا کیونکہ وہ اس سے قبل بنائی گئیں۔صرف20کے قریب پاور لومز فیکٹریاں ایسی ہیں جو اس ایکٹ کی دفعہ12کے زمرے میں آتی ہیں لیکن ہمارے پاس انکے خلاف براہ راست کاروائی کا اختیار نہیں ہے اس سلسلہ میں تمام صورتحال سے متعلق محکمہ تحفظ ماحولیات لاہور کے متعلقہ شعبے کا آگاہ کیا جاچکا ہے جبکہ ڈی سی او جھنگ کو بھی ان 20فیکٹری مالکان کیخلاف کاروائی کرنے کے لیے کہا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) قائم مقام ڈسٹرکٹ کوآرڈی نیشن آفیسرشوکت علی کھچی نے کہا ہے کہ رمضان المبارک کے آخری عشرہ کے دوران مختلف مذہبی تقریبات کے حوالے سے ضلع میں امن و اما ن بر قرا ر رکھنے کے لئے کئے گئے سیکورٹی کے فول پرو ف انتظامات کو مزید سخت بنا یا جا رہا ہے تا کہ کو ئی شر پسند اپنے نا پا ک عزائم میں کا میا ب نہ ہو سکے۔ یہ با ت انہو ںنے گزشتہ روز ضلعی امن کمیٹی کے اجلاس کی صدا رت کرتے ہو ئے کہی۔ اجلا س میںڈی پی او ہمایوں مسعود سندھو،اے ڈی سی محمد اویس ملک اور اسسٹنٹ کمشنر شاہد عباس جوئیہ سمیت انجمن تاجران،علمائے کرام ،عمائدین اور مختلف مکا تب فکر سے تعلق رکھنے وا لے شہر یو ں اور ممبران امن کمیٹی نے شر کت کی۔قائم مقام ڈی سی اوشوکت علی کھچی نے کہا کہ حضر ت علی کی یوم شہا دت کے مو قع پر ضلع میں امن و امان بحا ل رکھنے کے لیے سیکو رٹی انتظا مات کو حتمی شکل دے دی گئی ہے لہٰذا تما م مکا تب فکر کے علما ء کرام اپنی صفوں میں اتحادبرقرار رکھتے ہوئے اپنے پیرو کاروں کومذ ہبی اختلافا ت کو ختم کر کے ایک پلیٹ فا رم پر اکھٹے ہو نے کا درس دیں ۔انہو ں نے کہا کہ دشمن طاقتو ں اور دہشت گر دوں نے ہمیں کمزور کر نے کے لیے جو مذمو م نا پا ک سازشیں شرو ع کر رکھی ہیں ان کا مقا بلہ کر نے کے لیے ہمیں یکجا ہو نا ہو گا۔ڈی سی او نے کہا کہ 21 رمضان المبارک یوم علی کے موقع پر ضلع میں مجالس کانفرنسوں اور جلوسوں کے اوقات، روٹس اور مقامات میں کوئی تبدیلی کرنے کی ہرگز اجازت نہیں دی جائے گی۔اجلاس کے دوران ڈی پی او ہمایوں مسعود سندھو نے علماء کرام اور معززین سے کہا کہ وہ مساجد اور امام بارگاہوں کی حفاظت کے لئے ضلعی پولیس کے ساتھ ساتھ اپنے طور پر بھی سیکورٹی انتظامات برقرار رکھیں تاکہ آنے جانے والے لوگوں کی شناخت وغیرہ میں کسی پریشانی کا سامنا نہ کرنا پڑے۔ انہوں نے علماء کرام اور معززین شہر پر زور دیا کہ وہ ضلع میں امن و امان کی صورتحال برقرار رکھنے کے لئے اپنے اردگرد کے ماحول اور باہر سے آنے والے لوگوں پر کڑی نظر رکھیں۔ بعد ازاں شرکاء اجلاس نے ضلع میں امن وامان برقرار رکھنے کی بھر پورتعاون کا یقین دلاتے ہوئے مختلف تجاویز پیش کیں ۔مزید برآں قائم مقام ڈسٹرکٹ کوآرڈی نیشن آفیسرشوکت علی کھچی نے ایڈیشنل ڈسٹرکٹ کلکٹر محمد اویس ملک کے ہمراہ ڈسٹرکٹ جیل جھنگ کا دورہ کیا جہاںانہوںنے لنگر خانہ میں تیار کھانے کا معیار اور ہسپتال میںمریضوں سے ادویات اور سہولیات کی فراہمی بارے معلومات حاصل کیں ۔ قائم مقام ڈی سی اونے اندرون ملاقات شیڈ میں مرد وخواتین اور نوعمر اسیران جیل میں عید گفٹ پیک ، مٹھائیاں جبکہ بچوں میں کھیلنے کا سامان تقسیم کیا۔انہوںنے نو عمر اور خواتین اسیران سے ملاقات کی اور انکے مسائل دریافت کئے ۔ڈی سی او نے جیل سپرنٹنڈنٹ کو سیکورٹی اور صفائی ستھرائی کے نظام کوموثر اور منظم رکھنے کی ہدایت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) وزیر اعلیٰ پنجاب محمد شہباز شریف کی خصوصی ہدایات کی روشنی میںضلعی انتظامیہ کے افسران اشیائے ضروریہ کی کوالٹی اور قیمتوں کا جائزہ لینے کیلئے سستے رمضان بازاروں اورشہر کی مرکزی سبزی و فروٹ منڈی کا روزانہ کی بنیاد پرمعائنہ کر رہے ہیں۔اس ضمن میں عوامی ریلیف کیلئے تمام وسائل بروئے کار لائے جا رہے ہیں۔اس حوالہ سے گزشتہ روز محمد اویس ملک نے ڈی پی او ہمایوں مسعودسندھو کے ہمراہ شہر کی مرکزی سبزی و پھل منڈی میں بولی کے مراحل کا جائزہ لینے کے دوران روزمرہ استعمال کی اشیائے ضروریہ کی قیمتوں، کوالٹی اور سٹاک کے حوالہ سے ضروری معلومات حاصل کی۔ڈی پی او ہمایوں مسعود سندھو نے ڈیوٹی پر تعینات پولیس اہلکاروں کوٹریفک کے بہائو اور سکیورٹی کے نظام کو مستقل بنیادوں پر برقرار رکھنے کی ہدایت کی جبکہ اے ڈی سی محمد اویس ملک نے منڈ ی میں خریداروں سے تبادلہ خیال کیا اور ٹی ایم اے عملہ کو صفائی ستھرائی کے نظام کو مزید بہتر اور موثر بنانے کی ہدایات جاری کیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) سیکرٹری آر ٹی اے نے گزشتہ دنوںمنظور شدہ وزن سے زائد لوڈنگ کرنے والی 161گاڑیوں کے چالان کئے اور 76گاڑیاں مختلف تھانوں میں بند کیں۔ سیکرٹری ڈسٹر کٹ ٹرانسپورٹ اتھارٹی محمد طاہر ملک نے میڈیا سے بات کر تے ہوئے بتایا کہ روڈ ٹرانسپورٹ اتھارٹی کی جانب سے تما م ایسی گاڑیاں جو کسی بھی لحاظ سے اورلوڈنگ ،زائد کرایہ وصولی ،روٹ پرمٹ بغیر فٹنس سرٹیفکیٹ کی خلاف ورزیوں میں ملوث ہیں ان کے خلاف کاروائیوں کا سلسلہ بلا تفریق جاری ہے ۔انہوں نے بتا یا کہ موٹر وہیکل آرڈیننس میں ہونے والی حالیہ ترمیم کے مطابق اب کوئی بھی لوڈر گاڑی مقررہ وزن سے زائد سامان لوڈ کرئے گی تو اس کے ڈرائیور کو نہ صرف دس ہزار روپے تک جرمانہ اور چھ ماہ تک قید کی سزا دی جا سکتی ہے بلکہ اس کا ڈرائیونگ لائسینس بھی معطل کیا جا سکتا ہے۔ انہوں نے بتایا کہ خلاف ورزیوں میں ملوث کل 161گاڑی مالکان کے چالان کئے گئے اورانہیں 2لاکھ 27ہزار روپے جرمانہ کیا گیا۔ 23ڈرائیوروں کو گرفتار کر کے ان کے خلاف مقدمات درج کئے گئے اور 76گاڑیوں کو مختلف تھانوں میں بند کیا گیا ۔انہوں نے بتایا کہ اس حوالے سے کاروائی کاسلسلہ آئندہ بھی بغیر کسی دبائو اور تفریق کے جاری رکھا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) بجلی اور گیس کی لوڈشیڈنگ نے رمضان المبارک میں عوام کا بھرکس نکال دیا۔ ان خیالات کا ظہار امیر جماعت اسلامی جھنگ بہادر خان جھگڑ نے ایک پریس ریلیز میں انہوں نے کہا کہ نمازتراویح اور سحری وافطاری کے اوقات میں بھی لوڈشیڈنگ مسلسل جاری ہے جس کے نتیجہ میں روزہ داروں اور عام شہریوںکی مشکلات میں بے پناہ اضافہ ہوا ہے۔ انہوں نے کہا کہ اس شدید گرمی کے موسم میں رمضان المبارک کے دوران حکمران اللہ کے عذاب کو دعوت دینے کے ساتھ ساتھ عوام کے غیض وغضب کا شکار ہورہے ہیں اور وہ وقت دور نہیں جب بنیادی حقوق سے محروم عوام ان کرپٹ اور نااہل حکمرانوں کو اقتدار کے ایوانوں سے نکال دیں گے اور ان سے لوٹی ہوئی دولت کی پائی پائی کا حساب لیاجائے گا۔ انہوں نے کہا کہ سراج الحق کی قیادت میں کرپشن فری پاکستان کی تحریک قوم کی آواز بن چکی ہے اور حکومت اور اپوزیشن اپنے اپنے لٹیروں کو بچانے کیلئے جو حربے استعمال کررہے ہیں وہ کامیاب نہیں ہوں گے اور تمام کرپٹ افراد کا بے لاگ اور غیرجانبدارانہ احتساب سے ہی عوام کو ان کے حقوق اور سہولیات فراہم ہوسکیں گی۔
کراچی کی خبریں 22/6/2016
ملک طالب حسین صدیقی کی نسبیتی والدہ خوش دامن رضا الہی سے انتقال کر گئیں
