جھنگ (ڈسٹرکٹ رپورٹر) ڈسٹرکٹ کوآرڈی نیشن آفیسر نادر چٹھہ نے کہا ہے کہ علماء ،مشائخ اور عزائم محرم الحرام میں امن و عامہ کے قیام میں باہمی یکجہتی اوریگانگت کا مظاہرہ کریں اور دہشت گردوں کے مذموم ارادوں کو خاک میں ملا دیں۔کیونکہ ملک انتہائی نازک دور سے گزر رہا ہے اور دہشت گرد کسی بھی وقت تخریبی کاروائی کر سکتے ہیں۔وہ گزشتہ روز سرکٹ ہائوس میں محرم الحرام کے دوران انتظامات کے حوالہ سے ڈسٹرکٹ امن کمیٹی کے خصوصی اجلاس کی صدارت کر رہے تھے۔اجلاس میں قائم مقام ڈی پی او عادل میمن،اسسٹنٹ کمشنرز،ایم این اے شیخ محمد اکرم ،ڈی او ایمرجنسی ڈاکٹر طارق سعید،ٹی ایم اوز،قانون نافذ کرنے والے اداروں ،ممبران امن کمیٹی، ضلعی انتظامیہ کے افسران اور مختلف مسالک سے تعلق رکھنے والے علمائے کرام سمیت دیگر افسران نے شرکت کی۔ڈی سی او نادر چٹھہ نے کہا کہ محرم الحرام کے دوران عزاء داروں کی سہولیات کے پیش نظر تمام سہولیات بہم پہنچائی جائینگی۔انہوںنے بتایا کہ قانون اورضابطہ اخلاق کی پابندی کو ہرممکن یقینی بنایا جائیگا۔لائوڈ سپیکر کے استعمال ،وال چاکنگ،بینرز اور موٹر سائیکل رکشوں پر آڈیو ریکارڈنگ پر مکمل پابندی ہوگی۔ ہوٹلز،گیسٹ ہاوسز،سرائے اور کرایہ پر چڑھنے والے مکانات کی مکمل سکروٹنی کی جائیگی۔ڈی سی او نے کہا کہ امن عامہ کے قیام کے سلسلہ اور فرقہ وارانہ ہم آہنگی کے فروغ کیلئے فورتھ شیڈول کے اکابرین کو بھی امن کمیٹی میں شامل کیا جائیگا۔انہوںنے بتایا کہ 25ذوالحجہ کے بعد ضلع بھر میں تمام پرائیویٹ کمپنیوں کے بڑے سائن بورڈ اتار دیئے جائینگے اور محرم الحرام کے دوران آرمی کی بھی مدد حاصل ہوگی۔قائم مقام ڈی پی او عادل میمن نے اس موقع پر کہا کہ گزشتہ سالوں کی نسبت اس سال محر م الحرام کے دوران جدید ٹیکنالوجی کا زیادہ سے زیادہ استعمال کیا جائیگا۔سی سی ٹی وی کیمرے، واک تھرو گیٹس اور دیگر جدید آلات کی مددلی جائیگی۔انہوںنے کہا کہ کسی عنصر کو امن عامہ خراب کرنے کی ہر گز اجازت نہیں دی جائیگی اور اسی سلسلہ میں حکومت کی طرف سے زیر و ٹالرنس ہے۔انہوںنے کہا کہ جلوسوں کے تمام روٹس کے راستوں کی سرچنگ،سنیفرڈاگزاور سنائپرز تعینات کئے جائینگے۔انہوںنے مزید بتایا کہ ڈی سی او اور ڈی پی او آفس میں کنٹرول رومز قائم کئے جائینگے ضلع کی عوام کسی مشکوک سرگرمی کی صورت میں ان کنٹرول روم پر رابطہ قائم کریںان کنٹرول روم کے ٹیلی فون نمبرز کی تشہیر ،بینرز اور اخبارات کے ذریعے کی جائیگی۔عادل میمن نے مزید کہا کہ ضلع بھر کی تما م تحصیلوں میں سیکورٹی کے فول پروف انتظامات کئے گئے ہیں جن کی مکمل ریکارڈنگ بھی کی جائیگی تاہم عوام پر ذمہ داری عائد ہوتی ہے کہ وہ امن وعامہ کے قیام کے سلسلہ میں انتظامیہ اور پولیس کے ساتھ مکمل تعاون کرے۔اس موقع پر تمام مکاتب فکر کے علماء نے اجلاس کو یقین دلایا کہ وہ امن و عامہ کے قیام کے سلسلہ میں بھرپور تعاون کریں گے اور آپس میں کوآرڈی نیشن کو بہتر بنائیںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ ( ڈسٹرکٹ رپورٹر ) ڈسٹرکٹ کوآرڈی نیشن آفیسر نادر چٹھہ نے کہا ہے کہ ملکی تعمیرو ترقی اور آئندہ نسل کی تعلیم و تربیت کے حوالہ سے اساتذہ کرام کا کلیدی کردار کبھی بھی فراموش نہیں کیا جا سکتا اور ان کو ہر سطح پر خراج تحسین پیش کرنا ان کی خدمات کا اعتراف کرنا ہے ۔ان خیالا ت کا اظہار عالمی سلام ٹیچر ڈے کے حوالہ سے محکمہ تعلیم اور این سی ایچ ڈی اور نجی فلاحی تنظیم کے زیر اہتمام ضلع کونسل ہال میں منعقدہ سیمینار سے بطور مہمان خصوصی خطاب کرتے ہوئے کیا۔ اس مو قع پر ای ڈی او ایجوکیشن نسیم احمد زاہد ،ڈسٹرکٹ منیجر این سی ایچ ڈی عمر دراز جھاوری ،محکمہ تعلیم کے ضلعی اور تحصیل افسران کے علاوہ اساتذہ کرام اور مختلف شعبہ ہائے زندگی سے تعلق رکھنے والے افراد بھی موجود تھے۔ ڈی سی او نادر چٹھہ نے اپنے خطاب میں کہا کہ اعلیٰ کارکردگی اور تعلیمی خدمات سرانجام دینے والے مرد و خواتین کو حکومت پنجاب انعامات اور اعزازات سے نوازنے کی پالیسی پر کاربند ہے ۔ انہوں نے محکمہ تعلیم کے افسران کو اساتذہ کرام کے دفتری معاملات ترجیحی بنیادوں پر حل کرنے کی ہدایت دیتے ہوئے ضلع بھر میں پوزیشن حاصل کرنے والے طلباء و طالبات کو لیپ ٹاپ اور نقد انعامات دینے کا بھی وعدہ کیا۔اس موقع پر ای ڈی او ایجو کیشن نسیم احمد زاہد نے اساتذہ کرام کے مثالی کردار پر روشنی ڈالتے ہوئے کہا کہ یہ ایک پیغمبری پیشہ ہے لہٰذا ان کی عزت و تقریم میں کوئی کسر اٹھا نہ رکھی جائے گی۔این سی ایچ ڈی کے جنرل منیجر عمر دراز جھاوری نے اساتذہ کرام کو سلام پیش کرتے ہوئے کہا کہ استاد معاشرے کا قابل قدر ترین اور باعزت فرد ہونے کے ساتھ ساتھ عظیم انسان بھی ہے کیونکہ اعلیٰ اور معتبر ترین شخصیات تدریسی شعبہ سے وابستہ رہی ہیں۔بعد ازاں نمایاں کارکردگی کا مظاہرہ کرنے والے مرد و خواتین میں تعریفی اسناد تقسیم کی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ ( ڈسٹرکٹ رپورٹر) ریسکیو 1122 کی طرف سے امام بارگاہ قدیمی جھنگ سٹی میں محرم الحرام کے دوران کسی بھی ناخوشگوار واقعہ اور صورتحال سے نمٹنے کیلئے سکائوٹ ٹریننگ کا اہتمام کیا گیا جس میں16 ریسکیوسکائوٹس کو ٹریننگ دی گئی۔ڈی او ایمرجنسی ڈاکٹر طارق سعید کے مطابق عشرہ محرم الحرام کے دوران ریسکیو سکائوٹس جلوسو ں اور مجالس کے دوران فوری طبی سہولیات کی فراہمی میں مدد گار ثابت ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ ( تحصیل رپورٹر ) سابقہ ممبر صوبائی اسمبلی شیخ محمد یعقوب اور موجودہ ایم پی اے مسز راشدہ یعقوب کی جانب سے محرم الحرام کے تمام جلوسوں کے روٹ کی تعمیرو مرمت کیلئے خطیر رقم کی گرانٹ جاری عوامی و سماجی حلقوں کا خراج تحسین اسی سلسلہ کی ایک کڑی جس کے تحت سیاسی و سماجی شخصیت شیخ محمد عمران نے پرانا چنیوٹ روڈ پر واقع بستی اوڈانوالی جھنگ میں محرم الحرام کے روٹ کی ایک گلی کا افتتاح کیا جس میں ان کے ساتھ مقامی و سماجی شخصیت حاجی محمد سرور جاوید ،معروف صحافی پرویز ہاشمی ،مہر احمد یا سلیانہ،اقلیتی نمائندے آصف منور بھی شامل تھے جنہوں نے مل کر اس عوامی منصوبے کا افتتاح کیا ۔اس موقع پر علاقہ کے لوگ کثیر تعداد میں موجود تھے جن میں حاجی محمد سرور جاوید ،حاجی محمد یامین ،سیاسی و سماجی شخصیت جعفر غفار قریشی ،محمد نواز توحیدی ،بلال جمعہ ،مقصود شاہ ،قاضی سجاد ،اکبر رضاق ،محمد اکرم ،لائسینس دار جلوس محمد عبدالطیف و دیگران موقع پر موجود تھے ۔اس موقع پر کچھ شر پسند عناصر نے جھوٹی شہرت حاصل کرنے کیلئے کام میں رکاوٹ ڈالنے کی کوشش کی جس کو اہل علاقہ نے ناکام بنا دیا ۔محرم الحرام کے روٹ کی گرانٹ جاری کرنے پر مقامی لوگوں پرویز احمد ہاشمی ،حاجی سرور جاوید ،صدر شعیہ علماء کونسل حسن رضا شاہ ،شیخ محمد یعقوب اور میڈم محترمہ راشدہ یعقوب کا خصوصی شکریہ ادا کیا اور انہوں اپنی مکمل حمائیت کی یقین دہانی بھی کروائی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) تفصیلات کے مطابق فیصل آباد روڈ موچیوالہ کے قریب ہائی ایس نے کار کو پیچھے سے ہٹ کیاجس سے 24 سالہ دائم خان اور 21سالہ راصب علی شدید زخمی ھو ا ٔ جنھین ٰ ریسکیو 1122 نے ابتدائی طبی امداد کے بعد ڈسڑکٹ ہیڈکواٹرہسپتال جھنگ منتقل کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ ( ڈسٹرکٹ رپورٹر ) سرگودھا روڑ پر تیز رفتار کا ر کی ٹکر سے موٹر سائیکل سوار میاں بیوی دو بیٹوں سمیت جاں بحق جبکہ ایک بیٹا شدید زخمی ہو گیا۔تفصیلات کے مطابق منڈی شاہ جیونہ کا رھائشی پاکستان ایئر فورس کا ملازم 40 سالہ محمد عمران اپنی بیوی 30سالہ کلثوم اور تین بیٹوں 8سالہ عدیل عمران ،6سالہ زین عمران اور 3سالہ انیس عمران کے ہمراہ مووٹر سائیکل نمبری MIE1458 پر سوار ہو کر جھنگ سے اپنے رشتہ دار کی شادی سے فارغ ہو کر واپس منڈی شاہ جیونہ جا رھا تھا کہ اقبال نگر کے قریب ایک تیز رفتارکار نمبر QA325نے انہیں زور دار ٹکر دے ماری جس کے نتیجہ میں محمد عمران اور اسکے دو بیٹے عدیل عمران اور زین عمران موقع پر ہی جاں بحق ہو گئے جبکہ کلثوم اور انیس عمران شدید زخمی ہو گئے جنہیں ریسکیو 1122 نے فوری طور پر ڈسٹرکٹ ہیڈ کوارٹر ہسپتال جھنگ پہنچایا جہاں کلثوم زخموں کی تاب نہ لاتے ہوئے دم توڑ گئی۔ کار کا ڈرائیور موقع سے فرار ہونے میں کامیاب ہو گیا ۔
سابقہ کونسلر رانا توقیر احمد، سید ارشد علی شاہ کی طرف سے میاں عبدالخالق گروپ کی حمایت کا اعلان
میانی اڈا کی خبریں 05/10/2015
