جھنگ (ڈسٹرکٹ رپورٹر) قائم مقام ڈسٹرکٹ کوآرڈی نیشن آفیسر شوکت علی کھچی نے کہا ہے کہ سیلابی صورت حال کے دوران دکھی انسانیت کی خدمت اور مدد کرنے میں سرکاری مشینری طرف سے کسی قسم کی سستی اور کوتاہی کا مظاہرہ ہر گز برداشت نہیںکیاجائے گا۔ متعین ڈیوٹی افسران فرائض کی ادائیگی میں پوری دیانت داری اور خدمت کے جذبہ سے ادا کریں، متوقع سیلابی صورت حال کے پیش نظر ضلع میں آٹھ ریلیف کیمپس قائم کرنے کے علاوہ فلڈکنٹرول رومز بھی قائم کئے جائینگے ۔یہ ہدایات انہوںنے ممکنہ سیلاب کے پیش نظر سیلابی صورتحال اور اس ضمن میں کئے گئے انتظامات کے حوالہ سے منعقدہ اجلاس کی صدار ت کرتے ہوئے کہی۔ اجلاس میں اے ڈی سی محمد اویس ملک،ڈی او سی ہارون رشید، مختلف محکموں کے ایگزیکٹو ڈسٹرکٹ آفیسرز، ڈسٹرکٹ آفیسرز، اسسٹنٹ کمشنرز، محکمہ انہار اورہائی وے ڈیپارٹمنٹ ،واپڈا اور سوئی گیس سمیت دیگر متعلقہ محکموں کے افسران نے بھی شرکت کی۔قائم مقام ڈی سی او شوکت علی کھچی نے چاروں تحصیلوں کے اسسٹنٹ کمشنروںکو ہدایات جاری کرتے ہوئے کہا ضلع کے متاثرہ علاقہ جات میں نمبردار یا پٹواری سے کوآرڈی نیشن کرکے انکے رابطہ نمبروں کی تصدیق کریں اور ان سے رابطہ بحال کرکے ریلیف سنٹرز میں لوگوںکی نقل مکانی کیلئے ٹریکٹر ٹرالیوں کیلئے آمادہ کریں۔انہوںنے کہا کہ حکومت پنجاب کی طرف سے سیلاب متاثرین کیلئے قائم کردہ آٹھ ریلیف کیمپس میں ایک اچھا اور باسہولت ماحول پید اکیا جائے گا۔ڈی سی او نے محکمہ ہیلتھ،لائیو سٹاک ، زراعت اور محکمہ ریونیو کے افسران کو ہدایت کی کہ فلڈ کے دوران ڈیوٹی کرنے والے اہلکاروں کیلئے حفاظتی جیکٹس تیار کروائیں جن پر حکومت پنجاب کا مونوگرام اور محکمہ واضح دکھائی دے۔ انہوں نے محکمہ ہیلتھ کے افسران کو سیلابی پانی کے باعث پیدا ہونے والی پیٹ، جلد، بخار اور دیگر بیماریوں کی روک تھام اور علاج معالجہ کیلئے ضروری ادویات کا وافر سٹاک دستیاب رکھنے کی بھی ہدایت کی۔مزید برآں قائم مقام ڈی سی او شوکت علی کھچی نے محکمہ تعلیم کے افسران سے کہاکہ وہ سیلابی علاقوں میں قائم سکولوں کی عمارتوں کا جائزہ رپورٹ مرتب کریں تاکہ اس ضمن میںبروقت اقدامات کئے جاسکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) قائم مقام ڈی سی او شوکت علی کھچی نے شہر کی مرکزی سبزی و پھل منڈی میں اشیائے ضروریہ کا معیار،سٹاک اور قیمتوں کا جائزہ لیتے ہو ئے کہا ہے کہ پنجاب حکومت ماہ صیام کے دوران عوام الناس کو ہر ممکن ریلیف پہنچانے کیلئے عملی اقدامات کر رہی ہے۔ اس ضمن میںتمام وسائل بروئے کار لائے جار ہے ہیں اس دوران ڈی پی او ہمایوں مسعود سندھو بھی انکے ہمراہ تھے۔ڈی سی او شوکت علی کھچی نے سبزی منڈی میں مقامی اور باہر سے آنے والی سبزیات اور فروٹس کی کی بولی کے عمل کا جائزہ لیا اور موقع پر ہدایات جاری کیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) جھنگ میںمحکمہ تحفظ ماحول پنجاب کی جانب سے این او سی حاصل کے بغیر شہری علاقوں میںسینکڑوں پاور لومز فیکٹریاں قائم صوتی آلودگی سے شہریوںکو پریشانی کا سامنا ۔جھنگ کے شہری فیصل منظور کی جانب سے پنجاب شفافیت و معلومات تک رسائی کے قانون2013 کے تحت محکمہ تحفظ ماحول پنجاب کو دی گئی درخواست میں پوچھا گیا کہ محلہ حسنانہ،جھنگ سٹی،سیٹلائٹ ٹائون،کوٹ سائی سنگھ سمیت دیگر شہری علاقوں میں کل کتنی پاور لومز فیکٹریاں کام کر رہی ہیں اور کیا ان کو محکمہ کی جانب سےNOCجاری کیا گیا ہے اور اگر بغیر اجازت یہ فیکٹریاں کام کر رہی ہیں تو محکمہ کی جانب سے اب تک کیا کاروائی عمل میں لائی گئی ہے۔محکمہ کی جانب سے فراہم کردہ معلومات کے مطابق مذکورہ بالا شہری علاقوںمیں 100سے زائد پاور لومز فیکٹریاں کام کر رہی ہیں اور کسی بھی فیکٹری کو محکمہ تحفظ ماحول پنجاب کی جانب سے NOCجاری نہیں کیا گیا جبکہ صرف20فیکٹریاں ایسی ہیں جنہیں NOCکی ضرورت ہے کیونکہ وہ تحفظ ماحول پنجاب کے ایکٹ1997ترمیم شدہ2012کی دفعہ12کے دائرہ اختیار میں آتی ہیں جبکہ80دیگر پاورلومز فیکٹر یوںپریہ قانون لاگوہی نہیں ہوتاکیو نکہ یہ فیکٹریاں اس قانون کے بننے سے قبل تعمیر کی گئیں۔ محکمہ کے مطابق ان20فیکٹری مالکان کیخلاف کاروائی کی جارہی ہے اور ڈی سی او جھنگ کو ان فیکٹری مالکان کیخلاف کاروائی کرنے بارے لکھ دیا گیا ہے۔۔مزید معلومات کیلئے جب ڈی سی او جھنگ کے نام مورخہ9مئی2016کوارسال کردہ درخواست میں یہ پوچھا گیا آیا کہ ان20پاورلومز فیکٹریز میں سے کسی کو ابھی تکNOCجاری کیا گیا ہے یا نہیں تو ڈسٹرکٹ آفیسر محکمہ تحفظ ماحول جھنگ کی چٹھی نمبرDOE/EPA/JNG/344بتاریخ19.05.2016کے مطابق ابھی تک ان20پاور لومز فیکٹریز میں سے کسی کو بھیNOCجاری نہیں کیا گیا۔جس سے یہ ثابت ہوتا ہے کہ یہ20 فیکٹریاں NOCحاصل کیے بغیر چلائی جارہی ہیں اور کاروائیاں صرف فائلوں تک محدود ہیں۔ ڈسٹرکٹ آفیسر ماحولیات محمد نواز خان کے مطابق تحفظ ماحول کا قانون1997ء میں بنایا گیا تھا لیکن شہر میں قائم80سے زائد پاورلومز پر اس کااطلاق نہیں ہو سکتا کیونکہ وہ اس سے قبل بنائی گئیں۔صرف20کے قریب پاور لومز فیکٹریاں ایسی ہیں جو اس ایکٹ کی دفعہ12کے زمرے میں آتی ہیں لیکن ہمارے پاس انکے خلاف براہ راست کاروائی کا اختیار نہیں ہے اس سلسلہ میں تمام صورتحال سے متعلق محکمہ تحفظ ماحولیات لاہور کے متعلقہ شعبے کا آگاہ کیا جاچکا ہے جبکہ ڈی سی او جھنگ کو بھی ان 20فیکٹری مالکان کیخلاف کاروائی کرنے کے لیے کہا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) بھکر روڈ پر پولیس وین اور موٹر سائیکل میں تصادم دس افراد زخمی ریسکیو ذرائع کے مطابق جھنگ بھکر روڈ پر ٹوٹل پیڑول پمپ کے قریب ایلیٹ پولیس کی وین اور موٹرسائیکل رکشہ ٹکر گئے جس کے نتیجے میں دس افراد زخمی ہوگئے ریسکیوکے مطابق جھنگ بھکر روڈ پر جھنگ کی جانب آنے والا موٹر سائیکل رکشہ تیز رفتاری کے باعث ایلیٹ پولیس کی وین نمبرJGG1043سے ٹکرا گیا جس کے نتیجے میں 35سالہ سجاد ،50سردار،10خالدہ ،8سالہ حسنین ،22سالہ اظہر عباس ،30سالہ فیضان بی بی ،25سالہ انم بی بی ،5 سالہ احمدحیات ،7سالہ علیشاہ،25سالہ صائمہ بی بیاور بیس سالہ صابر زخمی ہو گئے تمام زخمیوں کو ریسکیوکے عملہ نے ابتدائی طبی امداد کے بعد ڈسٹر ہیڈ کواٹر ہسپتال منتقل کردیا جبکہ پولیس کی جانب سے حادچے کی تحقیقا ت کی جارہی ہیں۔
کراچی کی خبریں 25/6/2016
ٹی آر او پر اپوزیشن سمیت تمام حکومتی جماعتیں غیرسنجیدہ ہیں، محمد اویس نورانی
