جھنگ (ڈسٹرکٹ رپورٹر) جھنگ میں محکمہ تحفظ ماحول پنجاب کی جانب سے این او سی حاصل کے بغیر شہری علاقوں میںسینکڑوں پاور لومز فیکٹریاں قائم صوتی آلودگی سے شہریوںکو پریشانی کا سامنا ۔جھنگ کے شہری فیصل منظور کی جانب سے پنجاب شفافیت و معلومات تک رسائی کے قانون2013 کے تحت محکمہ تحفظ ماحول پنجاب کو دی گئی درخواست میں پوچھا گیا کہ محلہ حسنانہ،جھنگ سٹی،سیٹلائٹ ٹائون،کوٹ سائی سنگھ سمیت دیگر شہری علاقوں میں کل کتنی پاور لومز فیکٹریاں کام کر رہی ہیں اور کیا ان کو محکمہ کی جانب سےNOCجاری کیا گیا ہے اور اگر بغیر اجازت یہ فیکٹریاں کام کر رہی ہیں تو محکمہ کی جانب سے اب تک کیا کاروائی عمل میں لائی گئی ہے۔محکمہ کی جانب سے فراہم کردہ معلومات کے مطابق مذکورہ بالا شہری علاقوںمیں 100سے زائد پاور لومز فیکٹریاں کام کر رہی ہیں اور کسی بھی فیکٹری کو محکمہ تحفظ ماحول پنجاب کی جانب سے NOCجاری نہیں کیا گیا جبکہ صرف20فیکٹریاں ایسی ہیں جنہیں NOCکی ضرورت ہے کیونکہ وہ تحفظ ماحول پنجاب کے ایکٹ1997ترمیم شدہ2012کی دفعہ12کے دائرہ اختیار میں آتی ہیں جبکہ80دیگر پاورلومز فیکٹر یوںپریہ قانون لاگوہی نہیں ہوتاکیو نکہ یہ فیکٹریاں اس قانون کے بننے سے قبل تعمیر کی گئیں۔ محکمہ کے مطابق ان20فیکٹری مالکان کیخلاف کاروائی کی جارہی ہے اور ڈی سی او جھنگ کو ان فیکٹری مالکان کیخلاف کاروائی کرنے بارے لکھ دیا گیا ہے۔۔مزید معلومات کیلئے جب ڈی سی او جھنگ کے نام مورخہ9مئی2016کوارسال کردہ درخواست میں یہ پوچھا گیا آیا کہ ان20پاورلومز فیکٹریز میں سے کسی کو ابھی تکNOCجاری کیا گیا ہے یا نہیں تو ڈسٹرکٹ آفیسر محکمہ تحفظ ماحول جھنگ کی چٹھی نمبرDOE/EPA/JNG/344بتاریخ19.05.2016کے مطابق ابھی تک ان20پاور لومز فیکٹریز میں سے کسی کو بھیNOCجاری نہیں کیا گیا۔جس سے یہ ثابت ہوتا ہے کہ یہ20 فیکٹریاں NOCحاصل کیے بغیر چلائی جارہی ہیں اور کاروائیاں صرف فائلوں تک محدود ہیں۔ ڈسٹرکٹ آفیسر ماحولیات محمد نواز خان کے مطابق تحفظ ماحول کا قانون1997ء میں بنایا گیا تھا لیکن شہر میں قائم80سے زائد پاورلومز پر اس کااطلاق نہیں ہو سکتا کیونکہ وہ اس سے قبل بنائی گئیں۔صرف20کے قریب پاور لومز فیکٹریاں ایسی ہیں جو اس ایکٹ کی دفعہ12کے زمرے میں آتی ہیں لیکن ہمارے پاس انکے خلاف براہ راست کاروائی کا اختیار نہیں ہے اس سلسلہ میں تمام صورتحال سے متعلق محکمہ تحفظ ماحولیات لاہور کے متعلقہ شعبے کا آگاہ کیا جاچکا ہے جبکہ ڈی سی او جھنگ کو بھی ان 20فیکٹری مالکان کیخلاف کاروائی کرنے کے لیے کہا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) ڈویژنل کمشنر فیصل آباد ڈویژن مومن آغا نے کہا ہے کہ آئندہ موسم برسات میں دریائوں کی طغیانی سے ممکنہ سیلاب سے نمٹنے کیلئے تمام تراقدامات پیشگی بنیادوں پر مکمل کئے جارہے ہیں اس سلسلہ میںضلعی انتظامیہ اور محکمہ انہار سمیت دیگرتمام متعلقہ محکمے آپس میںمسلسل رابطہ رکھیں اور حفاظتی بندوں کومزید مضبوط بنانے کا کام فوری طور پر مکمل کر لیا جائے تاکہ کسی بھی جانی و مالی نقصان سے بچا جا سکے۔چائنیزانجینئرز اور ورکرز کی سیکورٹی اور دیگر انتظامات کیلئے تمام تر ضروری اقدامات عمل میں لائے جائیں ۔ انہوںنے یہ با ت ضلع جھنگ کے دورہ کے دوران تحصیل اٹھارہ ہزاری و دیگر حفاظتی بندوں کا معائنہ اور پاور پلانٹ پراجیکٹ حویلی بہادر شاہ کی سیکورٹی کا تفصیلی جائزہ لینے کے دوران کہی۔اس موقع پرسیکرٹری آبپاشی پنجاب سیف اللہ انجم،قائم مقام ڈی سی او شوکت علی کھچی،ڈی پی او ہمایوں مسعود سندھو،اے ڈی سی محمد اویس ملک، محکمہ انہار کے افسران ، اور اسسٹنٹ کمشنر کے علاوہ دیگر متعلقہ افسران بھی اس موقع پر موجود تھے۔کمشنر فیصل آباد ڈویژن مومن آغا نے حفاظتی بندوں کے مختلف حصوں کا معائنہ کیا اور ہدایت کی کہ کسی بھی حصے میں تجاوزات نظر نہیں آنی چاہیں ۔ انہوںنے کہا کہ وزیر اعلیٰ پنجاب محمد شہباز شریف نے صوبہ بھر کے سیلابی اضلاع میں ممکنہ سیلاب سے نمٹنے کے سلسلہ میں کئے جانے والے اقدامات کو چیک کرنے کیلئے ڈیوٹیز تفویض کی ہیں تاکہ ضروری انتظامات کو قبل از وقت مکمل کر لیا جائے اور سامنے آنے والی کسی بھی انتظامی وحفاظتی خامی کو بروقت دورکیا جاسکے۔مزید برآں تریموں ہیڈ ورکس کے مقام پر میٹنگ کے دوران قائم مقام ڈی سی او شوکت علی کھچی نے سیلاب کے دوران تریموں ہیڈ ورکس پر میڈیم سے ہائی سیلاب کی صورت میں تیار کردہ ایکشن پلان سے بھی تفصیلی آگاہ کیا۔اس موقع پر صوبائی سیکرٹری آبپاشی پنجاب سیف اللہ انجم نے کہا کہ بہترین حکمت عملی اور مربوط فلڈ پلان کی بدولت سیلاب آنے کی صورت میں ریسکیو اینڈ ریلیف سرگرمیوں کو زیادہ نتیجہ خیز بنایا جا سکتاہے اس سلسلہ میں ضلعی انتظامیہ ، محکمہ انہار ،ریسکیو1122 اور پولیس کے محکموں کا کردا ر بڑا کلیدی ہے۔انہوںنے سیلاب سے نمٹنے کیلئے کئے جانے والے اقدامات کو سراہتے ہوئے کہا کہ درکار وسائل بھی ترجیحی بنیادو ں پر فراہم کئے جارہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ (ڈسٹرکٹ رپورٹر ) آگ لگنے اور دو مختلف حادثادت کے واقعات میں چار افراد زخمی ریسکیوذرائع کے مطابق دو مختلف حادثات میں چار افراد زخمی ہو گئے جن ریسکیو1122کی جانب ابتدائی طبی امداد کے بعد ڈسٹر کٹ ہید کواٹر ہسپتال منتقل کردیا گیا پہلا حادثہ جھنگ بھکر روڈ پر کوٹ خیراکے قریب پیش آیا جس میںتیزفتار موٹر سائیکل سامنے سے آنے والی کارسے ٹکرا گیا جس کے نتیجے میں 40سالہ ممتاز اور 45سالہ الطاف شدید زخمی ہوگئے دوسرا حادثہ جھنگ چنیوٹ روڈ پر اڈہ نویں میل پر پیش جس میں تیزرفتار موٹر سائیکل سامنے سے آنے والے ٹرالر سے ٹکراگیاحادثے میں 50سالہ ارشاد حسین اور اس کی 50سالہ بیوی فاطہ شدید زخمی ہوگئے تمام زخمی افراد کو ریسکیوکے عملہ نے ابتدائی طبی امداد کے بعد فوری طور پر ڈسٹرکٹ ہیڈ کواٹر ہسپتال منتقل کردیا جبکہ نئی سبزی منڈی میں ایک فروٹ شاپ میں شارٹ سرکٹ کے باعث اچانک بھڑ ک اٹھی اطلاع ملنے پر ریسکیو کا فائر بریگیڈ یونٹ موقع پر پہنچا گیا اور آگ کو جلد کنٹرول کر لیا آگ کی نتیجے میں کسی قسم کوئی جانی نقصان نہیں ہوا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) پاکستان میں جنگل کا قانون نافذ ہے۔حکومت نام کی کوئی چیز نہیں۔ ان خیالات کا ظہار امیر جماعت اسلامی جھنگ بہادر خان جھگڑ نے ایک پریس ریلیز میں کیا۔ان کا کہنا تھا کہ مہنگائی آسمان سے باتیں کررہی ہے ۔ذخیرہ اندوز عوام کو دونوں ہاتھوں سے لوٹ رہے ہیں جنہیں پوچھنے والا کوئی نہیں۔ آئے روز خودکشیوں کی بڑھتی تعداد حکمرانوں کے منہ پر طمانچہ ہے۔انہوں نے مزید کہا کہ حکمرانوں کا مشن غریب مکاؤ ہے اور وہ اس میں کامیاب ہیں۔ انہوں نے مزید کہا کہ دو وقت کی روٹی کا حصول بھی عوام کیلئے مشکل بنادیا گیا ہے۔انہوں نے کہا کہ جماعت اسلامی سراج الحق کی قیادت میں ملک کی تقدیر بدل دے گی مگر اس سب کیلئے عوام کو بھی چاہئے کہ وہ اپنے نمائندے عادل ، ایماندار اور بے داغ چنیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر)پاکستان میڈیکل ایسوسی ایشن جھنگ کے سرپرست اعلیٰ ڈاکٹرجہانگیر نول ، ایڈیشنل ایم ایس ڈاکٹر ظفراقبال پاتوآنہ، سرجن ڈاکٹر سعید مالک شاہ ، آرتھو پیڈک سرجن ڈاکٹر غلام یٰسین بھٹی اور ڈپٹی ایم ایس ڈاکٹرارشاد بھنگو نے اپنے ایک مشترکہ بیان میں معروف روحانی شخصیت ڈاکٹرمحمدیوسف شاہین المعروف بابا جانی سرکار کی وفات پر گہرے دکھ و غم کا اظہار کرتے ہوئے مرحوم کیلئے بلندی درجات اور پسماندگان کے لئے صبر جمیل کی دعا کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ ( پ ر)چیئرمین پاکستان کسان بورڈ پنجاب اور جماعت اسلامی ضلع جھنگ کے سینئر رہنما اور NA-89جھنگ سے امیدوار قومی اسمبلی ڈاکٹر عبدالجبارخان نے کہا ہے کہ زرعی انکم ٹیکس کی وصولی ظالمانہ اقدام ہے۔ کاشتکاروں سے لیے جانے والے جبری ٹیکس کی ہر فورم پر مخالفت کریں گے۔ انہوں نے مزید کہا کہ زرعی انکم ٹیکس کی وصولی حکومت پنجاب کا ظالمانہ اور جابرانہ اقدام ہے جس کو ہرصورت روکا جاناچاہئے۔ انہوں نے کہا کہ پاکستان کی تعمیروترقی اور معیشت میں کسان ریڑھ کی ہڈی کی حیثیت رکھتا ہے ۔کسان پہلے ہی مہنگی زرعی ادویات، کھاد اور بجلی کے بلوں کے بوجھ تلے دب کر کراہ رہا ہے جبکہ حکومت پنجاب کسان کو مزید ماردینے کا ارادہ رکھتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ(ڈسٹرکٹ رپورٹر) پاکستان کی ایٹمی قوت کا خاتمہ بھارت ونیٹو کا مشترکہ ایجنڈہ ہے۔ ان خیالات کا اظہار جماعة الدعوة جھنگ شعبہ تعلقات عامہ کے ضلعی صدر محمدمنشا ء جھنگوی نے مرکز سیدالشہداء امیرحمزہ سرگودھاروڈ جھنگ پر ایک پریس بریفنگ سے خطاب کرتے ہوئے کیا۔ انہوں نے کہا کہ پاکستان کے دشمن اکٹھے ہورہے ہیں تاکہ پاکستان سے ایٹمی صلاحیت چھینی جاسکے مگر اللہ تعالیٰ نے پاکستان کو ایٹمی قوت بنایا ہے جس نے افغانستان میں دو سپرطاقتوں روس اور نیٹو کو شکست دے کر ناکام کیا ہے۔ انہوں نے مزید کہا کہ امریکی کمانڈرون نے اعتراف کیا کہ بھرپور وسائل کے باوجود افغانستان میں کامیابی پاکستان کی حمایت کے بغیر ممکن نہیں۔ انہوں نے مزید کہا کہ امریکہ وبھارت اکنامک کوریڈور کو ناکام کرکے چین اور پاکستان کا معاشی راستہ روکنا چاہتے ہیں ۔انہوں نے کہا کہ پاک فوج اقتصادی راہداری منصوبے کی حفاظت کیلئے جس طرح پرعزم ہے اس پر انہیں خراج تحسین پیش کرتے ہیں۔ انہوں نے کہا کہ پاک فوج اور پاکستانی قوم کا ہر ہر بچہ وطن کا دفاع کرنے کیلئے پاک فوج کے شانہ بشانہ کھڑا ہے۔
ڈیرہ اسماعیل خان کی خبریں 27/6/2016
مارگلہ کی پہاڑیوں پر کرش مشینوں کی بندش، آل پاکستان ڈیمپرز ایسوسی ایشن نے پہیہ جام ہڑتال کا اعلان
