جھنگ (ڈسٹرکٹ رپورٹر) وزیر اعلیٰ پنجاب محمد شہباز شریف کے خصوصی احکامات کی روشنی میں ضلعی انتظامیہ کی طرف سے ون ویلنگ کی روک تھام کو یقینی بنانے کیلئے ٹاسک فورس برائے روک تھام ون ویلنگ کا قیام عمل میںلایا گیا ہے جس میں ڈی ایس پی ٹریفک،سیکرٹری ریجنل ٹرانسپورٹ اتھارٹی ، ریسکیو1122، ڈسٹرکٹ انفارمیشن آفیسر اور ڈی ایس پی ہائی وے پٹرول پولیس شامل ہیں۔اس سلسلہ میں ٹاسک فورس کا اجلاس ڈسٹرکٹ پولیس آفیسرہمایوں مسعود سندھو کی ہدایت پر اسسٹنٹ سپرنٹنڈنٹ پولیس عمر عباس بابر کی صدارت میں منعقد ہوا جس میں موٹر سائیکل کی ون ویلنگ کے خطرناک فعل کے خلاف سخت ترین ایکشن لینے کے حوالہ سے مشاورت کی گئی۔ انہوںنے کہا کہ اس مہم کے دوران ضلعی و ٹریفک پولیس کی کڑی مانیٹرنگ اور پٹرولنگ کے دوران پکڑے جانے والے ون ویلرز کی فوری گرفتاری کے ساتھ انکے والدین /سرپرست کو بھی تھانے طلب کیا جائے۔انہوںنے ہدایت کی کہ ٹریفک پولیس شاہرات پر ون دیلنگ کے واقعات پر کڑی نظر رکھیں اور ون ویلرز کو پکڑنے میں سستی کا مظاہرہرگز نہ کریں۔ انہوںنے کمیٹی کے ممبران کی آپس میں کوآرڈی نیشن کو مزید موثر اور فعال بنانے اورون ویلنگ روکنے کیلئے موثر حکمت عملی تیار کرنے کے حوالہ سے بھی زور دیا۔بعد ازاں ڈی ایس پی ٹریفک اعجاز مسعود نے انسدادی کاروائی کی تفصیلات کے دوران آگاہ کیا کہ ٹریفک قوانین کی خلاف ورزی کرنے پردوران ماہ اب تک 2229 موٹر سائیکل کے چالان, 266 گاڑیاںبنداور6لاکھ92ہزار400روپے جرمانہ عائد کیا گیا جبکہ کم عمر ڈرائیوروں کے خلاف کاروائی کرتے ہوئے94موٹر سائیکل بغیر رجسٹریشن ، 103چالان اور30ہزار900روپے جرمانہ کیا گیا۔انہوںنے مزید بتایا کہ اس سپیشل مہم کے دوران ون ویلنگ کا کوئی کیس رپورٹ نہیں ہوا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈپٹی ڈائر یکڑ آپریشن پنجا ب ایمرجنسی سروس ریسکیو 1122کا جھنگ کے سیلاب زدہ علاقوں اور فلڈ ریلیف کیمپوںکا دورہ جھنگ(ڈسٹرکٹ رپورٹر) پنجا ب ایمرجنسی سروس ریسکیو1122کی جانب سے ضلعی حکومت کی طرف سے قائم کئے گئے تمام 18فلڈ ریلیف کمیپوں پر اپنے عملے کو مکمل میڈیکل کٹ کے ساتھ تعینات کیا گیا ہے اس کے علاوہ ریسکیو کا تمام سٹاف کشتیوں کے ساتھ سیلابی علاقے میں موجود ہے تفصیلات کے مطابق ڈسٹر کٹ ریسکیو آفیسر ڈاکٹر طارق سعید کی زیر نگرانی ریسیکو کاعملہ دریائے چناب میں آنے والے سیلاب کے باعث شہریوں کو محفوظ مقامات پر منتقل کررہاہے اس حوالے سے انتظامات کا جائزہ لینے کے لئے ڈائر یکٹر جنرل پنجاب ریسکیو 1122برگیڈیئر (ر) ڈاکٹر ارشد ضیاء کی ہدایات پر ڈپٹی ڈائر یکٹر آپریشن ایاز اسلم نے ڈپٹی ڈائر یکٹر آر اینڈ ایم چوہدری عرفان نصیر ،ایمرجنسی آفیسر سلطان محمود اور ضلعی ایمرجنسی آفیسر ڈاکٹر طارق سعید ، کے ہمرا ہ سیلابی پانی سے متا ثر ہونے والے تمام سیلابی علاقوں میںقائم فلڈ ریلیف کمیپوں کا معائنہ کیا ڈسٹر کٹ ایمر جنسی آفسیر ڈاکٹر طارق سعید نے انہیں بریفنگ دیتے ہوئے بتایا کہ ضلع جھنگ کی چاروں تحصیلو ں میں 176ریسکیورز کام کررہے ہیں جبکہ 30کشتیاں23 مختلف سیلابی علاقوں میں موجود ہیں اب تک 242افراد کو محفوظ مقامات پر منتقل کیا جاچکا ہے جبکہ ضلعی حکومت کی جانب سے قائم 18میڈ یکل کیمپو ں میں ریسکیو1122نے ابتک 13افراد کو طبی امداد فراہم کی ہے ڈپٹی ڈائر یکٹر آپریشن ایاز اسلم نے ریسکیو رز سے خطاب کرتے ہوئے جھنگ کے سیلابی علاقوں میں ریسکیو کی خدمات کو تسلی بخش قرار دیتے ہوئے کہا کہ عوام کے جان ومال کی ذمہ داری ہمارے فرائض اور ذمہ ہے اور ہمیں احسن انداز میں نبھانہ ہے لہذا اس حوالے سے کہیں بھی سستی اور کاہلی کا مظاہر ہ نہ کیا جائے کیونکہ اگر ہم نے ایک انسان کو بچا لیا تو گویا ساری انسانیت کو بچا لیا اسی جذبے کے تحت ہمیں دن رات سیلاب زدگان کی خد مت کے لئے کوشاں رہنا چاہئے انہیںبھر پور مدد فراہم کرنی چاہئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر )۔کوئٹہ دھماکے سی پیک منصوبے کو سبوتاژ کرنے کی سازش ہے۔ ان خیالات کااظہار حاجی ارشاد حسین منڈ ضلعی صدرجماعت اسلامی ضلع جھنگ نے ایک پریس بریفنگ میں کیا۔ انہوں نے کہا کہ کوئٹہ دھماکوں میں بھارتی ایجنسی را ملوث ہے۔ بھات چائنہ اقتصادی راہداری منصوبے کو سبوتاژکرنے کی ناکام کوششیں کررہا ہے۔ اس موقع پر انہوں نے کوئٹہ دھماکے میں جاں بحق افراد کے لواحقین سے دلی ہمدردی کا اظہار کیا۔ انہوں نے مزید کہ افغانستان میں بھارت کی اثرورسوخ کا حوالہ دیتے ہوئے کہا کہ افغانستان کے ساتھ پاکستان کے برادرانہ تعلقات صدیوں پر محیط ہیں اور افغان بارڈر چونکہ سوفٹ بارڈر ہے اس لئے اس ذریعے سے انڈین ایجنسیاں اپنے ایجنٹ داخل کرکے اپنے مذموم مقاصد کی تکمیل چاہتی ہیں۔ اس موقع پر بہادر خان جھگڑ امیر جماعت اسلامی جھنگ نے کہا کہ قوم یکجہتی کا مظاہرہ کرتے ہوئے اپنے گروہی، مسلکی اور علاقائی مفادات کو بالائے طاق رکھ کر ملکی سلامتی اور ترقی کیلئے اپنا اپنا کردار ادا کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (تحصیل رپورٹر) پاکستان مسلم لیگ (ن) سٹی کے عہدراران کی جانب سے شہداء کوئٹہ کیلئے خصوصی دُعائے مغفرت کا اہتمام کیا گیا ۔دُعا کا اہتمام نائب صدر محمد سرور جاوید کی رہائش گاہ پرانا چنیوٹ روڈ پر کیا گیا ۔جس میں مقامی لوگوں کے علاوہ صحافیوں اور سول سوسائٹی کے ممبران کے علاوہ صدر سٹی مسلم لیگ (ن) ڈاکٹر نعیم الدین سندھو ،نائب صدر جعفر غفار قریشی اور محمد سرور جاوید کے علاوہ دیگر عہدداران نے بھی شرکت کی ۔اسی دوران سٹی صدر ڈاکٹر نعیم الدین نے کہا کہ پاکستان مسلم لیگ (ن) کی حکومت نے دہشت گردی کے خلاف جو آپریشن ضرب عضب پاک فوج کے ساتھ مل کر شروع کیا ہے وہ اپنے منطقی انجام کو پہنچے گا اور دہشت گردی کی لعنت کو ختم کر کے دم لیں گے ۔اس موقع پر وارڈ نمبر 11 کیلئے پرویز احمد پاشمی جوکہ مقامی سماجی و صحافی شخصیت ہیں کا وارڈ نمبر 11 کا صدر کا اعلان بھی کیا گیا اور وارڈ نمبر 11 کے صدر پرویز احمد ہاشمی نے بتایا کہ پاکستان مسلم لیگ (ن) جمہوریت کے اثرات عوام تک پہنچانے کیلئے اقتدار کو نچلی سطح تک منتقل کرنے پر یقین رکھتی ہے اور بلدیاتی اداروں کی مضبو طی کیلئے وارڈ کی سطح تک جماعت کی تنظیم سازی کی جارہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (تحصیل رپورٹر) مقامی ہوٹل میں حقوق نسواں کے موضع پر ایک میٹنگ کا انعقاد ہوا۔میٹنگ میں مقامی لوگوں کے علاوہ صحافیوں، وکلاء اور سول سو سائٹی کے ممبران کے علاوہ مس جارج سابق ایم این اے نواب امان اللہ خان سیال نے بھی شرکت کی ۔ میٹنگ میں مختلف یونین کونسل کے رہائشی لوگوں نے اپنے اپنے علاقوں کے در پیش مسائل پر بحث کیعورتوں کے حقوق کے لئے کام کرنے والی تنظیم اعزاز نسواں کی کوآرڈینیٹرمس جاعج نے شرکاء کا خصوصی شکریہ ادا کیا ۔ انہوں نے بتایا کہ اس میٹنگ کا انعقاد اعزاز نسواں اور آزاد تنظیموں کے زیر انتظام کروایا گیا ہے ۔انہوں نے شرکاء سے خطاب کرتے ہوئے کہا کہ انہیں شرکاء کے خیالات سن کر بہت خوشی ہوئی ہے۔ جن کے مطابق ان کے علاقہ میں مذہبی تفرقہ پرستی نہیں ہے اس کے علاوہ میٹنگ کے شرکاء نے عورتوں پر ہونے ولے تشدد اور ظلم و ستم کو روکنے کے لیئے اس پر تفصیل سے بحث کی۔ اور اس کے سدباب کے لیئے اپنے اپنے خیالات کا اظہار کیا انہوں نے کہا کہ عورت ایک وقت میں ماں،بیٹی، بہن اور بیوی کی ذمہ داریاں نبھا رہی ہوتی ہے۔اور عورت کے یہ تمام رشتے مقدس ہیں انہوں نے کہا کہ جس معاشرے میں عورتوں کو شخصی آزادی اور بنیادی حقوق نہیں ملتے وہ معاشرے کبھی ترقی نہیں کر سکتے ۔ میٹنگ میں مقامی صحافیوں طاہر انجم،آصف منور،پطرس ندیم،پرویز احمد ہاشمیکے علاوہ بہت سی نامور شخصیات نے شرکت کی۔ میٹنگ کا انتظامات کی ذمہ داری اعزاز نسواں کے مقامی کوآرڈینیٹر عمران خالق نے نبھائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (تحصیل رپورٹر) سانحہ کوئٹہ کی شدید مذمت کرتے ہیں۔ ملک دشمنوں کے عزائم کو خاک میں ملانے کیلئے قوم کو اتحاد کا مظاہرہ کرنا ہوگا۔ ان خیالات کا اظہار PMAجھنگ کے صدر ڈاکٹر ممتاز احمد بلوچ نے میڈیا سے بات کرتے ہوئے کیا۔انہوں نے کہا کہ اس طرح کی دہشت گردانہ کاروائیوں سے قوم کے حوصلے پست نہیں کئے جاسکتے۔ انہوں نے کہا کہ وہ وقت دور نہیں جب بہادر پاکستانی افواج ارض پاکستان سے دہشت گردی کی لعنت کا ہمیشہ ہمیشہ کیلئے خاتمہ کردے گی۔انہوں نے کہا کہ وطن عزیز کی سالمیت اور استحکام کیلئے قوم کواتحاد اور اتفاق کا مظاہرہ کرنا ہوگا۔انہوں نے کہا کہ قوم اپنے گروہی ، علاقائی اور مسلکی مفادات کو بالائے طاق رکھتے ہوئے ملکی سلامتی اور ترقی کیلئے اپنا اپنا کردار ادا کرے۔ اس موقع پر ڈی ایچ کیو ہسپتال میں شہیدہونے والوں کیلئے فاتحہ خوانی کی گئی۔ اس موقع پر ڈاکٹرجہانگیر بلوچ، ڈاکٹرالیاس چوہدری، ڈاکٹرعارف ڈینٹل سرجن، ڈاکٹر آصف رضا جنرل سیکرٹری PMA، ڈاکٹر بشریٰ، ڈاکٹرعالیہ، ڈاکٹراحسن سلیانہ،ڈاکٹرلقمان،ڈاکٹر رائے خضر بھٹی ، بھی موجود تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ ( تحصیل رپورٹر ) ڈسٹرکٹ ہیڈ کوارٹر ہسپتال جھنگ کے ڈاکٹر لقمان کی طرف سے درج کرایا گیا جھوٹا مقدمہ فلفور خارج کیا جائے مقدمہ کی تفتیش کسی دیانتدار آفیسر سے کروائی جائے بغیر تحقیقات کے ہمارے اہلکار کو گرفتار نہ کیا جائے ان خیالات کا اظہار رانا محمد بوٹا ضلعی صدر ایپکا جھنگ کی طرف سے جاری پریس ریلیز میں کہا انہوں نے کہا کہ DHQہسپتال جھنگ کے ڈاکٹر لقمان کی طرف سے ایپکا کے ضلعی ایڈیشنل جنرل سیکرٹری مہر مراتب علی مگھیانہ کے خلاف مقدمہ نمبر 601/16تھانہ کوتوالی جھنگ درج کیا گیا مقدمہ بے بنیاد اور جھوٹا ہے انہوں نے ہمراہ وفد ڈی پی او جھنگ سے ملاقات کر کے کسی دیانتدار آفیسر سے تفتیش کرانے کا مطالبہ کیا اور بغیر تحقیقات کے کسی کو گرفتار نہ کیا جائے جس پر ڈی پی او جھنگ نے ڈی ایس پی سٹی اور ایس ایچ او کوتوالی سے بابت مقدمہ کی رپورٹ طلب کر لی ہے بعد ازاں رانا محمد بوٹا وفد کے ہمراہ ڈی او سی ہارون رشید سے ملاقات کر کے مقدمہ ہذا سے آگاہ کیا اور مطالبہ کیاکہ اگر ہمیں انصاف نہ ملا تو ایپکا جھنگ احتجاجی تحریک چلانے پر مجبور ہوگی
تیز رفتار موٹر سائیکل سوار میاں بیوی سٹرک پر کھڑے ٹرک سے ٹکرا گئے
وزیر اعلی سندھ جشن آزادی کپ فٹ بال ٹورنامنٹ
