جہلم (ڈاکٹر مظہر مشر) ڈی سی او جہلم اقبال حسین خان کی ہدایت پراسسٹنٹ کمشنر جہلم کنول بتول نے لاری اڈہ کا اچانک دورہ کیا، گاڑیوں کے کرائے چیک کئے اور مسافروں سے بس عملہ کے رویہ اور کرایہ کے بارے میں دریافت کیا۔ انہوںنے کرایہ نامہ بھی چیک کیا اور ٹرانسپورٹرز کو ہدات کی سرکاری کرایہ نامہ کے مطابق ہی کرائے وصول کئے جائیں اور زائد کرائے وصول کرنے والے ٹرانسپورٹرز کو جرمانے کئے جائیں گے،اسسٹنٹ کمشنر کنول بتول نے اراضی مرکز سنٹر جہلم کا بھی دورہ کیا اور سائلین سے سہولیات کے بارے میں دریافت کیا ۔ انہوںنے اراضی مرکز کے عملہ کو ہدایت کی تمام سائلین کو سہولیات کی فراہمی میں کوئی کمی نہ آئے ۔ انہوںنے کہاکہ اراضی مراکز کا قیام پنجاب حکومت کا انقلابی اقدام ہے جس سے عوام کے مسائل حل ہیں اور فرد کے حصول، زمین کے انتقال اور خرید و فروحت کا عمل انہتائی آسان اور کرپشن سے پاک ہو گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم( ڈاکٹر مظہر مشر) امیر جماعة الدعوة پاکستان حافظ محمد سعید کے جہلم جامع مسجد اقصیٰ میں شرکت کرنے اور اس پروگرام سے مستفید ہونے والے تمام احباب کے مشکور ہیں ،ان خیالات کا اظہار ضلعی مسئول عبدالغفار منصور نے اپنے بیان میں کیا،انہوں نے کہا کہ کچھ لوگ جماعةا لدعوة کے پنچائتی نظام کے خلاف بلا سوچے سمجھے منفی پراپیگنڈہ کر رہے ہیں، یہ نظام انگریز دور سے قائم ہے ، ہم تو پاکستان کے تمام عدالتی نظام کوبھی تسلیم کرتے ہیں ،صرف وہ لوگ جو اپنے کسی شرعی مسائل جن میں طلاق و دیگر گھریلو جھگڑوں کے لئے تحریری رابطوں کے بعدہی حل بتاتے ہیں، ایسا تمام جگہوں پر ہوتا ہے ،ہم نے خودسے کوئی ایسا نظام نہیں ترتیب دیا ،انہوں نے کہا کہ جماعةالدعوة محب وطن جماعت اور ہر مشکل دور میں وطن عزیز کے شانہ بشانہ کام کررہی ہے، آئند ہ بھی انشاء اللہ کرتے رہیں گے ،اسوقت شانگلہ میں پھر سے اللہ تعالیٰ نے آزمائش میں ڈالا لیکن اللہ کے فضل سے ہمیشہ کی طرح جماعة الدعوة سب سے پہلے ان مصیبت زدہ بھائیوں کی امداد کیلئے پہنچی اور کام جاری کیا ،جس میں خیمے ،کھانے کے برتن ،خشک راشن،میڈیکل سٹاف اور ادویات وغیرہ شامل ہیں ، پورے پاکستان سے FIFکے نمائندے اور امدادوہاں پہنچی ہے، انشاء اللہ یہ کام متاثرین کی بحالی تک جاری رہے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم( ڈاکٹر مظہر مشر) پاکستان ٹیلی ویژن میں میری تعیناتی پر آپکی طرف سے جن نیک خواہشات کا اظہار کیا وہ میرے لئے باعث مسرت ہے ، اس قومی ادارے کی ترقی و خوشحالی کے لئے آپ کی تجاویز و آراء کا خیر مقدم کیا جائے گا، ان خیالات کا اظہار عطاء الحق قاسمی چیئرمین پاکستان ٹیلی ویژن کارپوریشن ہیڈ کوارٹرز اسلام آباد نے جہلم کے مشہور شاعر و ادیب منیر جہلمی کے نام ایک تحریری بیان میں کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم( ڈاکٹر مظہر مشر) ادب کی خدمت میں گرنقدر اضافہ کرنے پر ڈاکٹر انور سدید کو ہمیشہ یاد رکھا جائے گا ،ان خیالات کا اظہار مشہور شاعر و ادیب منیر جہلمی نے ایک بیان میں ڈاکٹر انور سدید کو زبردست خراج تحسین پیش کرتے ہوئے ارباب اختیار سے ان کو ہمیشہ زندہ و جاوید بنانے کے لئے ڈاک ٹکٹ جاری کرنے کا مطالبہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم ( ڈاکٹر مظہر مشر) جنرل سیکرٹری مرکزی انجمن تاجران شیخ ذوالفقار علی کاشف کی ہمشیرہ کی وفات پر صدر پریس کلب جہلم (رجسٹرڈ) ڈاکٹر مظہر مشر، جنرل سیکرٹری راجہ سہیل کیانی ، چیئر مین مجلس عاملہ ڈاکٹر تصور حسین مرز ا اور انچارج سب آفس پوران انعام الحق مرزا نے ان کی رہائش گاہ پر اظہار تعذیت کے موقع پرانتہائی دکھ اور غم کا اظہار کرتے ہوئے دعا کی کہ اللہ تعالیٰ مرحومہ کو اپنی جواررحمت میں جگہ عطا فرمائے اور شیخ ذولفی اور ان کے دیگر اہل خانہ کو صبر جمیل بخشے(آمین)۔ اس موقع پر سینئر صحافی شہزاد بٹ ، ڈاکٹر سہیل امتیاز خان ، بابر حسین راجپوت ،جہانگیر ڈار اور ملک انجم یوسف بھی موجود تھے۔
ضلع زیارت کو آفت زدہ قرار دیکر عشر وصولی کو ختم کیا جائے۔ اہلیان زیارت
پولیس تھانہ واہ کینٹ سٹی نے اندھے قتل کا سراغ لگا لیا
