جہلم (ڈاکٹر مظہر مشر) ڈی سی او جہلم اقبال حسین خان نے کہا ہے کہ وزیر اعلیٰ پنجاب محمد شہباز شریف کے ویژن کے مطابق تعلیم، صحت، اور سیکیورٹی سمیت تمام پالیسیوں کی ضلع جہلم میں نفاذ کیلئے پوری دیانتداری اور محنت سے کام کریں گے۔ انہوںنے کہاکہ بچوں سے جبری مشقت کا خاتمہ اور بھٹوں پر ظالمانہ شرائط پر مزدوری پر مجبور کرنے والے بھٹہ مالکا ن کے خلاف سخت قانونی کاروائی کریں گے ، مزدوری کرنے و الے بچوں کو حکومتی پالیسی کے مطابق سکولوں میں واپس لے کر آئیں گے ۔ان خیالات کا اظہار ڈی سی او جہلم اقبال حسین خان نے میڈیا کے نمائندوں سے گفتگو کرتے ہوئے کیا۔ اس موقع پر اے ڈی سی عمران رضا عباسی بھی موجود تھے۔ ڈی سی او جہلم اقبال حسین خان نے کہا کہ تعلیمی اداروں کی خفاظت بھی ترجیحات میں شامل ہے اور تعلیمی اداروں کے روزانہ کی بنیاد پر دورے کئے جا رہے ہیں تاکہ سیکیورٹی انتظامات کا جائزہ لے سکیں۔ انہوںنے کہاکہ پاکستان میں بد قستمی سے20 سے 25 ملین بچے سکول نہیں جاتے جوکہ ایک قومی المیہ ہے اور تمام شعبہ سے تعلق رکھنے والے افراد کی ذمہ داری ہے کہ وہ بچوں کی تعلیم کو یقینی بنانے کیلئے اپنا بھر پور کردار ادا کریں۔ ڈی سی او اقبال حسین خان نے کہاکہ ہسپتالوں کی سیکیورٹی کیلئے بھی اقدامات کریں گے اور ڈاکٹروں کی خالی نشستوں پر بھرتیوں کیلئے تمام کوششیں کریں گے کیونکہ صحت کا شعبہ بھی حکومت پنجاب کی ترجیحات میں شامل ہے ۔ انہوںنے کہا کہ ہسپتالوں کے معیار میں بھی بہتری لائی جائیگی اور حکومت پنجاب کی ہدایات کے مطابق مریضوں کو ادویات اور طبی سہولتوں کی فراہمی کیلئے بھی ہر ممکن اقدامات کریں گے۔ ڈی سی او اقبال حسین خان نے کہاکہ مسائل حل کرنے کیلئے میڈیا کا تعاون ناگزیر ہے اور میڈیا کے نمائندوں کی طرف سے اجاگر کئے گے مسائل پر فوری کاروائی عمل میں لائیں گے اور میڈیا کے نمائندوں سے اپیل ہے کہ تمام خبریں تصدیق کے بعد شائع کریں۔ انہو ں نے کہاکہ دہشت گردی کے خاتمہ کیلئے تمام محکموں کو مل کر کام کرنا ہوگا اور دہشت گردی کے خاتمہ کیلئے عوام کا کردا ر بھی کلیدی ہے اور عوام مشکوک افراد اور حرکات پر کڑی نظر رکھیں۔ڈی سی او اقبال حسین خان نے صحافیوں کے سوالوں کے جواب دئیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم(مرزا فیاض اشرف) پریس کلب جہلم (رجسٹرڈ) کی طرف سے غیر آئینی طریقے سے الیکشن کرانے پر عدالت نے نوٹس لے لیا ، متعدد خودساختہ عہدیداران کو نوٹس ، اگلی پیشی 8مارچ پر سب کی طلبی ۔ تفصیلات کے مطابق صدر پریس کلب جہلم (رجسٹرڈ) ڈاکٹر مظہر اقبال مشر ، سینئر نائب صدر سید افتخار کاظمی ،نائب صدر ندیم ساجد مغل اورجنرل سیکرٹری راجہ سہیل کیانی نے لیگل ایڈوائز چوہدری زاہد محمود ایڈووکیٹ اور مس شبانہ اعظم ایڈووکیٹ کی طرف سے ظفر ڈار ، جائنٹ سٹاک رجسٹرار اور دیگر افراد کے خلاف پریس کلب جہلم کا نام استعمال کرنے ، غیر آئینی طریقے سے الیکشن کرانے اور غیر آئینی عہدیداران بننے کے خلاف عدالت عالیہ میں کیس دائر کر دیا ہے ، معزز جج نے تمام فریقین کو نوٹس جاری کر دیئے ہیں ، 15فروری کی تاریخ میں جائنٹ سٹاک رجسٹرار نوٹس ملنے کے باوجود عدالت میں نہ آئے، جبکہ دیگر افراد کے خلاف دوبارہ نوٹس جاری کر دیئے گئے ہیں ، جنرل سیکرٹری راجہ سہیل کیانی نے بتایا کہ پریس کلب جہلم کے غیر آئینی طریقے سے بننے والے ان تمام عہدیداران کو بھی عدالت میں آنا پڑے گا جنہوں نے آئین کو بائی پاس کیا اور غیر آئینی طریقے سے الیکشن کرائے اور خودساختہ عہدیدار منتخب ہوئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ جہلم(مرزا فیاض اشرف) صدر پریس کلب جہلم (رجسٹرڈ) ڈاکٹر مظہر اقبال مشر نے ماہانہ جنرل اجلاس طلب کر لیا ۔ تیسرے سالانہ”لائف ٹائم اچیوومنٹ ایوارڈ” تقریب کا لائحہ عمل، تفصیلات کے مطابق صدر پریس کلب جہلم (رجسٹرڈ) ڈاکٹر مظہر اقبال مشر نے ماہانہ اجلاس بروز جمعتہ المبارک بعد از نماز جمعہ سہہ پہر تین بجے طلب کر لیا ہے ، اجلاس میں نئی ممبر شپ حاصل کرنے والوں کی ممبر شپ کنفرم کرنے ، تیسر ے سالانہ ”لائف ٹائم اچیومنٹ ایوارڈ ” تقریب کے انعقاد اور کئی دیگر اہم امور زیر بحث لائے جائیں گے ، انفارمیشن سیکرٹری مرزا فیاض اشرف نے اس سلسلہ میں تمام ممبران کومطلع کر دیا گیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم(ڈاکٹر مظہر مشر) شاہد بشیر نے ڈسٹرکٹ آفیسر شہری دفاع جہلم کے عہدہ کا چارج سنبھال لیا ہے۔ محکمہ داخلہ پنجاب، شہری دفاع نے شاہد بشیر کی تعیناتی کے احکامات جاری کئے تھے جنھوں نے اپنے عہدہ کا چارج سنبھال کر ڈی سی او جہلم اقبال حسین خان کو رپورٹ پیش کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم(ڈاکٹر مظہر مشر) ضلعی صدر پیپلزلیبر ونگ جہلم مرزا ستار بیگ نے چوہدری یاسین شوکت ایڈووکیٹ کی وفات پر گہرے دکھ اور غم کا اظہار کرتے ہوئے دعا کی کہ خدا وند کریم انہیں اپنی جواررحمت میں جگہ عطا فرمائے اور ان کے لواحقین کو صبر جمیل بخشے(آمین) ۔ انہوں نے کہا کہ مرحوم کی پیپلز پارٹی کیلئے خدمات گراں قدر تھیں ، ان کی وفات سے پیپلز پارٹی ایک مخلص اور وفادار ساتھی سے محروم ہوگئی ہے، ان کی کمی کبھی پر نہ سکے گی۔
کویت میں میڈان پاکستان نمائش کا انعقاد کرنے پر ان کو دل کی اتھاہ گہرائیوں سے مبارکباد, چوہدری غضنفر جمشید
پتنگ بازی خونی کھیل اور قابل سزا جرم ہے، خلاف ورزی پر کاروائی کی جائیگی۔ سلمان غنی
