جہلم (ڈاکٹر مظہر مشر) لوکل پیپر پبلشرز ایسوسی ایشن جہلم کے انتخابات مکمل، سید مستفیض شاہ بخاری صدر جبکہ جہانگیر ڈار جنرل سیکرٹری منتخب۔تفصیلات کے مطابق گزشتہ روز میجر اکرم شہید پارک(لائبریری) جہلم میں لوکل پیپر پبلشرز ایسوسی ایشن جہلم کا اجلاس زیر صدارت سینئر صحافی محمد ناصر بٹ منعقد ہوا ، اجلاس کا آغاز محمد ناصر بٹ نے تلاوت کلام پاک سے کیا، بعدازاں ڈاکٹر مظہر مشر نے ممبران اجلاس کو بتایا کہ آج کا اجلاس انتخابی اجلاس ہے ، جس میں اتفاق رائے سے نئی باڈی کا انتخاب عمل میں لایا جائے گا، نئی منتخب کابینہ میں بزرگ سینئر صحافی مظفر اقبال انصاری کو تاحیات سرپرست اعلیٰ منتخب کیا گیا ، جبکہ باقی عہدیداران میں سید مستفیض اقبال بخاری بطور صدر ، میاں محمد ساجد سینئر نائب صدر، مرزا طاہر محمود نائب صدر ، جہانگیر ڈار جنرل سیکرٹری ، ندیم ساجد مغل فنانس سیکرٹری اور محمد اشرف جنجوعہ سیکرٹری نشرواشاعت منتخب ہوگئے ، انتخابی اجلاس میں محمد ناصر بٹ ، راجہ وقار تنظیم ، ڈاکٹر مظہر اقبال مشر ، ڈاکٹر محمد فاضل اورامجد ضیاء شامل تھے تمام ممبران نے منتخب عہدیداران کو مبارکباد دی، اجلاس میں متفقہ طور پر فیصلہ کیا گیاکہ موجودہ کابینہ مقامی اخبارات کے مسائل کے حل کے حوالے سے لائحہ عمل طے کرے اس موقع پر سابق منیجر بٹ نیوز ایجنسی محمدافضل بٹ کی وفات پر اظہار افسوس کیا گیا اور ان کی روح کے ایصال ثواب کیلئے فاتحہ خوانی بھی کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم( ڈاکٹر مظہر مشر) انسپکٹر اصغر علی چانڈیوکی نگرانی میں سی آئی اے کا کامیاب چھاپہ، نیو کرسچئن کالونی سے شراب سمیت ملزم گرفتار۔تفصیلات کے مطابق ایس ایچ او تھانہ صدر انسپکٹر اصغر علی چانڈیو جن کے پاس تھانہ سی آئی اے کا اضافی چارج بھی ہے ، علاقے میں منشیات فروشی اور جوئے کے اڈوں کے خاتمے کیلئے ریڈ کرکے کئی ایک کو گرفتار کر کے انہیں جیل کی سلاخوں کے پیچھے بھیج چکے ہیں ،گزشتہ روز بھی انہیں اطلاع ملی کہ یوسف مسیح ولد جان مسیح ساکن نیو کرسچئن کالونی شراب کا ناجائز دھندہ کررہا ہے تو انہوں نے ہمراہ اے ایس آئی مرزامحمد طفیل و دیگر نفری کے چھاپہ مارا ، جس کے نتیجے میں یوسف مسیح کو رنگے ہاتھوں گرفتار کرکے اس کے قبضہ سے 14عدد شراب کی بوتلیں برآمد کر لیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم( ڈاکٹر مظہر مشر) سابق امیدوار برائے جنرل کونسلریونین کونسل مونن جمشید اقبال آف قیصر آباد نے ایس ایچ او تھانہ صدر اصغر علی چانڈیو کی طرف سے جوئے کے اڈوں اور منشیات فروشوں کے خلاف کریک ڈائون پر انتہائی خوشی کا اظہار کرتے ہوئے علاقہ بھر کیلئے نیگ شگون قرار دیا ہے ، انہوں نے کہا کہ ہم اہلیان علاقہ ڈی پی او جہلم مجاہد اکبر خان کے انتہائی مشکور ہیں کہ انہوں نے ایک دلیر اورفرض شناس آفیسر انسپکٹر اصغر علی چانڈیو کو تعینات کرکے علاقہ بھر سے جوئے اور منشیات فروشی کے اڈے ختم کرنے کیلئے عملی اقدامات کئے ہیں ، انہوں نے کہا کہ اس سے قبل منشیات فروشوں نے نوجوان نسل کو تباہ و برباد کرکے رکھ دیا تھا ، چھوٹے چھوٹے نوجوان جن کی عمریں تعلیم حاصل کرنے کی ہیں انہیں منشیات فروشی پر لگا دیا گیاتھا ، جس سے والدین سخت ذہنی کوفت کا شکار ہو چکے تھے ، جمشید اقبال نے ایس ایچ او انسپکٹر اصغر علی چانڈیو کا تہہ دل سے شکریہ ادا کیااور کہا کہ انہوں نے کامیاب کاروائیاں کرکے علاقے سے منشیات فروشوں کو بھاگنے پر مجبور کر دیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم( مرزا فیاض اشرف) جہلم ہومیو پیتھک میڈیکل کالج جہلم میں تعزیتی اجلاس، صدر کونسل محمود الحق عباسی کے پھوپھا جان ، ڈاکٹر پرویز اختر قریشی کی والدہ اور ڈاکٹر مظہر مشر کے سسر کی وفات پر اظہار افسوس۔تفصیلات کے مطابق گزشتہ روز جہلم ہومیو پیتھک میڈیکل کالج جہلم میں ایک تعزیتی اجلاس زرصدارت پرنسپل ہومیوڈاکٹر ذوالفقار علی چوہدری منعقد ہوا ، اجلاس میں وائس پرنسپل ہومیوڈاکٹر مرزاصفدر برلاس ، ہومیوڈاکٹر شبیر حسین ، ہومیوڈاکٹر منور ، ہومیو ڈاکٹر افتخار شاہ ، ہومیو ڈاکٹر افضل جاوید ،ہومیو ڈاکٹر رضوانہ گل کے علاوہ اکائونٹنٹ غضنفر اور غلام رسول نے شرکت کی ، اجلاس میں صدر نیشنل کونسل فار ہومیو پیتھی اسلام آبادہومیو ڈاکٹر محمود الحق عباسی کے پھوپھا جان ، سابق صدر نیشنل ہومیو پیتھک کونسل ہومیوڈاکٹر پرویز اختر قریشی کی والدہ ماجدہ اورہومیو ڈاکٹر مظہر اقبال مشر کے سسر کی وفات پر گہرے دکھ اور غم کا اظہار کیا گیا ، اس موقع پر مرحومین کی روح کے ایصال ثواب کیلئے فاتحہ خوانی بھی کی اور دعا کی گئی کہ خدا وندکریم مرحومین کو اپنی جواررحمت میں جگہ عطا فرمائے اور لواحقین کو صبر جمیل بخشے(آمین)۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم(ڈاکٹر مظہر مشر) ضلعی انتظامیہ جہلم کے زیر اہتمام بین الاقوامی شہرت یافتہ کھیوڑہ نمک کی کان میں جہلم کی تاریخ کا سب سے بڑا بین الااقوامی فیملی فیسٹول 30 اور31 جنوری 2016کو کھیوڑہ کان میں منعقد ہو گا جس کا مقصد معدنی نمک کی تجارت اور سیاحت کے فروغ کے علاوہ کھیوڑہ کے عوام اور کان کنوں اور مزدوروں کے مسائل کوترجیحی بنیادوں پر حل کرنا ہے۔ پہلے بین الااقوامی معدنی نمک کی تجارت اور سیاحت کی فروغ کے فیسٹول میں اعلی حکومتی عہدیداروںاور سرکاری حکام کے سفارتکار بھی کثیر تعداد میں شریک ہونگے اور فیسٹیول کے دوران کھیوڑہ کان میں داخلہ کی ٹکٹ میں پچاس فیصد کمی کا اعلان کیا گیاہے۔ ان خیالا ت کا اظہار ڈی سی او جہلم ذوالفقاراحمد گھمن نے پی ایم ڈی سی ریسٹ ہائوس کھیوڑہ میں منعقدہ ایک اجلاس کی صدارت کرتے ہوئے کیا۔اجلاس میں پارلیمانی سیکرٹری برائے قانون اور پارلیمانی امور چوہدر ی نذر حسین گوندل ، اے ڈی سی عمران رضا عباسی، اسسٹنٹ کمشنر پنڈدانخان چوہدری محمد اشرف ، ڈی آئی جی موٹر وے مرزا فرحان بیگ اور تمام ضلعی افسران بھی شریک ہوئے۔ڈی سی او ذوالفقاراحمد گھمن نے کہاکہ فیسٹول میں کھانے پینے کے سٹالز کے علاوہ ہنڈی کرافٹس اورمعدنی نمک سے بنی اشیاء کے بھی سٹالز لگائے جائیں گے ۔ انہوںنے کہاکہ فیسٹول میں کلچر شو، گھوڑا ڈانس اور میوزیکل پروگرام کا بھی انعقاد کیا جائیگا تاکہ فیسٹول میں آنے والے تمام عمر کے افرادنمک کی کان میں منعقدہ فیسٹول سے لطف اندوز ہو سکیں۔انہوںنے کہاکہ فیسٹول کے موقع پر اعلی حکومتی عہدیداروں کے علاوہ اعلی سرکاری اہلکار بھی شریک ہو نگے جس سے علاقہ کے مسائل کو اجاگر کرنے اور ان کے حل ڈھونڈنے میں مدد ملے گی ۔ انہوںنے کہاکہ یہ ایک تاریخی اور یادگار میلہ ہوگا اور مقامی آبادی کیلئے بزنس کو بڑھانے کا اہم موقع ہے اور مقامی ہنر مندوں کی نمک سے بنائی گئی اشیاء کے فروغ میں بھی اہم کردار اد کریگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم(ڈاکٹر مظہر مشر) ڈی سی او جہلم ذوالفقاراحمد گھمن نے پنڈ دانخان میں علامہ اقبال میونسپل پارک کا کارپوریٹ سیکٹر کے تعاون سے کی گئی تزین و آرائش کے بعد افتتاح کیا ۔اس موقع پر رکن صوبائی اسمبلی و پارلیمانی سیکرٹری برائے قانون و امور پارلیمان چوہدی نذر حسین گوندل اور اسسٹنٹ کمشنر پنڈ دانخا ن چوہدری محمد اشرف گجر اور مقامی معززین شہر کی کثیر تعداد میں موجو د تھی۔ڈی سی او ذوالفقاراحمد گھمن نے افتتاح کے بعد پارک کا دورہ کیا اور پارک کے اندر صفائی کو سراہا۔ انہوںنے کہاکہ پارک صحت مند معاشرے کی علامت ہیں اور ہم سب کی مشترکہ ذمہ داری ہے کہ ہم اچھی معاشرتی اقدار کو سامنے رکھتے ہوئے پارک کو صاف ستھرا رکھیں ۔ انہوںنے کہاکہ پارک انتظامیہ کا اعلان خوش آئند ہے پارک کے اندر کوئی تقریب منعقد نہیں ہو گی اور پارک صرف سیر و تفریح کیلئے مختص رہے گا۔انہوںنے کہاکہ کارپوریٹ سیکٹر کی ذمہ داری ہے کہ ماحو ل کو صاف ستھرا رکھنے میں اپنا کردار ادا کرے۔
بھمبر کی خبریں 10/1/2016
ایران سعودیہ تنازعہ میں پاکستان کو غیر جانبدار رہنا چاہئے۔ ایم آر پی
