کوئٹہ (جیوڈیسک) کوئٹہ مسلم لیگ ن کے جان محمد جمالی بلا مقابلہ اسپیکر بلوچستان اسمبلی جبکہ مسلم لیگ ق کے عبدالقدوس بزنجو بلامقابلہ ڈپٹی اسپیکر منتخب ہوگئے، دونوں اپنے اپنے عہدوں کا حلف آج اٹھائیں گے۔ سیکرٹری بلوچستان اسمبلی کے مطابق مسلم لیگ ن کے چار امیدوارسردار صالح بھوتانی،جان جمالی،میر عاصم کر د گیلو،در محمد ناصر نے اسپیکر کے لیے کاغذات نامزدگی جمع کرائے تھے۔
جبکہ ن لیگ کی ثمینہ خان،مسلم لیگ ق کے عبدالقدوس بزنجو اور پشتونخوا میپ کے سردار رضا محمد نے ڈپٹی اسپیکر کے عہدے کیلئے اپنے کاغذات جمع کرائے تھے،رات 9 بجے تک کاغذات واپس لیے جاسکتے تھے۔ دیگر امید واروں کے کاغذات نامزدگی واپس لیے جانے کے بعد جان محمد جمالی بلا مقابلہ اسپیکر اور عبدالقدوس بزنجو بلامقابلہ ڈپٹی اسپیکر منتخب ہوگئے ہیں۔ دونوں اپنے اپنے عہدوں کا حلف آج اٹھائیں گے۔
لوڈ شیڈنگ کا مسئلہ حل نہ ہوا تو ٹیکٹائیل انڈسٹری بندہو جائے گی
فرید خان کی نماز جنازہ صبح ادا کی جائیگی ، تعلیمی ادارے بند رہینگے
