صحافیوں پر تشدد سیاست دانوں کی بے حسی اور پولیس کی بربریت کا ثبوت ہے
مصطفی آباد/للیانی(نامہ نگار) صحافیوں پر تشدد سیاست دانوں کی بے حسی اور پولیس کی بربریت کا ثبوت ہے اس کی جتنی مزمت کی جائے کم ہے ۔ آزادی اور انقلاب کے قائدین اور حکمران مارچ کی کوریج کرنے والے صحافیوں کا تحفظ یقینی بنائیں ورنہ صحافی اپنے حقوق کے لئے ان تمام کے خلاف سڑکوں پر ہوں گے ان خیالات کا اظہار ضلعی صدر ڈسٹرکٹ یونین آف جرنلسٹس قصور شریف سوہڈل نے اسلام آباد میں جیو کے کیمرہ مینوں پر مارچ کے شرکہ کی جانب سے اور دنیا نیوز و دیگر چینلز کی صحافی ٹیموں پر پولیس کی جانب سے تشدد پر متشدد عناصر کے خلاف صحافیوں کے آئند ہ کے لائحہ عمل کی تیاری کے سلسلہ میں ضلع بھر کے صحافیوں کے مشترکہ اجلاس سے خطاب کرتے ہوئے کیا، اجلاس میں صدر پریس کلب للیانی محمد عمران سلفی، الہ آباد، کوٹ رادھاکشن، پتوکی ،راجہ جنگ، گنڈا سنگھ والا، کھڈیاں، سرائے مغل، چونیاں، تلونڈی، پھول نگر ودیگر پریس کلبوں سے صحافیوں کی بڑی تعداد نے شرکت کی اور پولیس اور مظاہرین کی غنڈا گردی کی شدید مذمت کی گئی،ضلعی صدر محمد شریف سوہڈل نے مزید کہا کہ صحافیوں کو سچ کی سزا دی جارہی ہے جو انتہائی قابلِ مذمت ہے حکومت ذمہ داران کے خلاف کاروائی کرے اور عمران خاں ،طاہرالقادی اپنے انقلابیوں اور آزادیوںکو لگام دیں جبکہ حکومت اپنے اداروں کو قانون شکنی کرنے سے باز کرے ورنہ صحافی اپنے تحفظ کے لئے ان کا ڈٹ کر مقابلہ کرنے کے لئے تیار ہیں انہوں نے کہا کہ پاکستان بھر میں صحافتی امور چلانا انتہائی مشکل ہوچکا ہے چونکہ کچھ سیاستدان اپنے ورکروں کو متشدد بنانے میںاپنابھر پور کردار ادا کر رہے ہیں اسی لیے کارکن بھی پاکستان کو بالائے طاق رکھ کر ان متشدد لیڈروں کے ہاتھوں میں کٹھ پتلی کا کردار ادا کرنے پر مجبور ہیں انہوں نے فریقین کو متنبہ کیا کہ وہ کرسی کی جنگ میں صحافیوں پر مظالم سے باز رہیں صحافیوں نے بہت صبر کیا اب مزید برداشت نہیں کریں گے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکستان تحریک انصافین سعودی عرب کے مرکزی سینئر نائب صدر حاجی سیف اللہ قصوری نے پنجاب پولیس
مصطفی آباد/للیانی(نامہ نگار) پاکستان تحریک انصافین سعودی عرب کے مرکزی سینئر نائب صدر حاجی سیف اللہ قصوری نے پنجاب پولیس کی جانب سے نہتے اور پر امن مظاہرین پر اور حقیقت دیکھانے والے میڈیا کے بہادر اور محبِ وطن صحافیوں کیمرہ مینوں اور اینکر وں پر ظلم کی جو داستان رقم کی ہے اور ریاستی دہشت گردی کا بازار گرم کیا ہے ہم اُس کی شدید الفاظ میں مذہمت کرتے ہیں ، جس طرع پنجاب پولیس عورتوں ، بچوں اور بزرگوں پر تشدد کر رہی تھی وہ انتہائی شرم ناک بات ہے ، ملک کسی تصادم کا متحمل نہیں ہو سکتا مگر جس طرح حکمران اپنے گلو،پومی اور نومی جیسے بدمعاشوں کا استعمال کر رہی ہے اور پولیس کی وردی میں گلوں سے ظلم کروایا جا رہا ہے وہ بہت ہی خطرناک عمل ہے ،ان خیالات کا اظہار پاکستان تحریک انصافین سعودی عرب کے مرکزی سینئر نائب صدر حاجی سیف اللہ قصوری نے اپنے ایک بیان میں کیا۔ انہوں نے مزید کہا کہ پاکستان تحریک انصاف ملک کی واحد پارٹی ہے جو پاکستان میں حقیقی جمہوریت پر یقین رکھتی ہے جو کہ سٹیٹس کو کی جماعتوں اور موجودہ حکمرانوں کے مفاد میں نہیں ہے مگر اس وقت ملک میں جمہوریت نام کی کوئی چیز نہیں ہے اور جو کچھ نہتی عوام اور میڈیا کے ساتھ کیا جا رہا ہے وہ قابلِ قبول نہیں نام نہاد جمہوریت کے دعویداروں نے تو بدترین آمریت کو بھی شرمندہ کر دیا ہے ،پاکستان کی تاریخ کے کرپٹ ترین حکمرانوں کو اپنے اندازحکمرانی پر نظر ثانی کرنی چاہے ہم پُر امن پاکستانی شہری ہیں ہماری شرافت کو کمزوری نا سمجھا جائے ، کرپشن اوردھاندلی کے خلاف احتجاج ہمارا جمہوری حق ہے آزادی مارچ کا مقصد ملک میں سسٹم کی تبدیلی اور احتساب کے نظام کو ٹھیک کرنا ہے جس کی وجہ سے سزا اور جزا میرٹ پر ہو اور ملک میں امن قائم ہو۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مقامی صحافی کے والد و سماجی رہنما چوہدری حبلوخاں انتقال کر گئے، ہزاروں سوگواروں کی موجودگی
مصطفی آباد/للیانی(نامہ نگار)مقامی صحافی کے والد و سماجی رہنما چوہدری حبلوخاں انتقال کر گئے، ہزاروں سوگواروں کی موجودگی میں سپرد خاک، مقامی صحافی محمد جمیل سندھو، سہیل قمر سندھو کابھتیجا و محمد سعیدکا بیٹا توصیف سعید سندھو بھی انتقال کر گئے ، صحافیوں کا اظہار افسوس، تفصیلات کے مطابق مقامی صحافی چوہدری ہاشم علی خاں کے والد و سماجی رہنما چوہدری حبلو خاں 95سال کی عمر میں انتقال کر گئے، جبکہ مقامی صحافی محمد جمیل سندھووسہیل قمر سندھو کابھتیجا و محمد سعیدکا بیٹا توصیف سعید سندھو بھی انتقال کر گئے،ہزاروں سوگواروں کی موجودگی میں سپرد خاک،نماز جنازہ میں سیاسی و سماجی جماعتوں کے نمائندوں و صحافیوں کی بری تعداد نے شرکت کی۔ چوہدری حبلوخاں و توصیف سعید کے انتقال پر صحافیوں کا اظہار افسوس، چوہدری حبلو خاں کی رسم کل کل بروز منگل ان کی رہائش گاہ واقع وڈانہ میں ادا کی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چوری و ڈاکیتی کی وارداتیں ، راہ گیر لاکھوں روپے سے قیمتی سامان سے محروم،گرین کوٹ روڈ پر ناکہ زن تین ڈاکودس افراد سے ہزاروں
مصطفی آباد/للیانی(نامہ نگار)چوری و ڈاکیتی کی وارداتیں ، راہ گیر لاکھوں روپے سے قیمتی سامان سے محروم،گرین کوٹ روڈ پر ناکہ زن تین ڈاکودس افراد سے ہزاروں روپے نقدی و موبائل فون چھین کر فرار ہو گئے، مصطفی آباد سے موٹر سائیکل لوٹ لی گئی، پولیس چوکی دفتوہ کے عقب سے 7مویشی چوری، تفصیلات کے مطابق گزشتہ رات شاہد اقبال، الرحمن، آصف اور ڈاکٹر مصطفی وڈانہ سے گرین کوٹ کی طرف جا رہے تھے کہ راستے میں ناکہ زن ڈاکوئوں نے اسلحہ کے زور پر 40ہزار روپے نقدی و موبائل فون چھین کر بھاندھ کر فصلوں میں پھینک دیا جہاں پر پہلے سے 6افراد بھاندے ہوئے تھے جن سے بھی ہزاروں روپے نقدی موبائل فون ودیگر قیمتی سامان لوٹ لیا گیا تھا۔جبک مصطفی آباد میں مرغی کا گوشت سپلائی کرنے والا قصور کا رہائشی مال سپلائی کرکے واپس جا رہا تھا کہ 125موٹر سائیکل پر سوار تین ڈاکوئوں نے اسلحہ کے زور پر 125موٹر سائیکل نمبریLEO 2679 ،20ہزار روپے نقدی و موبائل فون چھین کر فرار ہو گئے، پولیس چوکی دفتوہ کے عقب سے سات مویشی چوری کرنے والے عباس، نذیر عرف گھوڑا، اسلم، عنائیت، وغیرہ کے خلاف مقدمہ درج، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرہالی کلاں میں چرس فروخت کرنے والا معذور شخص گرفتار،543گرام چرس و 995روپے نقدی بر آمد مصطفی آباد/للیانی(نامہ نگار)سرہالی کلاں میں چرس فروخت کرنے والا معذور شخص گرفتار،543گرام چرس و 995روپے نقدی بر آمد ، مقدمہ درج، تفصیلات کے مطابق ایس ایچ او تھانہ مصطفی آباد طارق بشیر چیمہ نے خفیہ اطلاع پر نواحی گائوں سرہالی کلاں میں چھاپہ مار کر معذور شخص نوید کو گرفتار کرکے اس کے قبضہ سے 543گرام چرس و نقدی رقم 995روپے بر آمد کرکے مقد مہ درج کر لیا۔
ایم پی اے نشاط ضیاء قادری واٹر اینڈ سیوریج بورڈ کو عوام کو پینے کے صاف پانی اور سیوریج سسٹم کی بہتری کے حوالے سے اقدامات تیز کرنے کی ہدایت
عصمت انور محسود سے پاکستان مسلم لیگ (ن) کے رہنمائوں کا اظہار تعزیت
