کراچی (جیوڈیسک) کراچی ایئرپورٹ کے اولڈ ٹرمینل پر حملے کے 10 ہفتے بعد حملے میں جاں بحق ہونے والے نامعلوم شخص کی لاش کو سپرد خاک کردیا گیا جبکہ سیکیورٹی فورسز کی جوابی کارروائی کے دوران ہلاک ہونے والے 10 حملہ آوروں کی بھی تدفین کر دی گئی۔
8 جون کی شب کراچی ایئرپورٹ کے اولڈ ٹرمینل پر دہشت گردوں نے خود کار ہتھیاروں کے ذریعے حملہ کیا جسے فوری طور پر ایئرپورٹ سیکیورٹی فورس کے ڈیوٹی پر موجود جوانوں نے پسپا کرنے کی بھرپور کوشش کرتے ہوئے۔
جام شہادت نوش کیا لیکن حملہ اتنا شدید تھا کہ مزید کمک طلب کرنا پڑی، پولیس ، رینجرز اور پاک فوج کے دستے فوری مدد کو پہنچے اور چند گھنٹے کی کارروائی کے دوران تمام 10 دہشت گرد مارے گئے
حملے میں ایئرپورٹ سیکیورٹی فورس کے 11 اہلکار ، رینجرز اہلکار ، سول ایوی ایشن کے ملازم ، نجی کارگو کمپنی کے ملازمین اور پی آئی اے کے انجینئر سمیت تقریباً 30 افراد جاں بحق ہوئے تھے۔
واقعے میں جاں بحق ہونے والے ایک نوجوان کی شناخت نہیں ہو سکی تھی جس کی عمر تقریباً 25 سے 30 برس کے درمیان تھی، لاش ایدھی سرد خانے منتقل کردی گئی تھی۔
نوجوان کی لاش دیکھنے کے لیے متعدد افراد آئے لیکن کوئی بھی اسے شناخت نہیں کر سکا ، لاش قابل شناخت تھی ، جسم پر گولیوں کے نشانات تھے جبکہ وہ گہرے نیلے رنگ کی پینٹ اور گہرے نیلے رنگ کے موزے پہنا ہوا تھا ، لاش کو ایدھی فاؤنڈیشن کے تحت سپرد خاک کر دیا گیا۔
ایئرپورٹ پر حملے میں ہلاک ہونے والے تمام 10 دہشت گردوں کی لاشیں بھی ایدھی سرد خانے میں رکھی ہوئی تھیں جن کی شناخت کی غرض سے ڈی این اے ٹیسٹ کے لیے سیمپل بھی لیے گئے ، حملے کی ذمے داری اسلامک موومنٹ آف ازبکستان نامی تنظیم نے قبول کی تھی اور تمام 10 حملہ آوروں کی تصاویر بھی جاری تھیں ب
عدازاں تمام 10 لاشوں کی بھی ایدھی فاؤنڈیشن کے تحت تدفین کر دی گئی ، ایدھی فاؤنڈیشن کے حکام نے بتایا کہ اس ضمن میں اعلیٰ پولیس حکام سے اجازت نامہ حاصل کرکے تمام لاشوں کو ایدھی فاؤنڈیشن کے مواچھ گوٹھ قبرستان میں سپرد خاک کر دیا گیا۔
لیبیا میں اب بھی 5700 پاکستانی واپسی کے منتظر ہیں، طارق فاطمی
این اے 230 میں ووٹرز کی حاضری کی تجویز دی تھی، ریٹرننگ افسر
