اسلام آباد (جیوڈیسک) کراچی ایئر پورٹ پر حملے کے بعد ملک بھر کے ایئر پورٹس پر سیکیورٹی ریڈ الرٹ کر دی گئی ہے۔
گزشتہ رات کراچی ایئر پورٹ پر حملے کے بعد بھی اسلام آباد سمیت ملک کے تمام ہوائی اڈوں پر ملکی اور بین الاقوامی پروازوں کی آمدورفت جاری ہے تاہم سیکیورٹی ریڈ الرٹ کردی گئی ہے۔
ہوائی اڈوں کی حفاظت پر معمور افراد کی چھٹیاں منسوخ کردی گئیں ہیں، اس کےعلاوہ اضافی نفری بھی تعینات کردی گئی، مسافروں اور ان کے ہمراہ آنے والوں کی خصوصی اسکریننگ کی جارہی ہے۔
واضح رہے کہ کراچی ایئرپورٹ پر اتوار اور پیر کی درمیانی شب کراچی ایئرپورٹ پر دہشتگردوں کے حملے میں سیکیورٹی اہلکاروں سمیت 18 افراد جاں بحق ہوگئے۔
سندھ کی وزیر روبینہ قائم خانی ٹریفک حادثے میں زخمی
دہشتگردوں کی قومیت کے بارے میں کچھ نہیں کہا جاسکتا، ایڈیشنل آئی جی کراچی
