کراچی کی خبریں 16/6/2016
Posted on June 16, 2016 By Mohammad Waseem سٹی نیوز, کراچی
Mazar Dua
امریکہ جنوبی ایشیا ءکو جنگ کی بھٹی میں جھونکنا چاہتا ہے ‘ ایم آر پی
امریکی حمایت سے بھارت ‘ افغانستان و ایران کو ساتھ ملاکر پاکستان و چین کیخلاف بلاک بنارہا ہے
ایشیا ءمیں جنگ کا جہنم کھول کر امریکہ خطے میں اپنا اثرو نفوذبڑھانا اور اپنا اسلحہ بیچنا چاہتا ہے ‘ امیرپٹی
کراچی ( اسٹاف رپورٹر )امریکی آشیر باد و حمایت سے بڑھتی ہوئی بھارتی جارحیت اور افغانستان و ایران کیساتھ بھارتی معاہدے کے بعد افغان سیکورٹی فورسز کی پاکستان فورسز پر بلا اشتعال فائرنگ اور ایران کا بدلتا ہوا طرز عمل جنوبی ایشیاءمیں تصادم کی پیشنگوئی ہے ۔ محب وطن روشن پاکستان پارٹی کے قائد و چیئرمین امیر پٹی نے کہا ہے کہ پاکستان ‘ ایران ‘ چین ‘ افغانستان ‘ بنگلہ دیش اور بھارت کے درمیان امن و تعاون خطے میں ایک ایسی قوت کو جنم دے سکتا تھا جو دنیا کو امریکی و اسرائیلی چنگل سے نجات دلانے کیساتھ دنیا بھر میں معاشی و اقتصادی خوشحالی و ترقی کو جنم دینے کا باعث بھی بنتا مگر امریکہ نے اس اتحاد کو بننے سے قبل سبوتاژ کرنے کیلئے ہر طرح سے بھارتی حمایت کے ذریعے بھارتی جارحانہ جذبات کو مہمیز دے دی ہے جبکہ بھارت نے افغانستان و ایران کو اپنے ساتھ ملالیا ہے جس کے بعد دنیا خطے میں پاک چین بلاک اور بھارت ‘ افغانستان ‘ ایران بلاک بن چکے ہیں جبکہ بنگلہ دیش صورتحال کے پیش نظر بھارتی بلاک کا حصہ بننا پسند کریگا جس کے بعد امریکہ کی خواہش ہوگی یہ ان دونوں بلاکوں کو باہم متصادم کرادیا جائے تاکہ اسے خطے میں اپنا اثر و نفوذ بڑھانے کیساتھ اپنا اسلحہ بھی مہنگے داموں فروخت کرنے کا بہترین موقع میسر آسکے مگردنیا یہ یاد رکھے کہ خطے کہ ان دونوں بلاکوں میں تصادم ہوا تو جنگ کے مہیب سائے خطے تک محدود رہنے کی بجائے پوری دنیا کو اپنی لپیٹ میں لے لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
افغانستان امن دشمن بھارت و امریکہ کا اتحادی بن چکا ہے ‘ جی کیو ایم
افغانستان کے حوالے سے پاکستان کی پالیسی میں تبدیلی کی ضرورت ہے‘ گجراتی سرکار سورٹھ ویر
طورخم بارڈر پر افغان فورسز کی فائرنگ کی شدید مذمت اور میجر علی جوا دچنگیزی کیلئے دعائے مغفرت
کراچی ( اسٹاف رپورٹر) پاک افغانستان بارڈر پر طورخم کے مقام پر افغان فورسز کی بلا اشتعال فائرنگ اور جارحیت پسندی سے پاک فوج کے سینئر و نڈر آفیسر میجر علی جواد چنگیزی کی شہادت پر اظہار افسوس و مذمت اور ان کیلئے دعائے مغفرت و زخمی ہونے والے فوجی جوانوں کیلئے دعائے صحت کرتے ہوئے گجراتی قومی موومنٹ کے سربراہ گجراتی سرکارامیر سولنگی عرف پٹی والا المعروف سورٹھ ویر ‘ فرزند جونا گڑھ اقبال چاند ‘ یونس سایانی ‘ فاطمہ میمن ‘ روبینہ شاہین ‘عزیز صدیقی ‘عمران چنگیزی و دیگر نے کہا کہ پاکستان ہمیشہ افغانستان کی خود مختاری ‘ ترقی و خوشحالی اوربقا وسلامتی کیلئے ذمہ دارانہ کردار ادا کرتا اور قربانیاں دیتا رہا ہے مگر افغانستان سے ہمیشہ پاکستان کیلئے مصائب و مسائل پیدا کرنے کی سازشیں کی جاتی رہی ہیں جو اس بات کی متقاضی ہیں کہ اب پاکستان کو افغانستان کے حوالے سے اپنی پالیسی میں مکمل تبدیلی لانی ہوگی کیونکہ افغانستان امن دشمن امریکہ و بھارت کا اتحادی بن چکا ہے اور ان کے مفادات کیلئے پاکستان کی سلامتی کو نقصان پہنچانے میں پیش پیش ہے جس کی وجہ سے نہ صرف پاکستان بد امنی و دہشتگردی سے دوچار ہے بلکہ معاشی واقتصادی بدحالی کی وجہ سے بھی پاکستان کے عوام بد ترین صورتحال سے دوچار ہے اور ان سب کا ذمہ دار افغانستان ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
افغانستان ہمارے لئے بھارت سے بڑا خطرہ بن رہا ہے‘ راجونی اتحاد
افغانستان کے حکمرانوں نے تو ہمارے ساتھ ”چور نالے چتر“ والا رویہ اختیار کررکھا ہے
کابل انتظامیہ کے ساتھ کسی قسم کا نرم رویہ اختیار کرنے کا کوئی جواز ہے نہ کوئی گنجائش ہے
کراچی ( اسٹاف رپورٹر ) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی و دیگرنے کہا ہے کہ یہ حقیقت کھل کر سامنے آچکی ہے کہ افغانستان ہمارا دوست نہیں بلکہ ہماری سلامتی کمزور کرنے کی بھارتی سازشوں میں برابر کا شریک ہے اسلئے طور خم سانحہ کے بعد اب افغانستان بھی اسی سلوک کا مستحق ہے جو ہماری سلامتی کو چیلنج کرنیوالے بھارت کے ساتھ کیا جانا چاہیے۔ افغانستان کے حکمرانوں نے تو ہمارے ساتھ ”چور نالے چتر“ والا رویہ اختیار کررکھا ہے جو ہماری خودمختاری اور سلامتی کیخلاف بھارتی سازشوں میں شریک بھی ہوتے ہیں‘ پاکستان کی سلامتی چیلنج کرنیوالے دہشت گردوں کی پاکستان میں مذموم کارروائیوں کی سرپرستی بھی کرتے ہیں اور ان دہشت گردوں کیخلاف ہم سے کارروائی کا بھی تقاضا کرتے ہیں۔ چنانچہ اس تناظر میں کابل انتظامیہ کے ساتھ کسی قسم کا نرم رویہ اختیار کرنے کا کوئی جواز ہے نہ گنجائش۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم حکمران مفادات کیلئے کسی کے بھی تلوے چاٹ سکتے ہیں ‘ سولنگی اتحاد
مسلمانوں پر صیہونی ‘ صلیبی و کفار کے مظالم کی وجہ مسلم حکمرانوں کی مفاد پرستانہ خاموشی ہے
مسجد اقصیٰ میں جوتو سمیت اسرائیلی فوجیوں کے گشت اور مقدس مقامات کی بیحرمتی کی مذمت
پاکستان سولنگی اتحاد کے سینئر و بزرگ رہنما امیر سولنگی نے صوبائی و ضلعی رہنما سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردارخادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی ‘ عابد سولنگی ‘ ندیم سولنگی ‘ عباس سولنگی ودیگرنے اسرائیلی پولیس کی جانب سے مسجد اقصیٰ میں داخل ہوکر مقدس مقامات کی بیحرمتی پر صدائے احتجاج بلند کرتے ہوئے کہا ہے کہ اسرائیلی فورسز کی جانب سے مسجد اقصیٰ کی بیحرمتی اور نمازیوں کے ساتھ بہیمانہ سلوک کا تسلسل صرف اسلئے بڑھتا جارہا ہے کہ مسلم اُمہ کا ضمیر مردہ ہوچکا ہے اور مسلم حکمران مفادات کی شراب کے نشے میں اس حد تک بدمست ہوچکے ہیں کہ نہ انہیں خوف خدا رہا ہے اور نہ ہی مسلمانوں کے مقدس مقامات کی حرمت و تقدس کے حفاظت سے کوئی غرض و غایت رہی ہے ان کا ایمان صرف اقتدار ‘ اختیارات ‘ کرپشن ‘ کمیشن بن چکا ہے جس کیلئے کسی کے بھی تلوے چاٹنے کیلئے تیار ہیں خواہ وہ اسرائیل ہو ‘ امریکہ ہو یا بھارت ہر اسلام دشمن سے دوستی اور اسلام کیخلاف اقدامات پر خاموشی ہی ان کے مفاد کیلئے ضروری ہے اسلئے وہ خاموش ہیں مگر دنیا میں بسنے والے مسلمانوں کا ضمیر ابھی زندہ اور ایمان ابھی سلامت ہے اسلئے وہ ایسے اقداما ت کیخلاف آواز اٹھارہے ہیں اور اگر دنیا نے ان کی آواز پر توجہ نہیں دی تو پھر وہ خود اسلام کے تحفظ کیلئے اپنا کردار ادا کرنے پر مجبور ہوںگی ایسا ہوا تو کوئی اسلام دشمن محفوظ نہیں رہے گا اور اسلام دشمنوں کا ساتھ دینے یا ان کی جارحیت پر خاموش رہنے والوں کا انجام بھی انتہائی عبرتناک ہوگا۔
مہمند ایجنسی کی خبریں 16/6/2016
لاہور کی خبریں 16/6/2016
