کراچی (جیوڈیسک) رنچھوڑ لائن کے علاقے میں جیولرز کی دکان میں ڈکیتی کےدوران ڈاکو لاکھوں روپے کا سونا اور نقدی لے کر فرار ہوگئے۔
کراچی کے علاقے رنچھوڑ لائن میں 6 مسلح افراد نے دن دیہاڑے جیولرز کی دکان پر دھاوا بول دیا اور دکان میں موجود افراد کو یرغمال بنا لیا، ڈاکوؤں نے اسلحہ کے زور پر دکان میں موجود لاکھوں روپے مالیت کا سونا اور نقدی لوٹ لی جس کے بعد وہ باآسانی فرار ہوگئے۔
پولیس کا کہنا ہے کہ واقعہ کا مقدمہ درج کرکے ملزمان کی گرفتاری کے لیے کارروائی شروع کردی گئی ہے جب کہ دکان میں موجود افراد سے بھی تفتیش کی جارہی ہے۔
