کراچی (جیوڈیسک) رینجرز اور پولیس نے شہر کے مختلف علاقوں میں کارروائی کرکے 7 ملزمان کو گرفتار کر لیا جب کہ ان کے قبضے سے اسلحہ بھی برآمد کیا گیا ہے۔
سی آئی ڈی پولیس نے جمشید کوارٹر میں کارروائی کرکے 2 ملزمان کو گرفتار کرلیا اور ان کے قبضے سے اسلحہ بھی برآمد کیا گیا ہے۔ انچارج سی آئی ڈی خرم وارث کا کہنا تھا کہ ملزمان ایبٹ آباد سمیت خیبرپختونخوا میں قتل اور ڈکیتیوں کی وارداتوں میں ملوث ہیں۔
دوسری جانب رینجرز نے مشرف کالونی اور سہراب گوٹھ میں کارروائی کی جہاں سے 7 ملزمان کو گرفتار کیا گیا۔ ترجمان رینجرز کے مطابق گرفتار ملزمان کا تعلق کالعدم تنظیم سے ہے جن کے قبضے سے اسلحہ برآمد کیا گیا جب کہ ملزمان سنگین جرائم کی وارداتوں میں بھی ملوث ہیں۔
ضلع غربی کےعلاقوں میں بڑھتے ہوئے چوری ڈکیتی کے واقعات باعث تشویش ہیں۔ فرہاد گل
گجرات جلسہ : ڈی جے بٹ کا لاکھوں کا بل، مقامی قیادت چکرا گئی
