کراچی (جیوڈیسک) کراچی کے علاقے بلدیہ ٹاون نمبر 4 میں رینجرز نے لیاری گینگ وار سے وابستہ 2 گینگسٹرز کو گرفتار کرلیا گیا ہے جبکہ مدینہ کالونی اور اسلامیہ کالونی میں رینجرز کی کارروائی کے دوران کالعدم تنظیم کے 6 مبینہ دہشت گرد گرفتار کرلئے گئے۔
رینجرز ذرائع کے مطابق بلدیہ ٹاون نمبر 4 میں رینجرز نے چھاپہ مارا۔ چھاپہ لیاری گینگ وار سے وابستہ ملزمان کی گرفتاری کے لئے مارا گیا۔ چھاپے کے دوران 2 گینگسٹرز کو گرفتار کرلیا گیا،جن کے قبضے سے اسلحہ بھی برآمد کرلیا گیا ہے۔
گرفتار کئے جانے والے ملزمان سے مزید تفتیش کی جارہی ہے۔ دوسری جانب رینجرز کی جانب مدینہ کالونی اوراسلامیہ کالونی میں بھی رینجرز نے کالعدم تنظیم سے وابستہ ملزمان کی گرفتاری کے لئے چھاپہ مار کارروائی کی۔ کارروائی میں کالعدم تنظیم کے 6 مبینہ دہشت گردوں کو گرفتار کرلیا گیا جن کے قبضے سے اسلحہ اور دیگر اشیاء بھی ملی ہیں۔
کچی شراب کے کیمیکل میتھانول پر پابندی لگانے کا فیصلہ
مٹھی : غذائی قلت سے ہلاکتوں کی تعداد21 ہوگئی
