کراچی (جیوڈیسک) شہر قائد میں جہاں ہر روز کئی بے گناہ افراد موت کے گھاٹ اتار دیئے جاتے ہیں وہیں بینک ڈکیتیاں بھی بچوں کا کھیل بن گئی ہیں، ایسا ہی ہوا ہے کورنگی میں جہاں ڈاکو چند منٹوں میں ایک نجی بینک سے 15 لاکھ روپے اور دیگر قیمتی سامان لوٹ کر باآسانی فرار ہوگئے۔
مطابق کورنگی کے علاقے چکرا گوٹھ میں واقع ایک نجی بینک میں 5 نقاب پوش ملزمان داخل ہوئے جن میں سے 4 نے عملے اور وہاں موجود دیگر افراد کو یرغمال بنایا جبکہ پانچویں شخص نے بینک کے باہر کھڑے رہ کر نگرانی کی، پانچوں ڈاکو چند ہی منٹوں میں 15 لاکھ روپے اور دیگر قیمتی سامان لوٹ کر باآسانی فرار ہو گئے اور جاتے ہوئے وہ سیکیورٹی گارڈ کا اسلحہ بھی لے گئے۔
پولیس کا کہنا ہے کہ ڈاکوؤں نے اپنے منہ ڈھانپے ہوئے تھے جس کی وجہ سے اس بات کا امکان ہے کہ واردات میں بینک کا کوئی ملازم بھی شامل ہے تاہم پولیس نے شواہد اکٹھے کر کے تفتیش شروع کردی ہے۔
دانش کنیریاکی غلطی سے امریکی کرکٹ ایسویسی ایشن کی ممبرشپ خطرے میں
پنجاب اور سندھ میں بلدیاتی انتخابات ، الیکشن کمیشن نے مزید وقت مانگ لیا
