کراچی (جیوڈیسک) کراچی کے علاقے لیاری کلاکوٹ میں نامعلوم موٹر سائیکل سواروں نے دکان پر دستی بم سے حملہ کیا۔
پولیس کے مطابق دستی بم حملے کے نتیجے میں 3 بچوں سمیت 10 افراد زخمی ہوئے۔ زخمی ہونے والے تمام افراد کو سول ہسپتال منتقل کر دیا گیا ہے۔
پولیس حکام کا کہنا ہے کہ ملزمان کی تعداد 4 تھی۔ واقعہ کی تفتیش کے لئے زخمیوں کے بیانات قلمبند کئے جائیں گے۔ گینگ وار ملزمان لیاری میں خوف قائم رکھنے کے لئے دستی بم کے حملے کر رہے ہیں۔
