کراچی کی خبریں 4/6/2016
Posted on June 4, 2016 By Mohammad Waseem سٹی نیوز, کراچی
Budget
بجٹ میں ایکبارپھر غریب و محروم طبقہ کو نشانہ بنایاگیا ہے ‘ ایم آر پی
ان تمام ہی اشیا ءپر ٹیکس لگایا گیا ہے جن سے روزمرہ استعمال کی ہر شے کی قیمت بڑھ جائے گی
اب غریب آدمی کیلئے جینا تو درکنار ‘ سانس بھی مشکل اور مرنا بھی محا ل ہوجائے گا‘ امیر علی پٹی والا
کراچی ( اسٹاف رپورٹر ) وفاقی بجٹ کو غریب عوام پر استحصالیوں کا ظلم قرار دیکر مسترد کرتے ہوئے محب وطن روشن پاکستان پارٹی کے قائد و چیئرمین امیر پٹی نے کہا کہ ہونا تو یہ چاہئے تھا کہ جمہوریت کے نام پر عوامی ووٹوں سے منتخب ہوکر قتدار میں آنے والے عوامی مفادات کا تحفظ اور پریشانیوں کا خیال کرتے ہوئے انہیں مسائل و مصائب سے نجات دلانے کیلئے بجٹ میں روزمرہ عوامی استعمال کی اشیاءمثلاً دالیں ‘ چاول ‘ گھی ‘ تیل ‘ سبزی ‘ فروٹ ‘ مرغی ‘ مچھلی ‘ گوشت پر سبسڈی کی فراہمی کے ذریعے ان اشیاءکو عوام کیلئے ارزاںکرتے اور پٹرو ل ‘ تیل ‘ گیس و بجلی کے نرخوں میں بھی کمی کرکے مہنگائی سے بلکتی عوام کی اشک شوئی کی جاتی جبکہ عنان حکومت چلانے کیلئے تعیشات کیلئے استعمال ہونے والی اشیاءمثلاً کاروں ‘ سگریٹس ‘ پان ‘ چھالیہ ‘ تمباکو ‘ میک اپ کا سامان ‘ باڈی بلڈنگ مشینیں ‘ تن ساز ادویات وغیرہ پر ٹیکس لگاکر محصولات کا ہدف پورا کیا جاتا مگر حکمرانوں نے روایت کے مطابق بجٹ میں ایکبارپھر غریب طبقات کو ہی نشانہ بنایا ہے اور ہر ا س چیز پر ٹیکس لگایا ہے جس سے کھانے پینے اور روزمرہ ضروریات کی اشیاءکے نرخ متاثر ہونے اور مہنگائی کا طوفان آئے گا اور غریب آدمی کیلئے جینا تو درکنار ‘ سانس بھی مشکل اور مرنا بھی محا ل ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمہوری نظام سے عوامی بیزاری کی وجہ عدلیہ کی کمزوری ہے ‘ جی کیو ایم
ضمنی انتخابات میں عوام کی عدم دلچسپی سیاسی اورنتخابی نظام سے بیزاری کا ثبوت ہے ‘ گجراتی سرکار
حکمرانوں کی ناکامی ‘ جمہوریت کی بدنامی بن کر ملک و قوم کیلئے خطرات پیدا کررہی ہے‘ سورٹھ ویر
کراچی ( اسٹاف رپورٹر ) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کراچی کے دو صوبائی حلقوں پر ہونے والی ضمنی انتخابات میں 8فیصد ٹرن آ ¶ٹ کو جمہوریت اور قومی مستقبل کیلئے خطرناک قرار دیتے ہوئے کہا کہ ضمنی انتخابات میں عوام کی عدم دلچسپی اس بات کا اظہار ہے کہ حکومتی ناقص پالیسیوں اور سیاسی جماعتوں کی مفاد پرستی و عوام دشمنی کے باعث عوام سیاسی نظام سے بیزار ہوچکے ہیںاور انہیں یہ یقین ہوچلا ہے کہ عوام اپنے ووٹ کے ذریعے اظہار اعتماد خواہ کسی پر ہی کیوں نہ کریں کامیابی کا قرعہ فال اسی کے نام نکلے گا جس کے پیچھے مقتدر قوتیں ہوں گی یا جو دھاندلی اور بد معاشی سے عوامی مینڈیٹ چرانے کی طاقت کا حامل ہوگا یہی وجہ ہے کہ عوا م نے ووٹ دینا ہی چھوڑ دیا ہے اسلئے حکومت ‘ حکمرانوں ‘ سرکاری اداروں ‘ سیاستدانوں اور انتظامی و سیاسی نظام سے مایوس و بیزار عوام کی انتخابی نظام سے بھی مایوسی و بیزاری آئندہ قومی انتخابات اور ملک و قوم کیلئے تشویشناک اور خطرات کی علامت ہے جس کے ذمہ دار حکمران ‘ سیاستدان ‘ سیاسی جماعتیں اور الیکشن کمیشن کے ساتھ کسی حد تک عدلیہ بھی ہے جو مساوات و انصاف کی فراہمی اورآئین وقوانین کی عملداری یقینی بنانے میں ہمیشہ ناکام ہی دکھائی دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ادویات کی قیمتوں میں اضافہ و حکومتی خاموشی تشویشناک ہے‘ راجونی اتحاد
ادویات کی بیشتر صنعتیں اور امپورکوٹہ و اختیار حکمران طبقات سے تعلق رکھنے والوں کے پاس ہے‘ امیر سولنگی
ادویہ ساز ادارے حکمرانوں کی نوازش و ملی بھگت سے عوام کولوٹ رہے ہیں‘ عمران چنگیزی‘ اقبال ٹائیگر
کراچی ( اسٹاف رپورٹر) بجٹ سے قبل ہی سبزی ‘ فروٹس ‘ اجناس ‘ گھی ‘ تیل ‘ چینی اوردیگر اشیائے ضروریہ کی قیمتوں میں اضافے کے ساتھ ادویات کی قیمتوں کو بھی پر لگ جانے پر اظہار تشویش و مذمت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی و دیگرنے کہا ہے کہ ادویات کی قیمتوںمیں بجٹ سے قبل سو فیصد سے زائد اضافہ اور اس پر حکومتی خاموشی یقینا عوام پر ظلم ہے اور ایسا اسلئے ہے کہ ادویات کی بیشتر صنعتیں اور ادویات امپورٹ کرنے کا کوٹہ و اختیار حکمران طبقات سے تعلق رکھنے والوں کے پاس ہے جو حکمرانوں کی نوازش و ملی بھگت سے عوام کو دونوں ہاتھوں سے لوٹ رہے ہیں جبکہ حکمران طبقات جس طرح سے تعلیم ‘ صحت اور ترقیاتی بجٹ کی لوٹمار کرتے رہے ہیں اور کررہے ہیں وہ بھی عوام کے سامنے ہے مگر عدلیہ اور فوج سمیت کوئی بھی اس لوٹ مار کو روکنے اور لٹیروں کے احتساب کیلئے تیار دکھائی نہیں دے رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومتی کارکردگی کی صدارتی ستائش قوم کیلئے تشویشناک ہے ‘ سولنگی اتحاد
انتخابی وعدوں کی تکمیل میں ناکام حکومت کی کارکردگی کس طرح قابل ستائش ہوسکتی ہے‘ امیر سولنگی
حکومت معاشی ترقی کے اہداف میں ناکام ہے اور عوام مہنگائی وبیروزگاری تلے کچلے جارہے ہیں
کراچی ( اسٹاف رپورٹر) پاکستان سولنگی اتحاد کے سینئر و بزرگ رہنما امیر سولنگی ‘ سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردارخادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی ‘ عابد سولنگی ‘ ندیم سولنگی ‘ عباس سولنگی و دیگر نے معاشی ترقی کے حوالے سے حکومتی دعووں اور اقتصادی سروے رپورٹس کے تضادات پر اظہار افسوس و ملامت کرتے ہوئے کہا ہے کہ اقتصادی سروے رپورٹ میں معاشی ترقی کا مقررہ ہدف حاصل نہ ہونے کے اعتراف کے باوجود صدر مملکت کی جانب سے حکومتی کارکردگی پر اظہار اعتماد اور ستائش قوم کیلئے انتہائی حیرت انگیز ہی نہیں بلکہ تشویشناک بھی ہے کیونکہ اس بات سے انکار نہیں کیا جاسکتا کہ حکومت اپنے انتخابی وعدوں کی تکمیل میں مکمل طور ناکام ہی نہیں رہی ہے بلکہ یہ مسلسل تیسرا موقع بھی ہے کہ حکومت اپنے بڑے اہداف کے حصول میں ناکام ہے اور یہ صورتحال کسی بھی طور تسلی بخش یا ایسی نہیں ہے کہ صدر کی جانب سے حکومت کی ستائش کی جائے جبکہ یہ بھی حقیقت ہے کہ پاکستان ذرعی ملک ہے اسلئے اس کی ذراعت کا پہیہ ذرعی سیکٹر سے جڑا ہے جو بدقسمتی سے دیگر شعبوں کی طرح شروع دن سے حکومت کی عدم توجہ وعدم دلچسپی کا شکار اور کرپشن ‘ کمیشن و لوٹمار سے دوچار ہونے کے باعث بہت تیزی سے زوال پذیر ہورہا ہے۔
ٹیکسلا کی خبریں 4/6/2016
آرٹیکل 25-Aکا نفاذ غربت سے پاک مستقبل کی ضمانت ہے۔ چلڈرن کونسل ممبران
