کراچی (جیوڈیسک) ڈی جی رینجرز میجر بلال اکبر کا کہنا ہے کہ لیاری میں امن قائم کرنے میں پولیس کا اہم کردار ہے جب کہ ہم کراچی کی رونقیں بحال کرنے کی بھرپور کوششیں کررہے ہیں۔
کراچی کے علاقے لیاری میں پیپلز اسٹیڈیم گراؤنڈ میں آل پاکستان عامرخان باکسنگ ٹورنامنٹ کی افتتاحی تقریب سے خطاب کرتے ہوئے ڈی جی رینجرز میجرجنرل بلال اکبر نے کہا کہ کچھ عرصے سے لیاری کا امن و سکون تباہ کردیا گیا اور یہ علاقہ شہر کے بدنام ترین علاقوں میں شمار ہونے لگا جب کہ لیاری کھیل کی وجہ سے شہرت رکھتا تھا جس نے قومی اور بین الاقوامی سطح پر بڑے نام پیدا کیے لیکن اب اس کی شہرت دہشت گردی اور منشیات کے اڈے بن گئی۔
ڈی جی رینجرز نے کہا کہ لیاری میں امن قائم کرنے میں پولیس کا اہم کردار رہا ہےاور پولیس کی مرہون منت ہی آج باکسنگ کا اہم ایونٹ منعقد ہو سکا جب کہ ہم مشترکہ طور پر کراچی کی رونقیں بحال کرنے کی بھرپور کوششیں کررہے ہیں۔ انہوں نے کہا کہ لیاری کو ایک بار پھر ماضی کی طرح امن وسکون کا گہوارہ بنائیں گے اور اس کی پہچان دوبارہ واپس لوٹائیں گے۔
وفاق کو اگر سندھ میں گورنر راج لگانا ہے تو لگا کر دکھائے، نثار کھوڑو کی دھمکی
کالعدم تنظیم سے تعلق کے شبے میں پنجاب یونیورسٹی کے 2 پروفیسر گرفتار
