غلام فرید صابری کی برسی پر محفل سماع، نعت خوانی کا انعقاد کراچی (یو این پی) لیجنڈ قوال غلام فرید صابری کی 21 ویں برسی گزشتہ شب کراچی میں منائی گئی جس کا اہتمام ان کے صاحبزادے معروف قوال امجد فرید صابری نے اپنی رہائش گاہ پر کیا تھا۔ قرآن و فاتحہ خوانی کے بعد محفل نعت منعقد کی گئی بعد ازاں محفل سماع میں قوال غلام فرید صابری مرحوم کے 8 سے 10 برس کے پوتوں نے پہلی بار محفل سماع میں پرفارم کرکے اپنے دادا کو خراج عقیدت پیش کیا۔ ان میں امجد صابری کے دیگر بھائیوں کے بچے بھی شامل رہے جو برسی میں شرکت کے لئے خصوصی طور پر امریکہ سے آئے تھے۔مقبول صابری مرحوم کے صاحبزادے شمائل مقبول صابری ، ثاقب تاجی قوال و دیگر نے بھی پرفارم کیا۔ اس موقع پر ایم کیو ایم کی رابطہ کمیٹی کے اراکین کنور نوید جمیل، عارف خان ایڈووکیٹ، احمد سلیم صدیقی، عظیم بھائی ، محمد افراہیم، امجد رانا ، تحسین جاوید، جمال اکبر، کرکٹر فیصل اقبال اور دیگر شریک تھے۔ احمد سلیم صدیقی نے لیجنڈ قوال غلام فرید صابری کو خراج عقیدت پیش کیا جبکہ نظامت کے فرائض آرٹ فاؤنڈیشن آف پاکستا ن کے چیئر مین محمد فیصل ندیم نے انجام دئیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔ کراچی کے پروڈکشن اداروں نے دوبارہ لاہور کا رخ کرلیا اے کیٹیگری کے 6 سے زائد اداروں نے اپنے نئے پراجیکٹس لاہور میں شروع کردئیے کراچی (یو این پی) کراچی کے پروڈکشن اداروں نے ایک بار پھر لاہور کا رخ کرلیا۔ اے کیٹیگری کے 6 سے زائد اداروں نے اپنے نئے پراجیکٹس لاہور میں شروع کردئیے ہیں جس کی ریکارڈنگز زور و شور سے جاری ہے اسی بنا پر کراچی کے فنکاربھی لاہور کا رخ کر رہے ہیں اداکارہ نیلم منیر ، ماریہ واسطی ودیگر ہدایتکار عاصم علی کی نئی سیریل تھوڑی سی چھت میں اپنا کام مکمل کرانے آئے ہیں ان کے ہمراہ اداکار نعمان اعجاز، احسن خان، نور ، ڈاکٹر ملک جمیل، مینا خان جوہر ٹاؤن میں عکس بندی کرارہے ہیں،مذکورہ سیریل کی کہانی افسانہ نگار و ڈرامہ نگار سیما مناف نے لکھی ہے۔ ہدایتکار عاصم علی کا کہنا ہے کہ کہانی کی ڈیمانڈ کی وجہ سے تاریخی شہر لاہور کا رخ کیا ہے۔ اسی طرح عبدا? کادوانی، ہمایوں سعید، فہد مصطفی سمیت دیگر پروڈکشن اداروں کی نئے پراجیکٹس کی تیاریاں بھی جاری ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔ نوجوانوں کی وجہ سے تھیٹرکا مستقبل روشن ہے :ثمینہ پیرزادہ موجودہ حالات میں کراچی میں تھیٹر سرگرمیاں جاری رکھنا بڑے دل گردے کا کام ہے کراچی(یو این پی)معروف اداکارہ ثمینہ پیرزادہ نے کہا ہے کہ موجودہ حالات میں کراچی میں تھیٹر کی سرگرمیوں کو جاری رکھنا بڑے دل گردے کا کام ہے ، انور مقصود نے ”دھرنا ”کوتھیٹر پر پیش کرکے بڑا کارنامہ سر انجام دیاہے ، ڈرامے کے ہدایتکار داور محمود اور یاسر حسین نے جس طرح فنکاروں سے کام لیا ہے ، اس کا تصور کمرشل تھیٹر کا کوئی پروڈیوسر نہیں کرسکتا ، سینئر فنکاروں کے بغیر تھیٹر کا تصور کرنا محال تھا،نئے فنکاروں نے تھیٹر پر جس طرح کہانی کو حقیقت کا روپ دیا ہے اس کے لئے انور مقصود سمیت تمام ٹیم مبارکباد کی مستحق ہے ۔ ان خیالات کا اظہار انہوں نے گزشتہ شب نمائندہ یونی ویژن نیوزسے گفتگو کرتے ہوئے کیا ۔ تھیٹر کے مستقبل کے سوال پر ان کا کہنا تھا کہ ماضی کے مقابلے میں نئی نسل شوق و جستجو کے جنون میں مبتلا اور فنون لطیفہ کی تعلیم و تربیت سے آراستہ ہے ، تھیٹر کی جزئیات اور اسرار و رموز سے آگاہی رکھتی ہے ، جس کا احساس اس ڈرامے کو دیکھ کر ہوگیا ہے ۔تھیٹر کا مستقبل اب ان نوجوانوں کی وجہ سے روشن دیکھ رہی ہوں۔ہر فنکار اپنے کردار میں انگوٹھی کے نگینے کی طرح فٹ نظر آیا، طویل عرصے بعد تھیٹر پر دلچسپ و معیاری ڈرامہ دیکھا ہے ،جس سے بھر پور انداز میں لطف اندوز ہوئی ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھارتی نہیں پاکستانی فلموں میں کام کرکے خوشی ہوگی،نادیہ حسین کراچی(یو این پی) ایک طویل عرصہ بعد پاکستان میں فلموں کا آغاز ہوا خوشی کی بعد کہ وہ لوگ جو اب تک ٹیلی ویڑن پر کام کررہے تھے انھوں نے پاکستان میں فلم انڈسٹری کی بحالی میں اہم کردار ادا کیا ہے۔اور ان ہی کوششوں سے آج ہمارے ملک میں اچھی اور معیاری فلمیں بن رہی ہیں، یہ اس بات کا ثبوت ہے کہ جلد پاکستان میں عمدہ اور معیاری فلمیں بنیں گی،ہمارے فنکاروں کو بھارتی فلموں میں کام کرنے کے بجائے پاکستانی فلموں میں کام کرکے اسے پرموٹ کرنا چاہیے۔ یہ بات پاکستان کی سپر ہٹ ماڈل اور ٹی وی اداکارہ نادیہ حسین نے اپنے ٹی وی انٹرویو میں کہی۔انھوں نے کہا مجھے بھارتی نہیں پاکستانی فلموں میں کام کرکے خوشی ہوگی، کیونکہ اس وقت جب کہ پاکستان میں فلم انڈسٹری قدم جمارہی ہے ہمیں اسے بھر پور سپورٹ کرنا چاہیے۔ انھوں نے کہا مجھے کوئی اچھا کردار یا پروجیکٹ ملے گا تو میں فلم میں ضرور کام کروں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ معیاری کام ہی میری پہچان ہے، تمنا بھاٹیہ ہمیشہ میرٹ پر فلمیں سائن کی ہیں اور مستقبل میں بھی میری کوشش ہو گی کہ میں معیاری کام ہی کروں ممبئی(یو این پی)بھارتی اداکارہ تمنا بھاٹیہ نے کہا ہے کہ میں نے جب شوبز میں قدم رکھا تھا تو اس وقت ہی تہیہ کر لیا تھا کہ میں صرف اور صرف معیاری کام کروں گی اور اسی وجہ سے آج میں نے منفرد مقام حاصل کیا ہے جس کو میں معیاری کام کی بدولت برقرار رکھنے کی کوشش کروں گی انہوں نے کہا کہ میں نے اب تک جتنی بھی فلموں میں کام کیا ہے شائقین نے بہت پسند کیا ہے اور اسی طر ح معیاری کام میری اولین ترجیح ہو گی اداکارہ نے کہا کہ مجھے بے شمار فلموں میں اداکاری کی آفرز ہیں لیکن میں نے ایک وقت میں صرف ایک فلم ہی سائن کرنے کا فیصلہ کیا ہے اور جب تک میری آنے والی فلم ریلیز نہیں ہو جاتی اس وقت تک میں کوئی اور فلم سائن نہیں کروں گی میں نے ہمیشہ میرٹ پر فلمیں سائن کی ہیں اور مستقبل میں بھی میری کوشش ہو گی کہ میں معیاری کام ہی کروں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فلم انڈسٹری میں کوئی دوست نہیں ہوتا، نیہا شرما ممبئی(یو این پی) بالی ووڈ اداکارہ نیہا شرما نے کہا کہ فلم انڈسٹری میں کوئی کسی کا دوست نہیں ہوتا۔ بالی ووڈ اداکارہ نیہا شرما نے اپنے حالیہ انٹرویو میں کہا کہ ابھی بھی بالی ووڈ انڈسٹری پرائی سی لگتی ہے کیونکہ انہیں بطور ہیروئن ابھی بھی بڑے پیمانے پر قبول نہیں کیا گیا ہے، وہ خود کو ثابت کرنے کیلئے کوشاں ہیں۔ انہوں نے کہا کہ بھارتی فلم انڈسٹری میں کوئی کسی کا دوست نہیں صرف ہر ایک کا دوسرے سے پیشہ وارانہ رابطہ ہے وہ اب بھی باکس آفس اور بالی ووڈ فلم انڈسٹری کے مقاصد کو تلاش کرنے کی جستجو میں لگی ہوئی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ زندگی انجوائے کرتی ہوں،عبایا پہن کر ماڈلنگ پسند نہیں:عائشہ عمر ”بلبلے ”کے کردار خوبصورت کی مقبولیت نے دنیا بھر میں میری شناخت بنادی کراچی(یو این پی) اداکار ہ عائشہ عمر نے کہا ہے کہ فنکارہ ہونے کے ناطے میری پہلی ترجیح ڈرامے ضرور تھے لیکن اب ترجیحات تبدیل ہورہی ہیں، اسی لئے فلم بھی میری ترجیح میں شامل ہوگئی ہے ، فلم انڈسٹری کا اچھا دور ٹی وی فنکاروں کی وجہ شروع ہوچکا ہے ،فلم میں ہوں شاہد آفریدی میں کام صرف ہمایوں سعید کی خواہش پر کیا تھا۔ان خیالات کا اظہار انہوں نے گزشتہ روز یواین پی سے گفتگو کرتے ہوئے کیا۔ان کا کہنا تھا کہ ”بلبلے ”کے کردار خوبصورت کی مقبولیت نے میری دنیا بھر میں ایک شناخت بنادی ہے ، انہوں نے کہا کہ گزشتہ دنوں عبایا پہن کر ماڈلنگ کی آفر بھی آئی تھی لیکن مجھے عبایا پہن کر فوٹو سیشن کرنا پسند نہیں،پرکشش معاوضہ ہونے کے باوجود میں نے اس آفر کو قبول کرنے سے انکار کردیا۔ انہوں نے کہا کہ اپنی زندگی انجوائے کرتی ہوں،جلد اپنے فینز کو سرپرائز دوں گی،پلے بیک سنگر کے طور پر گانے کا سوچا نہیں تاہم اگر آفر ہوئی تو سوچا جاسکتا ہے۔ انہوں نے مزید کہاکہ غیر ملکی ڈراموں کا سحر اب ٹوٹ رہا ہے ، ناظرین نے ایک بار پھر پاکستانی ڈراموں میں دلچسپی لینا شروع کردی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ رانی مکھرجی کے بڑھتے وزن نے ان کے شوہر کو پریشان کرڈالا بالی ووڈ اداکارہ رانی مکھرجی کے بڑھتے وزن نے ان کے شوہر نامدار کو پریشان کرڈالا ہے ممبئی(یو این پی)بالی ووڈ اداکارہ رانی مکھرجی کے بڑھتے وزن نے ان کے شوہر نامدار کو پریشان کرڈالا ہے۔ یوا ین پی کے مطابق بالی ووڈ اداکارہ رانی مکھرجی کا شادی کے بعد سے وزن تیزی سے بڑھنا شروع ہوگیا جس سے وہ خود بھی پریشان ہوگئی ہیں لیکن ان کی پریشانی میں اس وقت مزید اضافہ ہوگیا جب ان کے شوہر نامدار نے نا صرف انہیں ٹوکنا شروع کردیا بلکہ وزن کم کرنے کا چیلنج بھی دے ڈالا رانی نے بھی شوہر کے چیلنج کو قبول کرتے ہوئے اپنا وزن کم کرنے کی ٹھان لی اور اپنا وزن کم کرنے کیلئے جم میں جانا شروع کردیا جہاں وہ ایکسر سائز کی خصوصی کلاسیں لے رہی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سلمان اورمجھ سے شادی کا سوال کرنا چھوڑ دیں : تبو ممبئی(یو این پی) بالی وڈ اداکارہ تبو نے کہا ہے کہ لوگ مجھ سے اور سلمان سے شادی سے متعلق سوال پوچھتے نہیں تھکے ، لیکن اب انہیں ہم سے یہ سوال نہیں کرنا چاہئے ۔یو ا ین پی کے مطابق بالی وڈ اداکارہ فرح کی چھوٹی بہن اداکارہ تبسم ہاشمی المعروف تبو نئی فلم حیدر میں شاہد کپور کی ماں کا کردار ادا کر رہی ہے ، اس کردار کے بارے میں کہا کہ میں رول کو دیکھتی ہوں ، چاہے وہ ماں کا ہو ، بہن کا یا چچی کا۔ میڈیا سے گفتگو میں تبو نے کہا کہ مجھے یہ کریکٹر اچھا لگا اور میں نے اس کو قبول کر لیا ہے ۔ شادی کے سوال پر کہا کہ اب تو یہ سوال سن سن کر تنگ آ چکی ، اب لوگوں کو یہ سوال ہی نہیں کرنا چاہئے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فلموں کی ریلیز سے قبل پریشان نہیں ہوتا، ہریتک شروعات میں وہ فلموں کی ریلیز سے قبل نروس ہو جایا کرتے تھے تاہم کیرئیر کے اس موڑ پران کی یہ جھجک ختم ہو گئی ہے ممبئی(یو این پی) اداکار ہرتیک روشن نے کہا ہے کہ وہ اب نروس نہیں ہوتے۔ ہرتیک روشن نے اپنے حالیہ انٹرویو میں کہا کہ کیرئیر کی شروعات میں وہ فلموں کی ریلیز سے قبل نروس ہو جایا کرتے تھے تاہم کیرئیر کے اس موڑ پران کی یہ جھجک ختم ہو گئی ہے اب وہ کبھی بھی نروس نہیں ہوتے بلکہ فلم ریلیز ہونے پر بھی پرسکون اور اطمینان میں رہتے ہیں۔ انھوں نے کہا کہ وہ عکس بندی کے دوارن ہی اس بات پر سوچ بچار کر لیتے ہیں کہ کس طرح کی اداکاری کے ذریعے وہ مداحوں کو محظوظ کر سکتے ہیں کہ وہ انھیں پسند کریں۔ ان کا کہنا تھا کہ وہ ہر دفعہ خود میں بہتری لانے کی کوشش کرتے ہیں اور یہی ان کے پراعتماد ہونے کی وجہ ہے۔ ادکار کی حالیہ ریلیز فلم بینگ بینگ ہے جو دو اکتوبر کو ریلیز ہوئی، فلم کی نمائش کامیابی سے جاری ہے۔
بالی ووڈ اداکارہ ریکھا نے پیار کو اپنی جوانی کا راز قرار دیدیا
فلم ”ٹیچر” کی نمائش کی تیاریاں شروع
