کراچی: کورونا کیسز سامنے آنے کے بعد سرکاری اسکول بند

Posted on November 11, 2020 By Majid Khan کراچی, مقامی خبریں

Corona Cases

کراچی (اصل میڈیا ڈیسک) کورونا کیسز سامنے آنے کے بعد گورنمنٹ بوائز ہائر اسکول سچل گوٹھ کو ایک ہفتے کے لیے بند کر دیا گیا۔

تعلیمی اداروں میں عالمی وبا کورونا وائرس کے وار جاری ہیں اور اب کورونا کیس مثبت آنے کے بعد کراچی کے ایک اور اسکول کو بند کر دیا گیا ہے۔

گورنمنٹ بوائز ہائر اسکول سچل گوٹھ میں کورونا کے مثبت کیسز آنے کے بعد ڈسٹرکٹ ایجوکیشن افسر نے ایک ہفتے کے لیے اسکول بند کرنے کا نوٹیفکیشن جاری کر دیا۔

نوٹیفکیشن کے مطابق اسکول کے تمام کلاس رومز میں ڈس انفیکٹنٹ اسپرے کیا جائے گا جب کہ اسٹاف اور طلبا قرنطینہ میں رہیں گے۔