کراچی (جیوڈیسک) کراچی کے علاقے ڈیفنس سے ملنے والے دستی بم کو پولیس نے ناکارہ بنا دیا، میٹروول کے علاقے میں بھی مشکوک بیگ میں تین دستی بم برآمد ہوئے۔ ڈیفنس خیابان اتحادمیں کار سے ملنے والے دستی بم کو ڈیفنس تھانے کے قریب میدان میں ناکارہ بنا دیا گیا۔ پولیس کے مطابق دستی بم کو ناکارہ بنانے کے عمل کے دوران کار سواروں نے پولیس پر فائرنگ کر دی۔
جوابی فائرنگ پر کار سوار فرار ہوئے۔ کار میں دو سے تین افراد سوار تھے۔ میٹروول کے علاقے میں آغا خان فلیٹس کے قریب سے مشکوک بیگ ملا جس میں سے تین دستی بم برآمد ہوئے۔ بم ڈسپوزل اسکواڈ نے بم ناکارہ بنا دیئے۔
اپر دیر: سیکورٹی فورسز پر حملہ، 10 شدت پسند ہلاک
کراچی: پولیس کے چھاپے، 4 بھتہ خوروں سمیت 39 گرفتار
