جمہوریت نام پر عوام کواستحصالی طبقات کا غلام بنایا جارہا ہے ‘ راجونی اتحاد بلدیاتی اداروں کی اختیارات سے محرومی حکمرانوں کی عوام دشمنی کا ثبوت ہے‘ یونس سایانی ‘ا قبال ٹائیگر دو مخصوص خاندان اور استحصالی طبقات جمہوریت کے نام پر ملک وقوم کو لوٹ رہے ہیں ‘ امیر علی سولنگی کراچی (اسٹاف رپورٹر) پاکستان راجونی اتحاد میں شامل خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی‘ راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنمایونس سایانی‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند‘ پشتون رہنما مصطفی خان اور این جی پی ایف کے چیئرمین عمران چنگیزی نے منتخب بلدیاتی نمائندوں کو اختیارات کی فراہمی سے گریز اور بلدیاتی اداروں کو صوبائی حکومتوں کی مرضی و منشاءاور حکومتی جماعت کے سیاسی مفادات کا ماتحت بنانے کی کوششوں کو جمہوریت کیخلاف سازش قرار دیتے ہوئے کہا ہے کہ وفاقی و صوبائی حکمران ذاتی و سیاسی مفادات کیلئے اختیارات کو نچلی سطح پر منتقل کرنے کی بجائے بلدیاتی نظام کو اپنا تابع بناکر عوام دشمنی کا ثبوت دے رہے ہیں ۔ راجونی رہنماں نے مزید کہا کہ جمہوریت کا مطلب عوام کی منتخب کردہ ایسی حکومت ہوتی ہے جو عوام کی فلاح و بہبود کی پالیسیاں بناکر ان پر عملدرآمد یقینی بناتے ہوئے عوام کو تمام بنیادی سہولیات کی فراہمی یقینی بنائے مگر جمہوریت کے نام پر حق حکمرانی پر قابض استحصالی طبقات اور دو مخصوص خاندان و جماعتیں عوام کو با اختیار ‘ خود مختار اور خوشحال اور پاکستان کو ترقی یافتہ بنانے کی بجائے عوام کو غلام اور وطن عزیز کو ناکام ریاست بنانے پر تلی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ امریکی صدر ڈونلڈ ٹرمپ بذات خود بنیاد پرست اور دہشتگرد ہی‘ ایم آر پی اسلامی دہشتگردی مٹانے کاامریکی صدر کا عزم انکی اسلام دشمنی اور بنیاد پرستانہ فطرت کا عکاس ہے دہشتگردی کا موجد و بانی اسلام نہیں اسرائیل و یہودی ہیں اور امریکہ و بھارت اس کے گماشتے ہیں کراچی ( اسٹاف رپورٹر ) محب وطن روشن پاکستان پارٹی کے قائد و چیئر مین امیر پٹی نے امریکی صدر ڈونلد ٹرمپ کے اسلامی دہشتگردی مٹانے کے اعلان و بیان کو متاسفانہ قرار دیتے ہوئے کہا کہ امریکی صدر یہ بات یاد رکھیں کہ دہشتگردوں کا کوئی مذہب نہیں ہوتا جبکہ انتہا پسند ہر مذہب میں موجود ہیں اور اگر تاریخ ‘ حالات وحقائق کا جائزہ لیا جائے تو اسرائیل دنیا کا سب سے بڑا انتہا پرست اور دہشتگرد ملک ہے جس نے فلسطین میں دہشت ‘ وحشت و بربریت کا بازار گرم کررکھا ہے جبکہ اسرائیل کے بعد دہشتگری کا دوسرا بڑا ٹائٹل امریکہ کو جاتا ہے کیونکہ امریکہ دہشتگردی کے خاتمے کے نام پر اسلام پرستوں ‘ مسلمانوں اور اسلامی ریاستوں کو کچلنے میں مصروف ہے اور س کے بعد دہشتگردی کی تیسری ٹرافی کا حقدار بھارت ہے جو کشمیریوں کی نسل کشی کیساتھ دیگر پروسی ممالک کے اندرونی معاملات میں مداخلت کیساتھ دہشتگردوں کی سرپرستی بھی کررہا ہے اسلئے امریکی صدردہشتگردی کے خاتمے کے نام پر اپنی بنیاد پرستی کی تسکین کی بجائے دنیا کو اسرائیلی ‘ امریکی اور بھارتی دہشتگردی سے نجات دلانے کا عزم کریں تو ان کے منصب کے شایان شان اور دنیا بالخصوص امریکہ کے محفوظ مستقبل کیلئے راست اقدام ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نیشنل ایکشن پلان سیاسی مفادات کی بھینٹ چڑھ چکا ہے ‘جی کیو ایم آپریشن ضرب عضب کے ذریعے حاصل کردہ فوجی کامیاں تلف ہوتی دکھائی دے رہی ہیں دہشتگردوں کا نیٹ ورک پھر سے فعال اور دہشتگرد فعال و سرگرم ہوتے دکھائی دے رہے ہیں کراچی ( اسٹاف رپورٹر )آرمی چیف کی جانب سے دہشتگردی کو جڑ سے اکھاڑ پھینکنے اور دہشتگردوں کو ختم کردینے کا عزم ملک وقوم کے محفوظ مستقبل کیلئے مستحسن و خوش آئند ضرور ہے مگر یہ بھی حقیقت ہے کہ دہشتگردی کا خاتمہ نیشنل ایکشن پلان ( نیپ ) غیر جانبدارانہ اور تیز رفتار عملدرآمد سے مشروط ہے جبکہ نیشنل ایکشن پلان سیاسی مفادات کی بھینٹ چڑھ کر اپنی روح کے مطابق جانبدارانہ و تیز رفتار عملدرآمد سے محروم دکھائی دے رہا ہے جس کی وجہ سے آپریشن ضرب عضب کے ذریعے حاصل کردہ فوجی کامیاں تلف ہوتی دکھائی دے رہی ہیں اور دہشتگردوں کا نیٹ ورک ایک بار پھر منظم اور وہ پھر سے سرگرم ہوتے دکھائی دے رہے ہیں جس کا ثبوت پارا چنار دہشتگردی اور اس جیسے ماضی قریب میں ہونے والے دیگر افسوسناک واقعات ہیں ۔گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے آرمی چیف جنرل جاوید قمر باجوہ سے نیشنل ایکشن پلان پر اس کی روح کے مطابق عملدرآمد یقینی بناتے ہوئے دہشتگردی کے جڑ سے خاتمے کے عزم کی تکمیل اور قوم کو محفوظ مستقبل کی فراہمی کا مطالبہ کرتے ہوئے کہا ہے کہ آرمی چیف کا عہدہ حکومتی امور کے ذمرے میں آنے والی سرگرمیوں اور سفارتکاروں سے ملاقاتوں کی بجائے عساکر پاکستان کی پیشہ ورانہ ذمہ داریوں پر توجہ دینے اور دہشتگردوں کی کامیابی میں کردار ادا کرنے والے سیکورٹی لیپس تلاش کرنے کے علاوہ دہشتگردی ‘ دہشتگردوں اور ان کے سرپرستوں اور سہولت کاروں کے خاتمے پر توجہ دینے کا متقاضی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عدالتی نظام کو تیز رفتار اور حقیقی انصاف کا ضامن بنایا جائے‘ سولنگی اتحاد ذاتی ‘ طبقاتی اور سیاسی مفادات کیلئے قوانین سازی کی روایت بند کی جائے ‘ امیر سولنگی ‘ عابد سولنگی عدالتی نظام کو شفاف ‘ تیز رفتار ‘ غیر جانبدارانہ اور حقیقی انصاف کا ضامن بنایا جائے‘ ملک عمر نذیر سولنگی کراچی ( اسٹاف رپورٹر ) سپریم کورٹ کے سینئر جج جسٹس آصف سعید خان خوسہ کی جانب سے عدالتی نظام کے سست روی کے اعتراف اور قوانین کی بجائے نظام میں تبدیلی کی ضرورت پر زور کو اس کا حقیقت پسندانہ طرز عمل قرار دیتے ہوئے پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگر نے کہا ہے کہ اس بات میں کوئی شک نہیں کہ عدالتی سست روی اور نظام کی خامیوں کے باعث عدالتی انصاف کی بروقت فراہمی میں ناکام ہیں جس کی وجہ سے عدالتوں سے بڑی مشکل اور طویل جدوجہد کے بعد ملنے والا انصاف اپنی افادیت سے یکسر محروم ہوتا ہے اور انصاف پانے والا اس شکوے پر مجبور ہوجاتا ہے کہ اس طرح انصاف ملنے سے تو بہتر تھا کہ میں موت مل جاتی اسلئے ضروری ہے کہ ذاتی ‘ طبقاتی اور سیاسی مفادات کیلئے قوانین سازی کی روایت جاری رکھنے کی بجائے عدالتی نظام کو شفاف ‘ تیز رفتار ‘ غیر جانبدارانہ اور حقیقی انصاف کا ضامن بنایا جائے اور جج صاحبان کو مکمل سیکورٹی و تحفظ فراہم کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سندھ کو پارٹی وفادار نہیں غیر جانبدار گورنرچاہئے ‘ جونا گڑھ فیڈریشن امیر علی پٹی والا کو گورنر سندھ مقررکرنا ‘سندھ ‘ وفاق اور پاکستان و جمہوریت کے مفاد میں ہوگا پارٹی رہنما کی بطور گورنر تقرری سندھ و وفاق کے درمیان محاذ آرائی میں شدت کا باعث بنیگی کراچی ( اسٹاف رپورٹر ) جونا گڑھ اسٹیٹ مسلم فیڈریشن میں شامل میمن ‘ گجراتی ‘ کچھی ‘ کاٹھیاواڑی ‘ بوہری ‘اسماعیلی ‘ پٹھان ‘ سندھی ‘ بلوچ ‘ پارسی ‘ ہندو اور دیگر برادریوں کی نمائندہ 107جماعتوں کے سربراہان نے جونا گڑھ پیلس میں مشترکہ میڈیا کانفرنس سے خطاب کرتے ہوئے وفاقی حکومت اور مسلم لیگ (ن) کے سربراہ و وزیراعظم پاکستان سے مطالبہ کیا ہے کہ سندھ میں ن لیگ کے پارٹی وفادار رہنما کی بجائے غیر جانبدار گورنر کا تقرر کیا جائے کیونکہ وفاقی و صوبائی حکومتوں اور مقتدر جماعتوں کے درمیان اختلافات کے باعث سندھ کے عوام کا نقصان ہورہا ہے اور پاکستان میں انتشارو نفاق کیساتھ تعصب میں بھی اضافہ ہورہا ہے اور ن لیگ کے پارٹی وفادار کارکن کا گورنر سندھ کے طور پر تقرر اس انتشارونفاق میں مزید اضافے کا باعث بنے گا اسلئے سندھ اور پاکستان کے مفاد اور جمہوریت کے استحکام کیلئے ضروری ہے کہ سندھ میں ایسے غیر جانبدار گورنر کا تقرر کیا جائے جو وفاق کی نمائندگی کیساتھ صوبے کے مفادات کی نگہبانی اور صوبے کی عوام کی ترقی و خوشحالی کا ضامن بھی ثابت اور اس حوالے سے معروف سماجی و گجراتی رہنما امیر علی پٹی والا سے بہترین انتخاب کوئی اور نہیں ہوسکتا اسلئے امیر علی پٹی والا کو سندھ کا گورنر مقرر کیا جائے کیونکہ ان کی بطور گورنر تقرری سے وفاقی حکومت کو گجراتی بولنے والوں کا اعتماد بھی ہاصل ہوجائے گا اور جونا گڑھ سے تعلق رکھنے والوں کیساتھ ہونے والی زیادتیوں کا ازالہ بھی ہوگا جبکہ صوبائی حکومت سے تعلقات میں بہتری آئے گی اور سندھ میں ترقی کو وہ سفر بھی شروع ہوگا جو صوبے کی عوام میں وفاقی حکمران جماعت کی مقبولیت کا باعث بنے گا۔
پاکپتن کی خبریں 23/1/2017
مصطفی آباد/للیانی کی خبریں 23/1/2017
