کراچی (جیوڈیسک) کراچی کے مختلف علاقوں میں فائرنگ سے دو افراد جاں بحق اور دس افراد زخمی ہو گئے۔ کراچی میں جوہرآباد کے علاقے میں فائرنگ سے رمیز جاں بحق جبکہ شعیب قادری اور محسن زخمی ہو گئے۔ رضویہ کے علاقے میں گولیمار میں زمیندار ہوٹل کے قریب فائرنگ سے ایک شخص جاں بحق ہوا، مقتول کی شناخت نہیں ہوسکی ہے۔
بلدیہ نمبر ساڑھے چار میں کار پر فائرنگ سے اڑتالیس سالہ عبدالجباز زخمی ہوا۔ سہراب گوٹھ کے علاقے میں الاآصف اسکوائر کے قریب بھی کار پر فائرنگ سیکار سوار پینتالیس سالہ سید محمد جعفری اور اٹھائیس سالہ رضاجعفری زخمی ہو گئے۔ بلدیہ اور سہراب گوٹھ کے تینوں زخمیوں کو عباسی شہید اسپتال منتقل کیا گیا۔ سول اسپتال کے اطراف میں دو گروہوں کے درمیان مسلح تصادم میں گولی لگنے سے پانچ افراد زخمی ہوئے۔
ملک کے بیشتر حصوں میں موسم گرم اور مرطوب رہے گا
پشاور ہائی کورٹ کا این اے 5 اور 27 میں دوبارہ پولنگ کرانے کا حکم
