کراچی (جیوڈیسک) کراچی میں فائرنگ اورتشدد کے تازہ واقعات میں ڈاکٹر اور سیاسی جماعت کے کارکن سمیت 4 افراد کو قتل اور 2 افراد کو زخمی کردیا گیا ہے،جبکہ لیاری میں الفلاح روڈ پر راکٹ حملے کے نتیجے میں 2 افراد زخمی ہوگئے۔ پولیس کے مطابق حسن اسکوائر سے لیاقت آباد نمبر 10 کی جانب جاتے ہوئے بلوچ ہوٹل موڑ کے قریب سٹرک سے 2 افراد کی ہاتھ پاوں بندھی اور گولیاں لگی ہوئی لاشیں ملیں، مقتولین کی شناخت طاہر بروہی اور احمد بروہی کے نام سے ہوئی ہے، جن کا تعلق لاڑکانہ سے تھا،اس سے قبل لسبیلہ سے تین ھٹی کی جانب جاتے ہوئے مسلح افراد کی فائرنگ سے ایک شخص ہلاک ہوا۔
جس کی شناخت فرید کے نام سے ہوئی، مقتول کا تعلق سیاسی جماعت سے تھا،لیاقت آباد کے علاقے میں ڈاکخانہ اسٹاپ کے قریب مسلح افراد کی فائرنگ سے ایک شخص ہلاک ہوا، مقتول کی شناخت ڈاکٹر غضنفر کے نام سے ہوئی ہے، پولیس کا کہنا ہے کہ ابتدائی تفتیش سے واقعہ ٹارگٹ کلنگ کا نتیجہ لگتا ہے، مقتول ڈاکٹر غضنفر گلبہار کے علاقے میں قائم کلینک سے لیاقت آباد کی جانب جارہے تھے، جب گھات لگائے ملزمان نے انھیں نشانہ بنایا۔
دوسری جانب ترجمان مجلس وحدت مسلمین نے واقعے کی مذمت کرتے ہوئے قاتلوں کی فوری گرفتاری کا مطالبہ کیا ہے، انھوں نے اپنے بیان میں کہا کہ دہشت گرد ملت جعفریہ سے تعلق رکھنے والے اہم افراد کو دہشت گردی کا نشانہ بنارہے ہیں،،اس کے علاوہ لیاری کے بہار کالونی، الفلاح روڈ اور اورنگی ٹاون سیکٹر ساڑھے گیارہ نمبر میں ہونے والی فائرنگ سے 3 افراد زخمی ہوگئے۔
نوشہرہ : علما نے 6 پولنگ اسٹیشنوں پر خواتین کو ووٹ ڈالنے سے روک دیا
حافظ آباد : زہریلا حلوہ کھانے سے 13 بچے بے ہوش ہوگئے
