کراچی کی خبریں 16/7/2016
Posted on July 16, 2016 By Mohammad Waseem سٹی نیوز, کراچی
Pak Afghan Border
ڈرون حملوں کی بجائے امریکہ پاک افغان بارڈر سیل کرائے‘ ایم آر پی
دہشتگردوں کی پناگاہ پاکستان نہیں بلکہ افغانستان ہے جہاں بھارتی و امریکی تسلط قائم ہے‘ امیر پٹی
افغانستان میں پائیدار امن کے قیام کیلئے طالبان کیساتھ خلوص دل سے نتیجہ خیز مذاکرات کئے جائیں
کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیرپٹی نے امریکی وزیر دفاع کی جانب سے دہشتگردوں کیخلاف ہر جگہ حملے کرنے کے اعلان پر اظہار تشویش و مذمت کرتے ہوئے کہا ہے کہ اس حقیقت سے انکار ممکن نہیں کہ پاکستان و افغانستان کا سرحدی علاقہ دہشتگرد گروپوں کا مسکن بنا ہوا ہے مگر اس کا مطلب یہ نہیں کہ اس کی وجہ سے ہر کسی کو پاکستان میں کہیں بھی حملے کرنے کا حق حاصل ہوگیا ہے یا امریکہ جب چاہے پاکستان کے کسی بھی علاقے میں ڈروں حملہ کرکے پاکستان کی خود مختاری کی دھجیاںبکھیر دے ۔ امیر پٹی نے مزید کہا کہ امریکہ کو معلوم ہونا چاہئے کہ پاکستان اپنے علاقے میں ان دہشتگردوں کیخلاف اپریشن ضرب عضب جاری رکھے ہوئے ہے جبکہ افغان حکومت دہشتگردوں کو تحفظ دیتی ہے اسلئے امریکہ پاک افغان بارڈر سیل کرادے تو پاکستان کو اپنے علاقے میں دہشتگردوں کے خاتمے میں آسانی رہے گی کیونکہ پاکستان کے پاس بھی ڈرون ٹیکنالوجی موجود ہے جبکہ امریکہ افغانستان میں موجود دہشتگردوں کا بمباری اور امریکی ڈرون حملے کے ذریعے خاتمہ کردے اور افغانستان میں پائیدار امن کے قیام کیلئے طالبان کیساتھ خلوص دل سے نتیجہ خیز مذاکرات کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارتی جبر سے کشمیرکی آزادی کی منزل قریب ہورہی ہے ‘ جی کیو ایم
کشمیرکیساتھ ریاست جونا گڑھ کے پاکستان سے الحاق کے معاملے کو بھی عالمی سطح پر اٹھایا جائے
بھارتی مظالم سے مسئلہ کشمیر دنیا پر واضح ہوا ہے یہ وقت جونا گڑھ تصفیہ کیلئے بھی موزوں ترین ہے
کراچی ( اسٹاف رپورٹر ) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویرنے کشمیر میں نہتے کشمیریوں کی شہادت اور بھارتی مظالم پر تاسف و تشویش کا اظہار کرتے ہوئے کہا ہے کہ بھارتی فورسز کے کشمیریوں پر ڈھائے جانیوالے اس ظلم وتشدد کے باعث جہاں دنیا کے سامنے بھارت کا اصل چہرہ بے نقاب ہورہا ہے وہیں اپنے حق رائے دہی کیلئے کشمیریوں کی آواز بھی چاروانگ عالم میں پھیل رہی ہے جس سے بھارتی تسلط سے انکی آزادی کی منزل اور بھی آسان ہو رہی ہے کیونکہ بھارتی مظالم میں شدت کے باعث اس وقت مسئلہ کشمیر جتنا واضح طور پر دنیا کے سامنے اجاگر ہوا ہے اسکے پیش نظر پاکستانی قوم اور کشمیری عوام پرامید ہیں کہ اب عالمی برادری کشمیری عوام کو حق خودارادیت دلانے میں ضرور معاون بنے گی اسلئے ضروری ہے کہ پاکستانی حکومت موقع غنیمت جانتے ہوئے کشمیرکیساتھ ریاست جونا گڑھ کے پاکستان سے الحاق کے معاملے کو بھی عالمی سطح پر اٹھائے تاکہ بھارت پر عالمی دبا ¶ میں اضافہ ہو اور تومسئلہ کشمیر و جونا گڑھ کو اقوام متحدہ کی قراردادوں کے مطابق حل پر مجبور ہو !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کوجن پر ایمان کی حد تک اعتماد ہے وہ مایوس کررہے ہیں ‘ راجونی اتحاد
استحصالی طبقات کو عوام کو لوٹنے اور ملکی جڑیں کھوکھلی کرنے کا موقع فراہم کیا جارہا ہے‘ امیر علی سولنگی
حکمرانوں ‘ پارلیمنٹ ‘ عدلیہ اور مقتدر قوتوں میں سے کسی کو عوامی مصائب سے کوئی غرض نہیں ہے
کراچی ( اسٹاف رپورٹر )پانامہ لیکس الزامات کی غیر جانبدارانہ تحقیقات کیلئے یورپین پارلیمنٹ کی جانب سے 65رکنی کمیٹی کے قیام کو پاکستانی حکمرانوں‘ پارلیمنٹ ‘ عدلیہ اور مقتدر قوتوں کیلئے قابل تقلید مثال قرار دیتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ عمرا ن چنگیزی ‘میمن رہنما عدنان میمن‘ہیومن رائٹس رہنما امیر علی خواجہ اورخان آف بدھوڑہ یحییٰ خانجی تنولی و دیگر نے کہا ہے کہ یورپی پارلیمنٹ نے عوامی و جمہوری پارلیمنٹ ہونے کا ثبوت دیا ہے مگر افسوس کہ پاکستان میں نہ تو جمہوریت ہے ‘ نہ یہاں حکمرانوں کو عوامی خواہشات سے کوئی غرض ہے ‘ نہ ہی پارلیمنٹ قومی مفادات کی نگہبان ہے اور نہ ہی عدلیہ غیر جانبدارانہ طور پر آئین کا تحفظ کرتے ہوئے قومی مفادات کا دفاع کررہی ہے حتیٰ کہ جن مقتدر قوتوں پر عوام ایمان کی حد تک اعتماد کرتے ہیں وہ بھی تحفظ جمہوریت کے نام پر قومی ‘ عوامی اور ملکی مفادات سے صرف نظر کرتے ہوئے چوروں ‘ لٹیروں اور عوام دشمنوں کو استحصال ‘ نا انصافی‘ ظلم و زیادتی ‘ لوٹ مار اور ملک کی جڑیں کھوکھلی کرنے کا بھرپور موقع فراہم کررہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مدارس رجسٹریشن معاہدہ سے دہشتگردی میں کمی آئے گی‘سولنگی اتحاد
یہ معاہدہ دہشتگردی و خود کش حملوں کیلئے خام مال کی فراہمی میں ایک بڑی رکاوٹ کا کردارادا کریگا
مدارس کی رجسٹریشن سے نہ صرف انہیں قومی دھارے میں لانے کی راہ ہموار ہو گئی ہے‘ امیر علی سولنگی
کراچی ( اسٹاف رپورٹر )پاکستان سولنگی اتحاد کے سینئر و بزرگ رہنما امیر سولنگی نے اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ نعمت اللہ سولنگی ‘ صالح سولنگی ‘ ڈاکٹر قدیر سولنگی ودیگر نے حکومت اور تنظیمات مدارس کے درمیان مدارس کی رجسٹریشن اور انکے نصاب کے حوالے سے معاہدے کو خوش آئندقرار دیتے ہوئے کہا ہے کہ مدارس کی رجسٹریشن سے نہ صرف انہیں قومی دھارے میں لانے کی راہ ہموار ہو گئی ہے بلکہ ان مدارس میں تعلیم حاصل کرنے والے35لاکھ سے زائد طلباءکو مختلف مراحل میں جدید علوم، سائنس، انگریزی اور مطالعہ پاکستان کے مضامین بھی پڑھائے جائینگے اور امتحانات میں پاس ہونیوالے طلباءحکومت کی تسلیم شدہ، انٹر، بی اے اور ایم اے کی اسناد حاصل کر سکیں گے جس سے انہیں ملازمتوں کے حصول میں آسانی ہوگی اسلئے یہ معاہدہ یقینا دہشتگردی اور خود کش حملوں کیلئے خام مال کی فراہمی میں ایک بڑی رکاوٹ کا کردارادا کریگا۔
جی ٹی روڈ نواب آباد واہ کینٹ جرائم پیشہ افراد کی اماج گاہ بن گیا
پیرمحل کی خبریں 16/7/2016
