کراچی کی خبریں عمران سے 18/6/2016
Posted on June 18, 2016 By Mohammad Waseem سٹی نیوز, کراچی
Karachi
ملک میں انصاف بک رہا اور مساوات کا خون ہورہا ہے ‘ ایم آر پی
آئینی بندشوں کی اسیر فوج کیلئے عوام کو مظالم‘ کرپشن اور ناانصافی سے نجات دلانا ممکن نہیں ہے
آرمی چیف بھی معاشی دہشتگردوں و عوام کے قاتلوں کیخلاف کاروائی کے حوالے سے خاموش ہیں
کراچی (اسٹاف رپورٹر) پاکستان بدقسمتی سے ایک ایسا ملک ہے جس میں نہ تو آئین کی و قانون کی حکمرانی ہے اور نہ ہی کسی کو انصاف حاصل ہے کیونکہ طبقاتی تضاد کا شکار یہ اسلامی ریاست اسلام کے بنیادی اصول مساوات سے ہی محروم ہے یہی وجہ ہے کہ غنڈوں کی فوج ‘ بدمعاشوں کے ٹولے‘ دھونس و دھاندلی کے ذریعے جمہوریت کے نام پر ہر بار اقتدارپانے والے اپنی کرپشن اور مظالم کیلئے اس ملک کی اینٹ سے اینٹ بجانے اور اس قوم کو خون کے آنسو رلانے میں لگے ہوئے ہیں مگر جس ملک میں انصاف ملتا نہیں بکتا ہو اور روٹی خریدنا تک عوام کیلئے دوبھر وہاں نہ تو پاناملہ لیکس کرپشن کے ذمہ داران کیخلاف کاروائی اور لوٹی و بیرون ملک منتقل کردہ قومی دولت کی واپسی ممکن ہے اور نہ ہی سانحہ ماڈل ٹا ¶ن کے ذمہ داران کا کیفر کردار تک پہنچنا یقینی ہے یہی وجہ ہے کہ وطن عزیز کے نظام سے انصاف سے مایوس عوام اب انصاف و نجات کیلئے فوج کی جانب دیکھ رہے ہیں مگر آئینی بندشوں کی اسیر فوج کیلئے بھی عوام کو مظالم ‘ لوٹ مار ‘ کرپشن اور حق تلفی و ناانصافی سے نجات دلانا شاید ممکن نہیں ہے یہی وجہ ہے کہ طاہرالقادری سمیت عوام کے بچے بچے کی اپیل کے باجودآپریشن ضرب عضب کے ذریعے عوام کو دہشتگردی سے نجات دلاکر پاکستان کو پر امن بنانے والے آرمی چیف بھی معاشی دہشتگردوں اور عوام کے قاتلوں کیخلاف کاروائی کے حوالے سے خاموش ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آرمی چیف پاکستان کو معاشی دہشتگردوں سے بھی نجات دلائیں ‘ جی کیو ایم
کرپشن زدہ استحصالی طبقات مفادات کے زہر سے ملک و قوم کے مستقبل کو قتل کررہے ہیں ‘سورٹھ ویر
گجراتی قومی موونٹ کی جانب سے آرمی چیف جنرل راحیل شریف کو 60ویں سالگرہ کی مبارکباد
کراچی ( اسٹاف رپورٹر )افواج پاکستان کے سربراہ جنرل راحیل شریف کو 60ویں سالگرہ کی مبارکباد پیش کرتے ہوئے گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے 16 جون 1956ءمیں کوئٹہ میں پیدا ہونے اور اکتوبر 1976ءمیں پاک فوج میں بطور کمیشنڈ آفیسر شمولیت اختیارکرکے اپنی عسکری صلاحیتوں ‘ عزم و حوصلے ‘ ایثار و قربانی اور حب الوطنی ‘جانثاری اور اعلیٰ کارکردگی کے باعث نشان امتیازملٹری اور ہلال امتیاز ملٹری کرنے کے بعد آرمی چیف کے عہدے پر متمکن ہونے والے جرنل راحیل شریف نے آپریشن ضرب عضب کے ذریعے وطن عزیز کو دہشتگردی سے نجات دلانے کیلئے جو کردار ادا کیا ہے اس کیلئے عوام پاکستان نہ صرف جنرل راحیل شریف کے شکر گزار ہیںا ور انہیں خراج تحسین پیش کرتے ہیںبلکہ آرمی چیف کی درازی عمر کی دعا کرنے والے پاکستان کے عوام نہ صرف ان کی مدت ملازمت میں توسیع کا مطالبہ کرتے ہیں بلکہ آرمی چیف سے یہ توقع بھی رکھتے ہیں کہ وہ وطن عزیز کو معاشی دہشتگردوں اور کرپشن میں ملوث ان تمام سانپوں سے بھی نجات دلائینگے جو مفادات کے زہر سے ملک و قوم کے مستقبل کا قتل بھی کررہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈونلڈ امریکی قوم کو اسرائیلی مفادات کی بھینٹ نہ چڑھائیں ‘ راجونی اتحاد
ٹرمپ کی بنیاد پرستی ‘ مذہبی جنونیت ‘ اسرائیل پرستی و اسلام دشمنی کسی سے ڈھکی چھپی نہیں رہی ہے
امریکی قوم اب مسلمانوں واسلام کیخلاف یہودی و اسرائیلی سازش میں آلہ کار نہیں بنے گی
کراچی( اسٹاف رپورٹر )امریکی صدارتی امیدوار ڈونلڈ ٹرمپ کی جانب سے حامیوں سے خطاب میں امریکہ میں مسلمانوں کے داخلے پر پابندی لگانے کے مطالبہ اور مسلمانوںکوا مریکہ کے مستقبل کیلئے خطرہ قرار دینے کی مذمت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی و دیگرنے کہا کہ امریکہ کی ترقی میں مسلمانوں کا کردارکسی سے بھی پوشیدہ نہیں ہے اور نہ ہی اب ڈونلڈ ٹرمپ کی بنیاد پرستی ‘ مذہبی جنونیت ‘ اسرائیلی چاہت اور اسلام دشمنی کسی سے ڈھکی چھپی رہی ہے اسلئے امریکی قوم اب نہ تو ان کے جھانسے میں آکر انہیں صدر بنائے گی اور نہ ہی مسلمانوں واسلام کیخلاف یہودی و اسرائیلی سازش میں آلہ کار کا کردار ادا کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرپشن نے عوام کو روزی روٹی سے محروم کردیا ہے‘سولنگی اتحاد
مجبور ‘ بے بس ‘بے کس اور غربت ومہنگائی سے تنگ مایوس افراد خود کشی پر مجبور ہیں‘ امیر سولنگی
حکمرانوں نے عوام سے رمضان کی برکتیں چھین لی ہیں اور عید کو عوام کیلئے ماتم بنارہے ہیں
کراچی ( اسٹاف رپورٹر )پاکستان سولنگی اتحاد کے سینئر و بزرگ رہنما امیر سولنگی نے صوبائی و ضلعی رہنما سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردارخادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی ‘ عابد سولنگی ‘ ندیم سولنگی ‘ عباس سولنگی ودیگرنے گجرانوالہ میں عید کی خریداری کیلئے بیوی کی جانب سے رقم کی طلبی پر شوہر کی خود سوزی کے واقعہ پر افسوس کرتے ہوئے کہا ہے کہ استحصالی طبقہ نے قومی سرمائے کو جس بیدردی سے لوٹا ہے اس کے مضمرات سامنے آرہے ہیں اور روٹی روزی کو ترسنے والے عوام بھیانک مہنگائی کی وجہ سے اس قدر مفلس و مجبور ہوچکے ہیں کہ اب ان کیلئے اپنا یا اپنے بچوں کا پیٹ پالنا تک مشکل ہوچکا ہے اور ان کی یہی بے بسی و بیکسی وطن عزیز میں دہشتگردی کا ہی باعث نہیں بلکہ ہمہ اقسام جرائم کی وجہ بھی ہے اور جو جرم کرنے کی طاقت سے محروم ہوتا ہے وہ خود کشی کی راہ اپنا رہا ہے جس کے ذمہ دار وہ تمام افراد اور طبقات ہیں جونہ صرف کرپشن و کمیشن میں ملوث ہیں بلکہ احتساب کی راہ میں رکاوٹیں اٹکارہے ہیں اور پانامہ لیکس کے ذریعہ بے نقاب ہونے کے باوجود خود کو احتساب سے محفوظ رکھنے کیلئے اختیار و اقتدار کا ہر ناجائز حربہ و ہتھکنڈہ آزمارہے ہیں مگر وہ یاد رکھیں کہ رب کی لاٹھی بے آواز ہے جس کی ایک جنبش انہیں اختیار سے محروم کردے گی اور اس بار سعودیہ ان کی مدد کیلئے آئے گا اور نہ ہی کوئی ان کیلئے طیارے چارٹر کرائے گا کیونکہ اب کی بار وطن عزیز کو بچانے کیلئے غیر روایتی کردار ادا کرنے والا پاک فوج کا سربراہ مشرف کی طرح بزدل یا مفاد پرست نہیں ہوگا۔
شوہر نے غیرت کے نام پر اپنی ہی بیوی کو مار مار کر برا حال کر دیا
چیئرمین پاکستان مینارٹی ایڈ لطیف بھٹی کی منسٹر سٹیٹ سے ملاقات
