کراچی: ایف آئی اے سائبر کرائم سرکل کا سافٹ وئیر ہاؤس پر چھاپہ

FIA

کراچی (اصل میڈیا ڈیسک) وفاقی تحقیقاتی ادارے (ایف آئی اے) سائبر کرائم سرکل نے خفیہ اطلاع پر سافٹ وئیر ہاؤس پر چھاپہ مارا۔

ایف آئی اے سائبر کرائم حکام کے مطابق شاہراہ فیصل میں واقع بزنس ایونیو کے چھٹے فلور پر قائم سافٹ وئیر ہاؤس میں خفیہ اطلاع پر چھاپہ مارا گیا۔

حکام کے مطابق سافٹ وئیر ہاؤس میں موجود عملے سے پوچھ کچھ کی گئی جب کہ دفتر میں موجود ڈیٹا کی تفصیلات بھی حاصل کی گئی۔

ایف آئی اے حکام نے 2 گھنٹے سے زائد سافٹ وئیر ہاوس میں چھان بین کی اور اس دوران بزنس ایونیو کے داخلی و خارجی راستوں کو بند رکھا گیا۔

ایف آئی اے حکام کا کہنا ہےکہ کارروائی میں 8 افراد سے بیانات بھی لیےگئے اور مزید تحقیقات کی جا رہی ہے۔

Nasir Mehmood - Chief Editor at GeoURDU.com