کراچی (جیوڈیسک) شہر قائد میں شدید گرمی کے باعث لوگوں کا جینا دوبھر ہوگیا ہے جبکہ گرمی کا زور توڑنے کے لئے لوگوں نے ٹھنڈے ممشروبات کا استعمال بڑھا دیا ہے۔
کراچی میں گزشتہ کئی روز سے درجہ حرارت میں اضافہ ہورہا ہے اور آج زیادہ سے درجہ حرارت 41 ڈگری تک ریکارڈ کیا گیا جس کے باعث شہریوں کی بڑی تعداد نے ساحل سمندر کا رخ کیا جبکہ مختلف پارکوں میں بھی شہریوں نے درختوں کے سائے میں پناہ ڈھونڈی، گرمی کی شدت کے باعث شہر میں مشروبات بیچنے والوں کی چاندی ہوگئی اور شہریوں نے کولڈڈرنک ، گولا گنڈہ، لسی اور ستو کا شربت پی کر گرمی سے نجات حاصل کرنے کی کوشش کی۔
دوسری جانب گرمی کی شدت میں اضافے کے ساتھ ہی شہری طویل لوڈشیڈنگ کے بھی دہرے عذاب میں مبتلا ہوگئے اورشہر کے اکثرعلاقوں میں بغیروجہ بتائے لوڈشیڈنگ کے دورانئے میں اضافہ کر دیا گیا ہے
محکمہ موسمیات کا کہنا ہے کہ اپریل کے آخر میں گرمی کی شدت میں اضافہ معمول کی بات ہے اور گرمی کی لہر آئندہ دو روز مزید جاری رہے گی جس کے بعد درجہ حرات میں 4 سینٹی گریڈ تک کمی کا امکان ہے۔
ماہرین کا کہنا ہے کہ گرمیوں میں سبزیوں کے ساتھ دہی کااستعمال انتہائی مفید ہے، گرمیوں میں لو (ہیٹ اسٹروک) جسم سے پانی اور نمکیات خارج ہونے کی وجہ سے لگتی ہے، ایسی صورت میں متاثرہ افرادکے لئے مشروبات اور لیمو پانی کا استعمال مفید ہوتا ہے۔
آئیسکو نے متعدد سرکاری و نیم سرکاری اداروں کی بجلی کاٹ دی
افغانستان کی کرکٹ ٹیم کو کراچی ایئرپورٹ پر روک لیا گیا
