کراچی (جیوڈیسک) کراچی کے علاقے لیاری میں شادی کی تقریب غمی میں بدل گئی، رخصتی کے وقت نامعلوم افراد کی فائرنگ سے دلہے کا قریبی عزیز جاں بحق جبکہ دلہن اور ایک بچہ زخمی ہو گیا۔
بغدادی میں شادی کی تقریب میں نا معلوم افراد نے فائرنگ کر دی جس سے دلہا کا ماموں زاہد جاں بحق ہو گیا جبکہ دلہن اور ایک بچہ مزمل زخمی ہو گیا۔ دلہن اور بچے کو فوری طور پر سول اسپتال منتقل کیا گیا جہاں دلہن کی حالت خطرے سے باہر ہے۔
ایس ایس پی سٹی فیصل بشیر کا کہنا ہے کہ امکان ہے کہ دو موٹرسائیکلوں پر سوار چارافراد نے دلہا کو نشانہ بنانے کی کوشش کی جبکہ دلہا کے رشتے داروں کا کہنا ہے کہ فائرنگ اس وقت ہوئی جب دلہا دلہن گاڑی میں بیٹھ رہے تھے ۔ پولیس نے تحقیقات شروع کر دی ہے۔
ڈیرہ اسماعیل خان،مسافر بس اور رکشے میں تصادم، 4 جاں بحق
سینیٹ کا ہنگامہ خیز اجلاس آج شروع ہو گا، 17 نکاتی ایجنڈا جاری
