کراچی (جیوڈیسک) فائرنگ کے واقعات میں تین افراد جاں بحق اور دو زخمی ہو گئے۔ پولیس نے دو مفرور ملزمان سمیت سات ملزمان کو گرفتار کر کے اسلحہ برآمد کر لیا۔
لیاری آگرہ تاج کالونی میں موٹر سائیکل سواروں نے بس سٹاپ پر کھڑے افراد پر فائرنگ کر دی جس سے دو افراد جاں بحق اور ایک شخص زخمی ہو گیا۔ جاں بحق شخص کی شناخت کامران اور زخمی کی نذر خان کے نام سے کر لی گئی ہے۔ دوسرے مقتول کی شناخت نہیں ہو سکی۔
لیاری میں مرزا آدم خان روڈ سے ایک شخص کی لاش بھی ملی جسے اغواء کے بعد تشدد اور فائرنگ کر کے قتل کیا گیا۔ مقتول کی شناخت نہیں ہو سکی۔
گلستان جوہر کے علاقے موسمیات بلاک فور کے قریب موٹرسائیکل سواروں کی کار پر فائرنگ سے سید علی شاہ نامی شخص زخمی ہو گیا۔ دوسری جانب محمود آباد اور اطراف کے علاقوں میں پولیس نے چھاپے مار کر دو مفرور ملزموں سمیت چھ ملز مان کو گرفتار کر لیا۔
بوٹ بیسن کے علاقے کلفٹن بلاک سیون میں مبینہ پولیس مقابلے کے بعد اسٹریٹ کرائم کی درجنوں وارداتوں میں ملوث ملزم کو گرفتار کر کے قبضے سے مسروقہ سامان، ٹی ٹی پستول اور موٹرسائیکل برآمد کر لی گئی۔
بلدیاتی الیکشن، کوئٹہ میں 628 امیدواروں نے کاغذات حاصل کر لئے
کراچی میں نیا ضلع، حد بندیوں پر ایم کیو ایم ناراض
