کراچی (جیوڈیسک) کراچی کے علاقے پاپوش نگر میں فائرنگ سے ایک شخص جاں بحق جبکہ سرجانی میں فائرنگ سے ایک شخص زخمی ہو گیا، ایم اے جناح روڈ پر پولیس موبائل پر ہونے والے دھماکے کا مقدمہ درج کر لیا گیا ہے۔
کراچی کے علاقے پاپوش نگر میں فائرنگ سے عارف نامی شخص ہلاک ہو گیا، پولیس کے مطابق مقتول کو دو گولیاں لگیں۔ واقعے کی تحقیقات جاری ہیں۔ سرجانی میں بھی فائرنگ سے ایک شخص زخمی ہو گیا۔
ایم اے جناح روڈ پر پولیس موبائل پر ہونے والے بم دھماکے کا مقدمہ درج کر لیا گیا ہے، مقدمہ پریڈی تھانے میں انسداد دہشت گردی ایکٹ کے تحت درج کیا گیا ہے۔
مقدمہ سب انسپکٹر گل فراز کی مدعیت میں درج کیا گیا او رواقعے میں زخمی پولیس اہلکار کا بیان بھی قلم بند کر کے سی سی ٹی وی فوٹیج کی مدد سے ملزمان کی تلاش جاری ہے۔
