کراچی (جیوڈیسک) شہر کے مختلف علاقوں میں فائرنگ اور پر تشدد واقعات میں 9 افراد اپنی جان سے ہاتھ دھو بیٹھے جبکہ درجنوں زخمی ہوگئے۔ پولیس کے مطابق کھارادر میں فائرنگ کے نتیجے میں سیاسی جماعت سے تعلق رکھنے والے 2 افراد جاں بحق اور 2 زخمی ہوگئے۔ کورنگی کراسنگ پر فائرنگ سے ایک شخص ہلاک ہو گیا۔ ملیر جامعہ ملیہ کے قریب سے ایک شخص کی لاش ملی ہے جسے تشدد کر کے ہلاک کیا گیا ہے۔ قائد آباد کے قریب نیشنل ہائی وے پر فائرنگ سے ایک شخص ہلاک ہو گیا۔ فیڈرل بی ایریا بلاک 15 میں فائرنگ کر کے ایک شخص کو ہلاک اور 2کو زخمی کردیا گیا۔
گولیمار میں زمیندار ہوٹل کے قریب فائرنگ سے ایک شخص ہلاک ہو گیا۔ لیاری کے علاقے کلا کوٹ اور عثمان آباد سے 2 افراد کی تشدد زدہ لاشیں ملی ہیں۔ لیاری میں ہی کلری، ہنگورا آباد، دبئی چوک، عیدو لین، پھول پتی لین سمیت کئی علاقوں میں فائرنگ اور راکٹ حملوں میں 10 خواتین سمیت 19 افراد زخمی ہوگئے۔ اس کے علاوہ سہراب گوٹھ، بلدیہ ٹاون اور نانک واڑا میں فائرنگ سے 4 افراد زخمی ہوگئے۔
جو قوتیں میاں جی کو اقتدار میں لائیں، ان پر خدا کا غضب ہو، جاوید ہاشمی
بھارت میں قائداعظم کی تمام تقاریر عام کرنے کا حکم
